الموضوع: معدل استهلاك الابيزا ؟!!

علي فكرة انا روحت الحرفيين امبارح لميكانيكي قريب واحد صاحبي وهو مشهور في الحرفيين وسمعته كويسه بص علي العربية وقالي مشكلتك مش عندي مشكلتلك علاجها عند م / رشاد الكهربائي ومتفكرش تروح لحد غيره علشان ميبوظلكش الدنيا محدش هيقدر يحدد العيب فين غيره واكد ان المكنة سليمة وحالتها ممتازة وان وش الاسبراتير كويس وقالي لو الوش فيه مشكلة كانت هتظهر بوضوح وان استحالة العربية هتكون طبيعية لو الوش مش بتاعها .
المهم روحت للمنهدس رشاد وسألت عليه قالولي بيجي الساعة 12 بالليل وبيمشي الساعة 5 بعد الفجر تقريبا !!!
طيب في حد هنا يكشف علي العربية ؟ قالولي اخوه موجود واسمه تامر بس للاسف مبيشتغلش غير في العجل الحديث .
خدت العربية ورجعت للميكانيكي تاني قالي خلاص ابقي تعالي بالليل قولتله صعب جدا اذا مكانش مستحيل الساعة 12 دي بكون قربت اصحي من النوم لان متعود انام الساعة 8 بالكتير علشان بصحي الساعة 4.30 ولو حبيت اعدي عليه الفجر ممكن اروح الاقيه روح . قالي انا اعرف كذا كهربائي هنا بس محدش فيهم زي رشاد ومضمنش النتيجة معاهم حاول تظبط نفسك علي مواعيد م / رشاد
فهحاول النهاردة بإذن الله اروحله مدام الموضوع محدش هيقدر يفيدني فيه غيره وربنا يسهل .

المشاركة الأصلية كتبت بواسطة ehab_mansour

أسف علي التأخير و لكن لسه راجع من شغلي حالا و مرهق جدا و لكن باختصار عشان تكمل الموضوع

1-المفروض انك تروح ترجع وش الأسبراتير اللي انت ركبته لأنه فيه بوش زي مانت بتقول حوالي 2 مم وده غلط تماما لأن كل المسافات الداخلية بين الشاكوش و بين أطرافه محسوبة بدقة شديده حتي تحصل علي أفضل شرارة كهربية للبوجيهات يعني من الأخر لازم تركب بتاعها و جديد متركبش استيراد لأنه بيتأكل و بيجنزر زيه زي أطراف البوجيهات ولا ينصح باستخدامه مستعمل و طبعا شكل الوش القديم ده زبالة لأقصي حد ومش ممكن تكون عربيتك دي كانت طبيعية بالمنظر ده !!!!!!!!!!!!!!!!!!
هو الوش مطبع علي الاسبراتير عادي بس لو جيت تلفه بيلف معاك يعني مثلا زي غطاء جركن بيفوت التفويته دي حوالي 2 مم لكن قطر الوش الجديد اد قطر الوش القديم بالظبط .
اما بخصوص الوش القديم فمكنش عامل اي مشكلة بالرغم من منظره ده ولولا ان الميكانيكي فكه علشان ينظفه مكنتش هاخد بالي منه خالص !!!!


2- لازم تغير الشاكوش بأخر جديد لو ما كنتش غيرته لأني مركزتش قوي في كلامك لأن الاتنين بيتغيرو مع بعض و روح لفتح الباب قله عايز وش أسبراتير الموتور الألف لابيزا 98 وهو هيجيبلك بتاعها و بعدين معاك تليفوني كلمني وانا اقلك تجيبه من مين و تقله ايه ؟؟؟؟؟؟؟؟؟؟؟؟؟
انا فعلا جبت شاكوش جديد وركبته مع الوش والشاكوش جبته من فتح الباب فعلا لانه مكنش موجود غير عندهم
3- بخصوص الخراطيم فحضرتك دول بتوع المبخر كما قلت لك من قبل و بعدين فيهم واحد فيه البلف كما بالصورة فحضرتك هتفصل فيشة البلف تماما لو راكبه و اقفلهم في بعض و هما هيقفلو بعض (فهمني) بس تأكد علي قفلهم كويس و بس و هتلاقي كل حاجه بقت زي الفل ان شاء الله
الفيشة مفصوله فعلا لكن الخرطومين انا قفلت كل واحد فيهم لوحده بس هوصلهم في بعض دلوقتي والف عليهم شريط لحام

