انا ركبت الاتنين وفعلا لقيت فرق فى الثبات على السرعات كبير , فرق فى التجميع خصوصا بعد ال140 ( كلامى طبعا على موديل 2010 ) فرق الخامات لصالح السيفيك + مواصفات الامان
انت ادرى لانك جربت الاتنين على سرعات عاليه انا مجربتش , بس ملاك الالنترا مشتكوش من الثبات وفى منهم اللى جرب السيفيك وغيرها عشان بس محدش يقول كان راكب عربيه اقل فلازم الالنترا تعجبه
انا ماقولتش ان اللى بيركب الكورى بيشترية عشان مش فاهم لا سمح الله , بس احنا كل اختلاف وجهات النظر مابينا مش على العربية اكتر من الخلاف على المبالغة فى اعطاء انطباع انها لامبورجينى مش النترا + انتوا مقتنعين انها افضل قيمة مقابل السعر
طبعا مش لامبورجينى ولا تيجى الجنط بتاعها حتى :) بس هى من افضل العربيات قيمه مقابل سعر مش الافضل
على فكرة طلعلى كدة عيوب السيفيك اية ؟ وساعتها هتعرف يعنى اية بنشترى يابانى عشان العلامة , وبعدين اليابانى درجات مش مثلا هتجيب هوندا زى سوزوكى
اكيد اليابانى مش كلو واحد والهوندا مش سوزوكى ولا دايهاتسو معروف ان الهوندا التوب فى اليابانى , بس برضه فيها عيوب
معلش ياياشا الاسعار دية فيها اخطاء + ان بردة الكماليات فيها اخطاء الفئة دية تمنها 138 الف جنية ومافيهاش abs ولا جنوط رياضية ولا فتحة سقف والفئة دية مافيش فيها حاجة ب144 الف خالص , هو فية فئة ب 141,500 ودية مافيهاش غير airbag واحدة بس وبدون abs والتانية ب147 ودية بردة مافيهاش غير airbag واحدة الصراحة توزيع غريب للاوبشن واول مرة اشوفة فى عربية الفولى لودد ب 159 الف جنية
لا مفيهاش اخطاء ممكن يكون الاختلاف ان انا باقول الاسعار اللى عليها عرض حاليا خصم 3 الاف وانت جايب قبل الخصم , الاسعار دلوقتى للاوتوماتيك من 123 ل 156 بدل 126 ل 159 , غير انك ممكن تلاقى فئتين بنفس السعر بس كل واحده مختلفه
زى النترا GL اول فئه فيها 2 ايرباج و ABS نفس سعر فئة هاى لاين اللى فيها ايرباج بس مفيش ABS وفيها جنوط
والهاى لاين الكامله بايرباج و ABS وفتحة سقف نفس سعر فئة Gls اللى فيها ايرباج وسنسور مطر وركن ومفيش ABS
راجع معلوماتك
واختلاف وتنوع الفئات انا شايفه ميزه مش عيب كل واحد يختار اللى يعجبه
دهان السيفيك ممتاز , العيب اللى فى السيفيك ان الاكصدام لما بياخد خبطة بيطق على طول من الكلبسات , العزل كويس جدا بس مشكلتة مع الاسفلت المحبب بيكون صوت الكاوتش مسموع واعتقد دة هتلاقية فى اى عربية لكن اللى غريب انك تسمعة على طريق اسفلت عادى ودة مش موجود فى السيفيك , تزييق البطاحات ياة ياباشا دة كان عيب فى 2007 واول 2008 واتحل خلاص وكمان عشان ماننساش وعلبة الدركسيون والقاعدة كل دة اتحل تماما فى موديل 2009-2010 وبقت السيارة لا يوجد منها اى مشاكل
يعنى اللى يشترى ميشتريش اول موديلين احسن صح يخليه فى ال 2009-2010 بعد علاج العيوب
ماشى انا معاك ان الجديد بتاع السيفيك جاء على غير المتوقع , وانا ماقولتش لازم تشترى سيفيك دية حرية اختيارك
طب اشترى ايه مادام الكورى مبالغ فيه ولا يستحق تمنه بس يكون سعره قريب مش هاقول بنفس السعر
ماشى مبالغين فى سعرهم بس مدينك كل اللى تحتاجة + كمان اداء واعتمادية وثبات ومحرك
مش لدرجة سعرهم يعنى ثبات السيتى هايفرق اد ايه عن الاكسنت الكامله جنط 16 او السيفيك اثبت من الالنترا بنسبة اد ايه , وفرق المحركات برضه مش الجامد , واعتمادية الهيونداى معروفه ولسه جايب تقارير JD Power
عشان الزبون مش هيدفع 160 الف جنية فى عربية كورى وقدامة فئات تانية اشد واحسن بكتير واغلى حاجة بسيطة الا بقى اللى غاوى وبيحب الكورى , لكن فعلا انا نادرا مابشوف الكاملة ماشية فى الشارع
زى ايه ؟ اعتقد مفيش غير الفوكس الجديده اما نزلت وللاسف الفئتين 155 الف و 165 الف فاضيين مايتركبوش وزى ما انت قولت قليل اللى بيجيب الفولى لودد ولو لقيتها ممكن تبقى خليجى ب 100 حاجه واربعين الف ارخص من غبور
لو الفطيم نزل السيفيك اللى بتنزل برة بالاوبشن والكماليات اللى نزلت برة هتعدى تمنها ال230 الف جنية وساعتها هتفشل , لكن الفرق مابين الخارج وهنا هو فقط الاوبشن الزيادة غير كدة كل حاجة زى ماهية , لكن المواصفات طبعا بنفس الجودة انا ركبت السيفيك الامريكى كانت تحفة وكلها اوبشن بس كقيادة واحدة طبعا بخلاف المحرك اقوى
هاتفشل على اساس انها ناجحه :)
عموما نفس الكلام لو الالنترا نزلت 6 ايرباج ABS EBD TCS ESP وغيره هاتوصل 180-190 وماحدش هايتجنن طبعا ويجيبها , بس الفرق ان الالنترا فى مصر نازل فيها معظم الاوبشن بتاعت بره , لكن السيفيك كماليتها اقل واغلى ب 45 الف واللى فيها زياده EBD VSA وال VTi بتنزل 4 ايرباج بدل 2
يعنى ممكن جدا تطلب من غبور ( لو رضى ) اول فئه فاضيه ( زى ام 176 حاليا فى السيفيك ) وتجيبها ب ABS EBD ESP و 2 ايرباج وايموبليزر هاتقف مثلا ب 140 قول 145 كمان , فرق ال 30 الف دول ليه , فرق 30 الف فى عربيتين من نفس الفئه ونفس المواصفات
المفضلات