الموضوع: التقييــــم الشامـــل لهيونداى النتــــرا 2012 ومقارنتها مع هـــوندا سيفـيـــك 2012

المشاركة الأصلية كتبت بواسطة semsem kane

معلش بعد اذن حضرتك خامات الالنترا لو اتعملت زى الكورولا هتدفع فوق تمن العربية 10 الاف جنية ويمكن اكتر



الكورولا بلاستيك انا اول مرة اسمع كدة , هو حضرتك ركبت كورولا قبل كدة ؟؟؟؟؟؟؟؟؟؟؟؟؟؟؟


الكورولا خاماتها افضل 30 مرة من خامات اللالنترا وعلى فكرة خاماتها واحدة فى كل الفئات مش عربية تديك الخامات كمان اوبشن

شكل التابلوة وتجهيزاتة واماكن التخزين اشد بمراحل من اللالنترا

ياريت تسألوا كويس او تركبوا العربيات الاول قبل ماتردوا

اه والله العظيم ركبت الكورولا الهايلاين بفتحة سقف كمان , انت بقى ركبت الفولي لودد ؟
الكورولا التابلوه والاوبشن بتاعه اشد بمراحل من الالنترا , يا ديني
انت متاكد انك بتتكلم عالكورولا الشكل الجديد ؟
بص انا هسالك سؤال زي ما سالته لفورميولاتور , ايه بالنسبة لك اللي مخلي كل الناس تشتري النترا وايه سر انتشاره الرهيب ده في اقل من سنة في مصر والخليج وامريكا ؟

المشاركة الأصلية كتبت بواسطة semsem kane

اكيد طبعا ياباشا كل واحد يركب اللى على مزاجة

ويبعدين ازاى الثبات والحركات والتقفيل مالوش اى لزمة عندك , وحضرتك كل يوم بتختبر السيارة الاختبارات دية عشان تعرف مدى اعتماديتها , يبقى اذن الاشياء دية تهمك

وبعدين هو حد يكرة ان يركب عربية ثابتة ومحركها قوى وتقفيلها ممتاز !!!!!!!!!!

اه انا ارفض , لو هتديني عربية لامبورجيني وانا معايا عائلة مش هتبقى مفيدة بالنسبة لي زي لما تجيبلي عربية suv مثلا , بنفس المنطق انا موتور الالنترا القديمة ( اقل من الجديدة ب 6 حصان ) مكفي احتياجاتي جدا لاني مش عايش في تراك سباق , في المقابل واخد راحة وتقفيل كويسة وقطع غيار في المتناول وسعر اعادة بيع ممتازة وموتور مبيكسفنيش , في الجديدة زيادة عن اللي فات شكل ممتاز هو الافضل في الفئة دي وموتور اشد كمان واوبشن مش موجود غير فيها هي والفلونس

المشاركة الأصلية كتبت بواسطة semsem kane

ياباشا ازاى حضرتك بتقول ان خامات الكورولا اسوء من خامات الالنترا ينهار ابيض

ياجماعة بعد اذنكوا ياملاك الكورولا حد يدخل يرد على النقطة دية حد يقول خامات الكورولا عاملة ازاى

بالنسبة لاجابة سؤالك هجاوب علية بمنتهى البساطة , زى بالظبط سر الانتشار الرهيب للفيرنا

هل دة مقياس انها عربية حلوة اكيد لأ طبعا بس زى ماقولتلك هيونداى وكيا لاعبين لعبة حلوة اوى وهية حاطين عربيات فى متناول ظروف المواطن المصرى عشان لو واحد معاة مقدم 50 الف وعايز يجيب عربية ومايقسطش كتير مش هيلاقى اختيار غير الكورى قدامة وفيها اوبشن كويس وبتتباع بسرعة لو حب يغير

بالنسبة بقى للخليج وامركيا لما اركب العربيات اللى بتنزل هناك اقدر افيدك ساعتها يمكن الاختلاف مابين هنا وهناك بيخليوهم يركبوها

وبعدين ياباشا نصيحة منى السوق المصرى لا يتم تحديد لية اى هوية لانة ماشى على المعتقدات القديمة ,- احنا ماشيين ورا كلام التجار يقولك ارفع الاسعار تترفع الاسعار نزل الاسعار تنزل الاسعار , يقولك دية حلوة تلاقى الكل جابها , يقولك دية وحشة تلاقيها بتتباع برخص التراب ,و هاتلى واحد كبير راكب النترا وقولة دية كام حصان هيقولك ماعرفش + ضحك المبيعات على الزباين عشان يبيعوا وطبعا كلة بعمولتة , الناس اللى بتشترى العربية من غير حتى مايجربوها كل دة دليل على ان المستهلك المصرى بيجيب اى حاجة وخلاص , لكن اللى بيبقى لية متطلبات فى العربية صدقنى هيبعد عن الكورى نهائى يعنى لو واحد عايز ( محرك قوى + ثبات + اعتمادية بجد + عربية رياضية بمعنى الكلمة ) هيبعد عن الكورى نهائى ومعظم اليابانى , مش هقولك عشان يبانى يبقى تمام , لأ طبعا فى عربيات يابانى كتير الواحد عارف ان مستوى الكورى افضل منها بدون ذكر اسماء




طيب بعد اذنك كدة ممكن تقولى اية الاوبشن اللى موجود فى الالنترا اللى ب135 الف اللى بيقولوا عليها ( full option - autamtic transmission )