ياريت متعملش حاجه أكتر مما قلتلك عليه ده و هتلاقي كل حاجه بقت تمام استهلاك و صوت و سحب و كل حاجه ان شاء الله
اتمني والله بس هضطر اروح للمهندس رشاد النهاردة علشان مشكلة الاشارة والار بي ام هتجنن واعرف ايه العلاقه بينهم ( لو العربية واقفه علي السلانسيه او حتى ماشية وفيها غيار او حتى ماشية و ممورة واديت اشارة يمين او شمال الار بي ام يعلي لحد 2.000 ار بي ام ومينزلش غير لما ارجع الدراع مكانه تاني في النص سواء الاشارة يمين او شمال بس لكن في الانتظار مبيعملش حاجة هو في الحالتين دول بس اشارة يمين او اشارة شمال )
ولو احتجت شيء ومش عارف تجيبه كلمني وانا هقلك ان شاء الله
مش عارف اشكرك ازاي انت والمهندس محمد سيد علي تعبكم معايا

الله المستعان

المشاركة الأصلية كتبت بواسطة SYD

بص حضرتك
الخراطيم دي بتاعة المبخر بتاع البنزين
المبخر بيعمل ايه ؟؟ المفترض انه بيوفر شوية في الأستهلاك نتيجة انه بيرجع بخر البنزين من المنافولد للتانك
دي فكرة عامة لكن التفاصيل مع ايهاب
وعموما مش بيوفر اوي يعني

انا المبخر شايله عندي في البيت تذكار
وايهاب كان شافه راكب عندي في عربيتي -زمان

انا ماعرفش حد في الحرفيين
لكن لو دورت هتلاقي هناك
اعتقد بيتباع مع الأسبراتير
عموما مش هي دي قضيتك دلوقتي
سيبه لحد لما تلاقي الأصلي
والواضح انك مش مركب الأسبراتير الأصلي اساسا

ياريت صورة كدة للأسبراتير الراكب بالكوباية بتاعته (غطاء) وبدون كوباية
في اقرب فرصه هصورة ان شاء الله

اما بالنسبة لصوت الموتور والأر بي ام
انت لازم تهدي الصوت باي شكل
الطبيعي بتاع العربية دي ان الار بي ام يكون عند 0.9 ولو نزل لحد 0.8 بردو عادي
بالظبط من اول 0.775 لحد 0.9 دة الطبيعي بتاع العربية
انا عندي علي السلانسية 0.9 المشكلة مش في كده المشكلة ان صوت الموتور عالي سنه زي ما يكون الموتور متعلي بالرغم من ان الار بي ام علي 0.9 زي ما قولت لحضرتك ده بغض النظر عن ارتفاعه الجنوني مع الاشارة فطبيعي صوت الموتور هيعلي

بالنسبة للتفويل مع المنظف
عشان تحصل علي افضل نتيجة
تحطه مع نص التانك
تخبط مشوار محترم (50 كم مثلا)
تفول
تخلص التفويلة
تغير فلتر بنزين (لو ماكنتش غيرته قبل المنظف)
تفول تاني
هو للاسف المعلومة دي جت متأخره لاني فضيته علي تنك مليان علي العموم مش هتفرق المرة الجاية ان شاء الله اطبق الكلام ده واللي عرفته ان المفروض اكررها كل تغيير زيت او 4.000 ميل بما يعادل 6.400 كم زي ما مكتوب علي الزجاجة وبالنسبة للفلتر هغيره قبل التفويلة اللي جاية ان شاء الله

وان شاء الله تشعر بتحسن

واول ملاحظة هتاخد بالك منها - مؤشر البنزين في الطابلوه
مش هتشوف دخنة والرغي الي بنسمعه دة
لو الدنيا مظبوطة - هتلاحظ فرق في الأستهلاك
ولو الدنيا مظبوطة - هتلاحظ فرق في الطلعة وريحة العادم

