(((( نظام الدحرجة و الزحلقة لتوفير البنزين )))

**tutankhamoun** · 15-06-2008 05:11 PM

المشاركة الأصلية كتبت بواسطة l0new0lf

tut kman 10/10
bas ana mardetsh agib seret edowal ele bara
3ashan ma7adesh yol beyetnatat
bas esa7 sa7
law 7ad fekom kan beyeso2 AWD aw 4WD webyet3amel ma3 safary aw matale3 aw manazel mkansh al eklam ele et2al hena da
ABC swa2a, lazem tol mal 3arabeya btet7arak tkon 3ala na2la

;)

شكرا شكرا أخجلتم تواضعنا ;)

**SEATLOVER** · 15-06-2008 05:48 PM

المشاركة الأصلية كتبت بواسطة tutankhamoun

و كل الكلام اللي فوق مش بتاعي ............. ده كلام الأخوة بتوع الكباب و الطحينة و الغرباء الذين لا يسكنون ج ع ع ,,,,,,, و لذلك لا مجال للفتوى عند هؤلاء الناس

بقولك اية يا توت يا خويا ..
ماتجيبلنا الناس بتوع الكباب و الطحينة دوول هنا ... و احنا نعلمهم السواقة ازاى
ومنها نغمس معاهم شوية

**M!NA** · 15-06-2008 06:29 PM

المشاركة الأصلية كتبت بواسطة nabil246

[اقتباس:

كنت بحب جدا كمان أصفر عداد الرحلات وانا بمور و أشوف هتعمل معايا أد ايه... و كل يوم أحاول أضرب الرقم على نفس المنزل أو المنحدر ده

تحريك العداد اثناء سير السيارة يتلفه . وحصلت معايا ان العداد تلف لهذا السبب.

حتى لو كان العداد ديجيتال؟؟

**Ahmad Allawy** · 15-06-2008 07:37 PM

والله يا جماعه انا عادة مش باستعمل الموضوع ده كتير..
عشان عادة طريقي صعب ان الواحد يستخدمها فيه..
نادرا لما يكون الطريق يسمح.. يعني علي كلام احد الاخوة.. فعلا نفق الازهر من انسب الاماكن اللي يتعمل فيها كده.. و خاصة و انت رايح علي ناجية الاوبرا. من مدينة نصر..
افتكر اكتر وقت كنت باستعملها فيه لما كانت معايا العربية ال125.. كانت حريقة بنزين و كنت باحاول اعمل كده لما باكون خايف تقطع بنزين..
و افتكر كمان لما كانت الكرونة بتاعتها بايظة..
ياااااااااه كانت قمة في الازعاج,, و خاصة في النفق.. كانت بتعذبني.. :) :)

اما بقي منزل المقطم. مستجيل اعمل الحركة دي فيه نهائي..نهائي فعلا,,
انا ساكن هناك.. و كل منازل المقطم لا تصلح انها يتعمل فيها كده..
في سواقين ميكروباصات.. و ملفات جامدة في منزل السيدة عائشة.. و منزل جامد جدا..
و مينفعش اعتمد فيه علي الفرامل لوحدها.. و كمان العربية هتاخد سرعة كبيرة جدا لو مورتها..

انا عن نفسي احب و افضل ان يكون في معايا انجن بريك.. فرامل للمحرك عن انه يكون في توفير في البنزين.. تحسبا لحركات سواقة و تهور المصريين..

**atamim** · 15-06-2008 08:36 PM

المشاركة الأصلية كتبت بواسطة vw_driver

حتى لو كان العداد ديجيتال؟؟

العداد الديجيتال اصلة انالوج يعنى مكوناته ميكينيكية متحركة زى القديم بس الرقم هوة الى بيظهر لك ارقام الكترونية

المشاركة الأصلية كتبت بواسطة Ahmad Allawy

والله يا جماعه انا عادة مش باستعمل الموضوع ده كتير..
عشان عادة طريقي صعب ان الواحد يستخدمها فيه..
نادرا لما يكون الطريق يسمح.. يعني علي كلام احد الاخوة.. فعلا نفق الازهر من انسب الاماكن اللي يتعمل فيها كده.. و خاصة و انت رايح علي ناجية الاوبرا. من مدينة نصر..
افتكر اكتر وقت كنت باستعملها فيه لما كانت معايا العربية ال125.. كانت حريقة بنزين و كنت باحاول اعمل كده لما باكون خايف تقطع بنزين..
و افتكر كمان لما كانت الكرونة بتاعتها بايظة..
ياااااااااه كانت قمة في الازعاج,, و خاصة في النفق.. كانت بتعذبني.. :) :)

اما بقي منزل المقطم. مستجيل اعمل الحركة دي فيه نهائي..نهائي فعلا,,
انا ساكن هناك.. و كل منازل المقطم لا تصلح انها يتعمل فيها كده..
في سواقين ميكروباصات.. و ملفات جامدة في منزل السيدة عائشة.. و منزل جامد جدا..
و مينفعش اعتمد فيه علي الفرامل لوحدها.. و كمان العربية هتاخد سرعة كبيرة جدا لو مورتها..

