الموضوع: (((( نظام الدحرجة و الزحلقة لتوفير البنزين )))

الفكرة كويسة فعلاً
أنا كنت بعملها على خفيف قبل ما البنزين ما يغلا بس دلوقتي بعملها أساسي على طول
طبعاً بمور العربية فقط بس مش ببطلها لأن لو بطلتها أبقى روحت في داهية زي ما في بعض الأخوة قالوا في ردودهم
الموضوع ده بيوفر بنزين جامد لو أدمنته بس طبعاً بيحمل على الفرامل نظراً لإلغائك نظرية Engine Breaking
بعمله في منازل الكباري ومطالعها كمان يعني أجري شوية وأسيبها تطلع لوحدها وفي المنازل فقط لو كشفت المنزل وتأكدت إنه خالي من السيارات بما يسمحلي بفصل الغيار وترك العربية لسرعتها وإلا فبعشقها عشان ما تبقاش نازلة وبعدين أديها فرامل أقوم أهلك الفرامل أو أفقد السيطرة عليها لا قدر الله
على الفكرة طبعاً الموضوع ده يستقطع نسبة كبيرة من تركيزك عشان تحسب كل مسافة وتمور في الوقت المناسب
طبعاً يصلح 100% ويكون مناسب في الطرق السريعة وبيعمل مسافات وهمية بحق لكن عايز صبر وروقان يعني متبقاش مستعجل
للأسف أن مضطر لشراء سيارة أوتوماتيك لتعب في ركبتي يزداد بسبب القيادة المانيوال وبالتالي فأنا في طريقي لمفارقة هذا الأسلوب عن قريب إن شاء الله يا ريت لو حد عنده فكرة عن الأوتوماتيك عشان نستفيد من الموضوع ده لعل وعسى

هو موضوع كويس وموفر فعلا ...انا بستخدمه من زمان ....ومريح جدا للرجل كمان ....بس
في حاجه لازم الناس تخلي بلها منها وهي قفل الكونتاكت زي ما قال استاذ ممدوح قبل كده ...
اولا ممكن الدركسيون يقفل ..زي ما قال
و الاخطر ان الفرامل بتمسك بعد الضغطه التانية ..عشان الهواء بتاعها بيفصل ومبيبقاش في ضغط هوا .....وممكن لقدر الله متلحقش تدور ولا تدوس فرامل لو ظهر حاجه فجأة قدامك ....
فياريت الحظر الشديد في الموضوع ده لانه حصل معايا قبل كده وربنا سترها .....

الموضوع فعلاا بيريح العربية ( الفرامل و التروس واسطوانة الدبرياج وتوفير بنزين ) بس اللي يطبقه صح