الموضوع: التقييــــم الشامـــل لهيونداى النتــــرا 2012 ومقارنتها مع هـــوندا سيفـيـــك 2012

انت ادرى لانك جربت الاتنين على سرعات عاليه انا مجربتش , بس ملاك الالنترا مشتكوش من الثبات وفى منهم اللى جرب السيفيك وغيرها عشان بس محدش يقول كان راكب عربيه اقل فلازم الالنترا تعجبه

لا يمكن مايكونش حد اشتكى من الثبات راجع المشاركات هتتاكد من كلامى
انا ماقولتش ان اللى بيركب الكورى بيشترية عشان مش فاهم لا سمح الله , بس احنا كل اختلاف وجهات النظر مابينا مش على العربية اكتر من الخلاف على المبالغة فى اعطاء انطباع انها لامبورجينى مش النترا + انتوا مقتنعين انها افضل قيمة مقابل السعر

طبعا مش لامبورجينى ولا تيجى الجنط بتاعها حتى :) بس هى من افضل العربيات قيمه مقابل سعر مش الافضل


على فكرة طلعلى كدة عيوب السيفيك اية ؟ وساعتها هتعرف يعنى اية بنشترى يابانى عشان العلامة , وبعدين اليابانى درجات مش مثلا هتجيب هوندا زى سوزوكى
فين القيمة مقابل السعر ؟؟؟؟؟؟؟؟؟؟؟؟؟؟؟

اكيد اليابانى مش كلو واحد والهوندا مش سوزوكى ولا دايهاتسو معروف ان الهوندا التوب فى اليابانى , بس برضه فيها عيوب


طبعا الكمال لله وحدة , بس عيوبها غير جوهرية او بمعنى ادق ممكن تتغاطى عنها ومش هتحس بيها غير فى ظروف معينة معلش ياياشا الاسعار دية فيها اخطاء + ان بردة الكماليات فيها اخطاء

الفئة دية تمنها 138 الف جنية ومافيهاش abs ولا جنوط رياضية ولا فتحة سقف

والفئة دية مافيش فيها حاجة ب144 الف خالص , هو فية فئة ب 141,500 ودية مافيهاش غير airbag واحدة بس وبدون abs

والتانية ب147 ودية بردة مافيهاش غير airbag واحدة

الصراحة توزيع غريب للاوبشن واول مرة اشوفة فى عربية

الفولى لودد ب 159 الف جنية


لا مفيهاش اخطاء ممكن يكون الاختلاف ان انا باقول الاسعار اللى عليها عرض حاليا خصم 3 الاف وانت جايب قبل الخصم , الاسعار دلوقتى للاوتوماتيك من 123 ل 156 بدل 126 ل 159 , غير انك ممكن تلاقى فئتين بنفس السعر بس كل واحده مختلفه

اكيد انتوا ادرى بس دة اللى انا جايبة من كونتاكت كارز ياريت حد فيكوا ينزل موضوع فئات الالنترا ومواصفاتها عشان نقدر نحكم كويس

زى النترا GL اول فئه فيها 2 ايرباج و ABS نفس سعر فئة هاى لاين اللى فيها ايرباج بس مفيش ABS وفيها جنوط

والله شوف ياباشا انا لحد دلوقتى مش عارف موضوع الاوبشن دة ماشى ازاى بلاقى حاجات غريبة ان كل ما السعر يعلى كل ما عوامل الامان تقل حاجة غريبة جدا

والهاى لاين الكامله بايرباج و ABS وفتحة سقف نفس سعر فئة Gls اللى فيها ايرباج وسنسور مطر وركن ومفيش ABS

راجع معلوماتك

ماشى هراجع معلوماتى

واختلاف وتنوع الفئات انا شايفه ميزه مش عيب كل واحد يختار اللى يعجبه


دهان السيفيك ممتاز , العيب اللى فى السيفيك ان الاكصدام لما بياخد خبطة بيطق على طول من الكلبسات , العزل كويس جدا بس مشكلتة مع الاسفلت المحبب بيكون صوت الكاوتش مسموع واعتقد دة هتلاقية فى اى عربية لكن اللى غريب انك تسمعة على طريق اسفلت عادى ودة مش موجود فى السيفيك , تزييق البطاحات ياة ياباشا دة كان عيب فى 2007 واول 2008 واتحل خلاص وكمان عشان ماننساش وعلبة الدركسيون والقاعدة كل دة اتحل تماما فى موديل 2009-2010 وبقت السيارة لا يوجد منها اى مشاكل
لأ طبعا انا شايف انة اكبر عيب لانة مش عارف ينظمها كويس وكلة داخل فى كلة واتحدى ان حد فيكوا عارف الاوبشن بتاع كل فئة بسبب اللخبطة اللى حاصلة لان ازاى ابقى دافع 126 الف واخد ABS - AIRBAG وواحد دافع 141 الف ماياخدش غير AIRBAG واحدة ومافيش ABS حاجة غريبة جدااااااااااااااااااااااا ااا