انا عن نفسي احب و افضل ان يكون في معايا انجن بريك.. فرامل للمحرك عن انه يكون في توفير في البنزين.. تحسبا لحركات سواقة و تهور المصريين..

طبعا يا باشا انا بتكلم بس فى حالات الشوارع الواسعة جدا زى الصحراوى او الدائرى او السريع اما لو انحدار شديد طبعا محدش حيستخدم فرامل لوحدا دا طبيعى

**Ahmad Allawy** · 15-06-2008 08:39 PM

أصل انا لما باخد طريق سريع او كده..
غالبا مش باكون الوقت معايا مريح..
بابقي عايز انجز قبل الزحمة.. ولا قبل الشمس م تطلع لو مسافر و كده..
بابقي عايز اجري و انجز.. :) :) :)
احسن لو وقت الزحمة دخل.. انس الدنيا.. الواحد هيفضل بايت في الطريق.. :)

لما باصدق الطريق فتح معايا و باجري.. فرصة..:) :)
الواحد مش بيشوف طريق فاضي في مصر كتير ينفع يتجري فيه.. :) :)

**Ghamrawy** · 15-06-2008 09:57 PM

ايه الفهلوة دي ؟؟؟
انت كدا لغيت دور الفتيس فى توزيع نسبة الدفع و العزم على كل عجلة و كل عجلة بقت حرة لوحدها و لو حصل اختلاف فى ظروف دفع كل عجلة(اسفلت و رمل/اسفلت و مياه/اسفلت و زيت) يبقى كل سنة و انت طيب و العربية حاتعمل اللى هى عايزاه

**Casio2000** · 15-06-2008 10:08 PM

السلام عليكم

على فكرة من متابعتي لمجرى الحوار اعتقد ان الاختلاف بين وجهات النظر مش على نقطة واحدة

بمعنى اخر - المعارض بيعترض على حاجة مش هيا نفسها اللي بيأيدها الموافق

موضوع الزحلقة دا اساسا الوقت الوحيد اللي بيكون فيه عملي لما تكون داخل على مطب في طريق مفتوح و حتى في حالة اليو تيرن مش مستحب

ليه ؟

فكر فيها

انا مثلا كل يوم من العاشر من رمضان لمدينة نصر عن طريق السويس - بيقابلني 5-6 مطبات طول الطريق كلهم بيتفقوا في المواصفات دي

1- مافيش اي تقاطعات علي الطريق قبلهم ب كيلو على الاقل
2 - كلهم في طرق مفتوحة نسبيا
3 - محفوظ مكانهم و سهل تقدر اندفاع العربية و المسافة المناسبة قبلهم

المطبات دي كلها بستعمل الزحلقة معلهم

مش علشان البنزين - لسبب تاني خالص - علشان دا اريح كتير ليل و للعربية و للجير بوكس و في نفس الوقت احتمالات الخطر شبه معدومة - او بمعنى اصح الزحلقة في الحالة دي مش حاتكون سبب في زيادة نسبة الخطر لأن الطريق عدل وانت كدا كدا عند المطب شبه حاتقف و مافيش مفارق

لبه بلاقي الطريقة دي مش مناسبة قبل اليو تيرن ؟

عشان غالبا اليو تير الواحد بيمسك شمال عشان يدخله - و الحارة الشمال مابتبدأش توسع و تزيد حارة للي حايلفوا الا قبل الملف بحاجة بسيطة

و الشمال دا حارة السريع - - فامينفعش الواحد يحجز الحارة دي من بدري و يسيب العربية تتدحرج علشان كدا حايعطل الناس

لكن الغلط اللي الكل معترض ليه هو كل الحالات التانية - منزل الكوبري - طريق مفتوح - منزل المقطم و دا انا متفق معاهم فيه

عذرا للاطاله

**Ahmad Allawy** · 15-06-2008 10:12 PM

كلام موزون جدا..
معاك حق تماما..

مشاهدة نتائج الإستطلاع: يا ترى عجبتك فكرة الدحرجة و الزحلقة لتوفير البنزين؟

الموضوع: (((( نظام الدحرجة و الزحلقة لتوفير البنزين )))

LinkBack

أدوات الموضوع

عرض

-

-

-

-

-

-

المواضيع المتشابهه

احدث جهاز لتوفير البنزين

نظام حقن البنزين الاكترونيا

فكرة لتوفير البنزين في الليجانزا

جهاز لتوفير البنزين لكل الماركات والمودلات

تنظيف الرشاشات لتوفير البنزين وتحسين السحب

الكلمات الدلالية لهذا الموضوع

المفضلات

المفضلات

ضوابط المشاركة