الموضوع: احزروا البنزين المغشوش

المشاركة الأصلية كتبت بواسطة mohammedabdallh

غلطان
المفروض لما عامل البنزينه رفض يشفط البنزين كنت عملت ايه
زمان كنا بناخد بنزين من اى عربيه ازاى
بالخرطوم ونشفط فى جركن
كنت شفط البنزين على قد ما تقدر وتروح تفول من مكان نظيف وتحط منظف انجكشن والموضوع خلص ووكن كمان تزود ازازة الى بترفع نسبه ااوكتين
ولك تحياتى

للأسف يامحمد الصنى ماينفعش يتسحب منها البنزين الا بفك التانك بالنسبه للمكان زى ماانا زاكر دى بنزينه موبيل و انا دايما بتجنب بنزينات التعاون و مصر خوفا من الغش و الرواسب اللى فى البنزينات دى

المشاركة الأصلية كتبت بواسطة moh_faheem

الله يكون فى عونك
هنعمل ايه لانعدام الضمير
بس مع الاسف مفيش طريقة لمعرفة ان البنزين مغشوش
وازاى مفيش والا عربية رجعت واتخنقت مع عمال البنزينة
ومفيش والا صاحب عربية يرجع ينبه باقى السيارات

انا اللى نبهت الناس يامحمد بالخناقه مع صاحب البنزينه و الغريبه ان الناس فضلت و اقفه تمون الازمه برضه صعبه

المشاركة الأصلية كتبت بواسطة ahmazong

الحمدلله إنها عدت على خيييييييييير ..

ربنا يخليك يااحمد و ربنا يوفقك فى الامتحانات

المشاركة الأصلية كتبت بواسطة land_cruiser

الحمد لله ان حضرتك انصرفت صح و نزلت البنزين المضروب ده و ما كسلتش تروح للميكانيكى و ربنا يعوض عليك. للاسف مفيش ضمير و الناس بتستغل الازمه لتحقيق مكاسب زياده منهم لله

حسبى الله و نعم الوكيل ياباشا

المشاركة الأصلية كتبت بواسطة maserati

السلام عليكم و رحمة الله و بركاته

ايييييييييييييييييه القرف داااااااااااااااه ؟؟؟

أنا على فكرة, مش ضد أنهم يغشوا البنزين لما يكون فى البلد أزمة بنزين, أنا بس عاوزهم, أما ييجوا يغشوه, مايحطوش ميه كتير, عشان يدوب العربية تكح كحتين و تكمل, مش تقف خالص و تبوظ !!!!!!!!!!!

أقول ايه بس, أخاف أتكلم لأتوقف.

ياباشا علشان ماأظلمش حد فى مهندس ميكانيكى حبيبى بحكيله على اللى حصل قالى الميه بتيجى من بخر البنزين و اختلاطه مع الهواء فى البنزينات و المفروض ان البنزينات بتنظف المستودعات الخاصه بها من وقت لاخر علشان المشكله دى بس اكيد معع الازمه دى ماحدش بيفكر فى الصيانه

المشاركة الأصلية كتبت بواسطة a7med_pharma

مابلغتش ليه ؟

يعني عربيتك تبوظ..وتسكت عادي كده
تعرف زمان أيام ماكانت الحالة معايا تمام والفلوس كتيرة .. كنت بلبس المصيبة الي من النوع ده وأكبر دماغي
لكن الأيام دي مفيش فلوس والحالة ض ج
مابفوتش حاجة زي دي من غير ماعمل مشكلة

تبلغ مين يادكتور الشرطه؟!!!!!!!!!!!!!!!!!!!!!! هى فين ؟

المشاركة الأصلية كتبت بواسطة hm_elhamy

الله يكون فى عونك بس المفروض عليك تكتب اسم ومكان البنزينه عشان انت سايب الموضوع عايم ما حدش عارف انه بنزينه وتبع انه شركه بترول ( شل ولا توتال ولا الوطنيه ولا ولا ) اكتبلنا اسم ومكان البنزينه

بنزينه موبيل فى اسيوط ماتقلقش بعيد عنك بس خلى بالك من البنزينات اللى عندك ههههههههههههه

المشاركة الأصلية كتبت بواسطة ahmed.tv

حسب الله ونعم الوكيل .. والله كويس انك عرفت تتصرف .. والحمد لله انها جت على قد كدا

و الله ياحمد دمى اتحرق مش على الفلوس اكتر من التعب و خمس ساعات فى الموضوع ده
و الحمد لله على كل شئ

المشاركة الأصلية كتبت بواسطة abuhusam

[mark=#f9ff9e]ضروري نعرف اسم البنزينة ومكانها.. علشان ما حدش يقع تحت إيديهم تاني.. وعندي سؤال.. ما فيش طريقة نعرف بيها البنزيز مغشوش ولا لأ قبل ما نمون؟ يعني لو أخدت لتر في زاجاجة فاضية قبل ما أمون.. متهيألي كثافة البنزين مختلفة عن المية وبالتالي هايبقوا مفصولين عن بعض ويظهر الفرق ولا البنزين بيختلط بالمية وما يتعرفش بالنظر؟؟؟؟[/mark]

البنزينه انا كاتب انها موبيل و هى فى اسيوط
ثانيا بالنسبه لاختلاط البنزين بالماء بنزين 92 خفيف و ممكن يتخلط بالماء
ثانيا اى حد بيمون بنزين مش بشوف البنزين لان البنزين مش بيضخ الا و المسدس داخل السياره اكيد مش افضى نصف لتر الاول فى الارض علشان اشوف مغشوش و لا لا

المشاركة الأصلية كتبت بواسطة mohsunny2009

للأسف...........
ياباشا علشان ماأظلمش حد فى مهندس ميكانيكى حبيبى بحكيله على اللى حصل قالى الميه بتيجى من بخر البنزين و اختلاطه مع الهواء فى البنزينات............

السلام عليكم و رحمة الله و بركاته

اللى أنا كنت سمعته زمااااااان مرة, أن الجدران بتاع التانكات لما بتتاكل و يبدأ البنزين نسبة الميه تزيد فيه من المية اللى فى الأرض, ده كلام سمعته و مش عارف بالظبط اذا كان صح و لا غلط, الكلام ده بيحتاج أن التانكات تتغير كل مدة طويلة أوى, لكن لما ألاقى بنزينة جديدة (يعنى التانكات لسه سليمة) و البنزين بتاعها بدأ يبقى فيه ميه كتير و فى نفس التوقيت اللى فيه أزمة بنزين, يبقى الحكاية مش حكاية عوامل طبيعية هى اللى جابت ميه عالبنزين.

المشاركة الأصلية كتبت بواسطة maserati

السلام عليكم و رحمة الله و بركاته

اللى أنا كنت سمعته زمااااااان مرة, أن الجدران بتاع التانكات لما بتتاكل و يبدأ البنزين نسبة الميه تزيد فيه من المية اللى فى الأرض, ده كلام سمعته و مش عارف بالظبط اذا كان صح و لا غلط, الكلام ده بيحتاج أن التانكات تتغير كل مدة طويلة أوى, لكن لما ألاقى بنزينة جديدة (يعنى التانكات لسه سليمة) و البنزين بتاعها بدأ يبقى فيه ميه كتير و فى نفس التوقيت اللى فيه أزمة بنزين, يبقى الحكاية مش حكاية عوامل طبيعية هى اللى جابت ميه عالبنزين.

الغريبه ان الشكوى دى كترت الايام دى طبعا مش معقول البنزينات كلها باظت فى وقت واحد