الموضوع: الحرارة والتكييف

هجيبة يوم الاحد ان شاء الله وربنا يكرم.

شكرا لتعبك معايا.

يا رجالة مفيش حد عندة اجابة على سؤالى:

المشاركة الأصلية كتبت بواسطة Mostafa.Ismail

يا طنانى ويا فادى , هو لما كل يوم اخد هواء ويطلع شوية هواء لا باس بهم ... دة عادى ولا لا؟ مش المفروض دورة التبريد دورة مغلقة, يعنى الهواء اللى بيطلع كل يوم دة بيجى منين؟؟؟

وفى حاجة تانية ياريت حد يقولى دة صح ولا لا؟ انا دورت شوية فى موضوع سخونة المحرك ولقيت الاسباب كالتالى:

1- خروج هواء بصفة دائمة من قربة المية او الردياتير والعربية سخنة سببة اعوجاج او شرخ فى وش السلندر وهو مايقوم بتسريب هواء الى الداخل عند ارتفاع درجة حرارة السيارة.
ودة اللى بيحصل عندى :(

2- غطاء القربة (هجرب اغيرة).

3- ثرموثتات الكوعة (مغيرة عند 70 الف, يعنى عامل لحد الان 50 الف).
ممكن اعرف اجربة ازاى؟

4- صباع الحرارة
ممكن اعرف اجربة ازاى؟

5- المروحة. يا شغالة يا لا بس ممكن تكون شغالة بس مش بالسرعة المطلوبة, يعنى بتشتغل سرعتين وكلة تمام بس عدد اللفات اقل من المطلوب. مش عارف ممكن اعرف المروحة بتعمل كام rpm واساسا المعدل المطوب كام الله اعلم.


هل الكلام دة صح تماما ولا الى حدا ما ولا غلط!

اة حاجة اخيرة ...
6- احد الاخوة قال ممكن انسداد فى الشكمان ودة ممكن يعلى الحرارة.
اعرفة ازاى دة كمان؟!

7- تلف طرمبة المية (عمرى مغيرتها, العداد 123 دلوقتى)
اجربها ازاى؟

السلام عليكم ورحمة الله وبركاته ...

- اولا شكرا لكل اللى حاولوا يساعدونى. دلوقتى وبعد 3 ايام اختبار (صبح وليل, طريق مفتوح وزحمة, فوق ال90 وتحت 90, تكييف وبدون) اقدر اقول ان المشكلة الحمد لله اتحلت, والموضوع ببساطة انى كان عندى هواء فى دورة التبريد.

بعد ارائكم هنا والتدوير وفيديوهات اليوتيوب لقيت ان اول مشتبة فية فى ارتفاع درجة الحرارة هو الهواء. ودى الطريقة اللى خدت بيها هواء الدورة:

How to bleed coolant system :
how do you bleed coolant on a mk4 astra 1.7DTI

1- Engine is stone cold.
2- Top coolant up.
3- Set heaters to hot.
4- Run engine.
5- Top up coolant
6- Leave cap off for a while to aid air removal.
7- While the engine running, wait till coolant fan kicks in. Keep an eye on temp guage.
8- Make sure all hoses are nice and hot. Give them a squeeze to expel air.
9- Let car cool down. Remove cap and leave for a good few hours ( I leave 'em overnight)
10- Top up coolant in morning.
11- Finally, try to replace cap.
Job done.

انا عملت كدة بالظبط واستخدمت مية من التكييف ومن اول محاولة الحرارة اتظبطت.

- وزى ما الاخوة قالوا ان الاوبل دورة تبريدها مغلقة "Self-Bleeding", لقيت فى مواضيع كتير بتقول انها المفروض تاخد الهواء بتاعها لوحدها مع تشغيل الموتور بس الحقيقة اعتقد انة مش بيحصل.

- الموقع دة بيشرح الطريقة برضوا
Vauxhall Workshop Manuals - Astra G - Cooling System, Charge and Bleed

وبيقول ان درجة الحرارة القصوى 92 (بالنسبة للاسترا الشرطة اللى فى المنتصف = 90)
وبيقول ان المية الحمرا هى المناسبة للاوبل (نسبة مزج 50-50).


- ودة فيديو هايل عن طريقة تشخيص ارتفاع درجة الحرارة وفية شرح ازاى اخد هواء الدورة:
How To Solve An Engine Overheat Condition - EricTheCarGuy - YouTube

دلوقتى درجة الحرارة دائما معدية الشرطة الاولى (80) بشوية حلوين نقدر نقول 83 او 84 وطول مانا ماشى تطلع قرب الشرطة التانية (90) بس مش بتجيبها ابدا يعنى نقدر نقول 89 وتنزل تانى والمراوح بتشتغل ثوانى وتفصل على طول.

- الجديد بقى انى حاسس ان سحب العربية اختلف شوية للاحسن ... اة الطلعة لسة تقيلة (ودة عادى) بس العربية شمة نفسها شوية.

الحاجة الاخيرة برضوا اللى ناقص اعمها هوا تغيير غطاء القربة.
ملحوظة عن غطاء القربة المفروض انة يعرف ينفس الظغط من القربة فمش مفروض انة يتربط جامد ... يعنى تقفل الغطاء من غير تقريط..

هفضل وراها ولو حصل اى تغير اكيد هرجعلكم تانى ... ادعولى ان ميحصلش تغير :)

المشاركة الأصلية كتبت بواسطة mohamed hafiz

ممكن سؤال
هل المياه الحمراء أفضل من الخضراء مع الأوبل ؟
و النسبه (50ماء مقطر :50ماء أحمر ) - انا كده فاهم صح ؟ -
و هل الموضوع مختلف مع الأستر 2000 ؟

شكرا و بالتوفيق

ايوة هو دة اللى مكتوب مية حمراء 50% ومية مقطرة 50%.

للعلم انا حاطط 100% مية تكييف فقط. ولا حمرا ولا زرقاء والدنيا زى الفل. بس ناوى اجيب مية حمراء ان شاء الله.