يعنى اللى يشترى ميشتريش اول موديلين احسن صح يخليه فى ال 2009-2010 بعد علاج العيوب

لأ اشترى الاتنين عادى بس اكيد ال2007-2008 هتكون غيرت الحاجات اللى فيها مشاكل وخلاص مش هتواجهك تانى , بس فرامل السيفيك 2009 - 2010 افضل من 2007-2008
ماشى انا معاك ان الجديد بتاع السيفيك جاء على غير المتوقع , وانا ماقولتش لازم تشترى سيفيك دية حرية اختيارك


طب اشترى ايه مادام الكورى مبالغ فيه ولا يستحق تمنه بس يكون سعره قريب مش هاقول بنفس السعر


ماشى مبالغين فى سعرهم بس مدينك كل اللى تحتاجة + كمان اداء واعتمادية وثبات ومحرك اللى يريحك دة حاجة ترجعلك حتى لو هتشترى كورى


مش لدرجة سعرهم يعنى ثبات السيتى هايفرق اد ايه عن الاكسنت الكامله جنط 16 او السيفيك اثبت من الالنترا بنسبة اد ايه , وفرق المحركات برضه مش الجامد , واعتمادية الهيونداى معروفه ولسه جايب تقارير JD Power

بردة كل دة مش هيوصل لاعتمادية الهوندا
عشان الزبون مش هيدفع 160 الف جنية فى عربية كورى وقدامة فئات تانية اشد واحسن بكتير واغلى حاجة بسيطة الا بقى اللى غاوى وبيحب الكورى , لكن فعلا انا نادرا مابشوف الكاملة ماشية فى الشارع

هاتفشل على اساس انها ناجحه :)

عموما نفس الكلام لو الالنترا نزلت 6 ايرباج ABS EBD TCS ESP وغيره هاتوصل 180-190 وماحدش هايتجنن طبعا ويجيبها , بس الفرق ان الالنترا فى مصر نازل فيها معظم الاوبشن بتاعت بره , لكن السيفيك كماليتها اقل واغلى ب 45 الف واللى فيها زياده EBD VSA وال VTi بتنزل 4 ايرباج بدل 2

لية ياباشا هو اصلا حد بيشتريها وهية ب156 لما هيشتروها ب180-190
معلش هو اية معظم الاوبشن اللى نازل برة معلش كدة هاتلى اول فئة من هنا واول فئة هنا وقولى الفرق اية

على فكرة اتفرج كدة على كماليات السيفيك وانت تعرف ادخل على موقع هوندا واقرى الكماليات

يعنى ممكن جدا تطلب من غبور ( لو رضى ) اول فئه فاضيه ( زى ام 176 حاليا فى السيفيك ) وتجيبها ب ABS EBD ESP و 2 ايرباج وايموبليزر هاتقف مثلا ب 140 قول 145 كمان , فرق ال 30 الف دول ليه , فرق 30 الف فى عربيتين من نفس الفئه ونفس المواصفات

اعتقد مش هتبقى كدة خالص راجع حساباتك

المشاركة الأصلية كتبت بواسطة devil_storm

تانى يا سمسم انت متاكد انك ركبت الالنترا و اعدت ورا!!!! مستحيل تكون بتكلم على الالنترا!!! بقولك العربية مصنفة mid size و ليس compact!!! يعنى فئة السوناتا و الكامرى و الاكورد فى الوسع و اوسع من الباسات و النيسان التيما تقولى ذى السيفيك!!!

يا باشا انا طولى 180 سم و برجع الكرسى للاخر بحيث ببقى مش طايل الدركسوين ولا الدبرياج و اللى ورايا بيعد طولة 190 و استحالة ركبة بتلمس الكرسى!!!! لما ركبت الهوندا و عملت فى كرس السواق كدة ركب اللى ورا كانت بتحفر فى كرسى السواق!!! غير عرض الالنترا اعرض بكتير جدا من الهوندا و دة مدى الكنبة اللى ورا وسع جامد جدا لدرجة ان كتير بنركب فيها 4... سلملى بقى على الهوندا لما بيركب فيها 3 ورا و اللى بيحصلهم سعتها!!! تانى يا سمسم انت متاكد انك ركبت الالنترا و بتكلم بحيادية؟؟؟؟ الفرق شاسع فى الوسع لصالح الالنترا مش فرق بسيط... من فضلك روح اركب العربية تانى و تعالى قول رايك بحيادية

لا معلش انا بقول لحضرتك اركب عربيتك تانى ورا ومش هاقولك رجع الكرسى على الاخر لأ خلى صاحبك اللى طول 190 سم يقعد قدام ويظبط قعدتة مستريح كوضع قيادة , وعلى نفس الوضعية يقعد فى الخلف ويشوف هيقعد ازاى