كنت متاكد انك هتقول كده , على فكرة الالنترا في الخليج هي هي بالظبط اللي بتنزل هنا , بس زيادة انها بتنزل 1.6 و 1.8 , يعني المصريين مش فاهمين واللي في الخليج برضه مش فاهمين
والناس اللي بتقول عليها دي هي هي اللي بتجيب الكورولا من غير ما تجربها لمجرد انها ياباني , وكلامك في تناقض كبير جدا , السيفيك اللي انت نفسك بتقول عليها وحشة بتتباع ب 200 الف جنيه , وهاتلي واحد راكب فانتازيا او جيتا او كورولا وقوله دي كام حصان هيقولك معرفش ( الا اذا كان فاهم ) ملهاش دعوة بالعربية ليها دعوة بالمالك نفسه , مثلا اوبل استرا المبيعات بتقول انها الماني وهي بولندي , مش غبور لوحده اللي شيطان والباقي كلهم ملايكة , انت متطلباتك عربية رياضية , انا متطلباتي عربية عائلية واسعة قطع غيار رخيصة سعر اعادة بيع كويس محرك قوي استهلاك بنزين كويس واعتمادية كويسة وده انا لقيته في الالنترا مع بعض التحفظات , ولكن ممكن اجيب هوندا لو كان متطلباتي حاجة تانية مش هتربس على عربية واحدة هي اللي كويسة والباقي عربيات كارو واللي بيركب صيني مبيفهمش وكده , لا كل واحد ليه رايه واحتياجاته وهو احسن واحد يقدر يقول هو عاوز يجيب ايه.
الالنترا اللي ب 135 دي اول او تاني فئة ومش full options , بس فيها فتحة سقف وفوج لايت ومالتي فانكشن ودركسيون tilt-telescope وفتيس 6 سرعات ستيبترونيك ومرايات كهرباء وكمبيوتر رحلات , والفولي لودد اكتر بكتير , ومع ذلك كمالياتها قليلة بالنسبة للي بتنزل بيه بره , بس بالنسبة لفئتها السعرية تعتبر كويسة ( مع التحفظ على قلة وسائل الامان نسبيا )

المشاركة الأصلية كتبت بواسطة semsem kane

وكلامك في تناقض كبير جدا , السيفيك اللي انت نفسك بتقول عليها وحشة بتتباع ب 200 الف جنيه

انا بتكلم على السيفيك 2010 vti

وهاتلي واحد راكب فانتازيا او جيتا او كورولا وقوله دي كام حصان هيقولك معرفش ( الا اذا كان فاهم ) ملهاش دعوة بالعربية ليها دعوة بالمالك نفسه

انت شايف دة حاجة كويسة

انا متطلباتي عربية عائلية واسعة قطع غيار رخيصة سعر اعادة بيع كويس محرك قوي استهلاك بنزين كويس واعتمادية كويسة وده انا لقيته في الالنترا مع بعض التحفظات , ولكن ممكن اجيب هوندا لو كان متطلباتي حاجة تانية مش هتربس على عربية واحدة هي اللي كويسة والباقي عربيات كارو واللي بيركب صيني مبيفهمش وكده , لا كل واحد ليه رايه واحتياجاته وهو احسن واحد يقدر يقول هو عاوز يجيب ايه.

انت شايف ان قطع غيار هيونداى اصبحت رخيصة ؟؟؟؟؟؟؟؟ , واديك اعترفت اهوة ان هوندا افضل

محدش قال كارو بس كل المناقشات دية بسبب المبالغة فى وصف العربية

الالنترا اللي ب 135 دي اول او تاني فئة ومش full options , بس فيها فتحة سقف وفوج لايت ومالتي فانكشن ودركسيون tilt-telescope وفتيس 6 سرعات ستيبترونيك ومرايات كهرباء وكمبيوتر رحلات , والفولي لودد اكتر بكتير , ومع ذلك كمالياتها قليلة بالنسبة للي بتنزل بيه بره , بس بالنسبة لفئتها السعرية تعتبر كويسة ( مع التحفظ على قلة وسائل الامان نسبيا )

معلش انا لحد دلوقتى مش شايف اوبشن او اى مواصفات امان يخليها ب135 الف ياريت توضيح اكتر للاوبشن لانى اتصدمت الصراحة لما سمعت الاوبشن دة والسعر دة

يا سمسم ما تسيبك من القديم ! مش كل الناس عايزة تجيب مستعمل , والالنترا الشكل القديم برضه كان ب 90 الف لو هتتكلم في القديم بقى , يعني هيونداي غليت لما السوق كله غلي , انا مش شايف ان ده صح بس ده مش ذنب العربية نفسها ومش متعلق بهيونداي بس , اه قطع غيار هيونداي رخيصة جدا بالنسبة للمنافسين ومتوافرة في التوكيل وبرة التوكيل بغزارة , انا معترفتش ان هوندا افضل متاخدش كلمة من اللي انا قلته وتسيب الباقي , انا قلت هوندا ليها مميزات وعيوب وهيونداي ليها مميزات وعيوب , كل واحد بيشوف ايه العربية اللي مميزاتها كتير بالنسبة له وعيوبها بالنسبة له ثانوية وعادية وبيختار , مفيش عربية كاملة في المطلق وهوندا دي مش مصنوعة من ملايكة يعني , وانا برضه مش شايف اي اوبشن في السيفيك يخليها ب 200 الف جنيه , ومش شايف اي عربية في مصر اصلا تستاهل سعرها , خد بالك انك اصلا بتاخد ب 135 الف جنيه عربية في فئة ال compact وبالسعر ده مش هتاخد غير عربية subcompact من هوندا مثلا , اه معلش كمان العربية فيها تكييف اوتوماتيك ومرايات ضم وبلوتوث وايرباج وحساس مطر وجنوط 16 ده غير فتحة السقف , قلتلي الهوندا بقى بكام ؟