الموضوع: (((( نظام الدحرجة و الزحلقة لتوفير البنزين )))

انا مش فاهم المقصود بالنظام ده لكن :
1- في حالة اني اطفي العربية هاتعرض لمشكلة ان الفرامل مش هتشتغل والدريكسيون الباور هيتقل وممكن ما يتحركش وده خطر جداااااااا ، لكن هتوفر بنزين نتيجة ان العربية مش شغالة اصلا واللي هيتوفر ممكن يضيع كل حاجة في حادث بسبب الحركة دي لا قدر الله .
2- لو في حالة ان العربية تفضل شغالة وأمور بس انا باعمل الحركة دي على طول ومفيش منها مشاكل بس مش بتوفر بنزين ولا حاجة هي بتريح المتور بس علشان بتقلل عدد لفاته ، وبتقلل من فرصة ارتفاع حرارته في العربيات القديمة . وفي الحالة دي العربية بتكون شغالة وبتاخد بنزين وعداد ال RPm فوق الواحد بشوية ، ولو انا اخد غيار استهلاك البنزين بيكون الاستهلاك اللي يعوض الفرق في السرعة نتيجة مقاومة الأرض والهواء مش الاستهلاك اللي يزود السرعة يعني مش هتفرق كتير في الاستهلاك .

يا جماعة الطريقة دي ممكن تكون مناسبة لو العربية فيها مشكلة زي السخونة أو البنزين بيخلص او منحي قوي ممكن يأثر علي الكبالن الخ ،،،
انما ان احنا نخليها عادة اعتقد دي عادة غير امنة حتي لو البعض بيطبقها بحرفنة لان من اهم مميزات التعشيق هو ان انت في حالة عدم الضغط علي الاكسليريتور بيكون فية قوة كبح ناتجة عن المحرك الغير مغذي بالوقود وكمان لو فردة كاوتش فرقعت في حالة المور لن يكون لديك القدرة الكافية علي التوجية
بيقي انا عشان اوفر بنزين بنسبة ليست بالكبيرة هاعرض نفسي للخطر وهازود استهلاك عناصر اخري مثل تيل الفرامل وجموعة التعشيق نتيجة لزيادة عدد مرات الفصل والوصل.

متهيالي تنفع اكتر في السفر مش جوا البلد خالص

دا رااييي

يا شباب هوة لية لما بموور العربية و هية ماشية عداد ال Rpm يبقى 1 فقط ؟؟

المشاركة الأصلية كتبت بواسطة kewies

يا شباب هوة لية لما بموور العربية و هية ماشية عداد ال Rpm يبقى 1 فقط ؟؟

دة شئ طبيعي لانك في حالة المور بتكون فاصل الآت الجر عن المحرك وكمان ما بتضغطش علي البنزين فبيكون الموترر داير بسرعته العادية من
(1000:800 RBM)