بس للأسف كل الكلام دة مش هيستمر اكثر من شهر بالكتير او 3000 كم بحد اقصي

ربنا يوفقك

والله المستعان
،
،

بالنسبة للاسبراتير بوشه بشاكوشه هصوره لحضراتكم وهرفع الصور الساعة 1 الظهر .
بالنسبة للخراطيم انا فعلا عملت زي ما المهندس ايهاب قال وروحت من نص ساعه وصلتهم في بعض ولفيت عليهم شريط لحام وقفلتهم كويس وشلت الفيشة اللي كانت واصلة في خرطوم منهم ( وبالمناسبة دي مخدتش بالي منها غير لما اشار ليها المهندس ايهاب ) والفيشة التانية مش واصله في حاجة وده طبعا لان المبخر مش موجود وبرده هصورهم وارفع صورهم .
بالنسبة لموضوع الاشارات ده لو تفتكر انا اول اتصال ليا بحضرتك كان بخصوص موضوع الاشارات والار بي ام بس ده من فترة طويلة شوية يعني من حوالي 3 شهور تقريبا.
بالنسبة للمشاكل اللي عندي الحمد لله بسيطة وانا عارف ده بس هي الفكرة ان اكيد محدش فينا بيقبل ان عربيته يكون فيها عيب او مشكلة حتى وان كانت بسيطة . اما بخصوص الفرق بين مشاكلي ومشاكل حضراتكم فالفرق كبير جدااااااااا ابسط حاجه حضرتك لما هتروح لميكانيكي او كهربائي بنسبة 90 % هتبقي عارف المشكلة عندك في ايه وتكلفتها هتكون في حدود كام وهل المشكلة دي لازم تتحل دلوقتي ولا ممكن تتأجل شوية ومتضرش العربية اما انا فزي ما قولت لحضرتك فكرتي عن الميكانيكا صفر ان لم تكن اقل بس بحاول استنتج العيب ممكن يكون من ايه ولو تفتكر حضرتك المكالمة انا وقتها قولتلك انا عندي مشكلة في الكهرباء وانا لغاية النهاردة متأكد من ده لسبب بسيط - وزي ما حضرتك تكرمت وقولت بالتفكير المنطقي - انا اي برجله بتحصل للعربيه متعلقة بالكهرباء يعني مثلا الطبيعي ان العربيه تبرجل الصبح لما اجي ادورها سواء دورتها مباشر او استنيت عليها خمس او عشر ثواني وقتها هيكون في 100 تفسير للبرجلة لكن بيتهيألي بعد ما سخنت تعمل كده ده مش طبيعي وانا متأكد انه ملوش علاقة بالبوجيهات او الموبينه او الاسبراتير او اي حاجه من الحاجات دي وبرده للعلم انا لما بلاقي العربية عملت كده وكل ما ادوسلها بنزين احس انها هتبطل بقوم رافع دراع الاشارة يقوم هو كمان بدوره معلي الار بي ام تقوم العربية مظبوطة الوضع بالظبط زي ما يكون واحد حاجه محشورة في زوره ومش قادر يتنفس واول ما تخبطه علي ظهره مثلا الحاجه اللي كانت محشورة خرجت وبالتالي رجع يتنفس طبيعي !!!
رفع دراع الاشارة بيظبط العربية لما بتكون متبرجلة + رفع دراع الاشارة بيعلي الار بي ام لما العربية بتكون مظبوطة= المشكلة متعلقة بدراع الاشارة يعني المشكلة مشكلة كهرباء
اما بخصوص الاستهلاك فممكن زي ما حضراتكم قولتم خراطيم مش متوصله وش اسبراتير كل الحاجات اكيد ليها دور وطبعا الكهرباء اللي مش مظبوطة ليها نصيب الاسد في المشكلة
وبرده هصور الموتور وكل الاسلاك والخراطيم اللي خارجه منه والحوض كله عموما لاني مقدر صعوبة تحديد المشكلة علي الوصف وخصوصا ان الوصف غير دقيق بس ده غصب عني لاني مش فاهم .
وبالنسبة لحساب الاستهلاك للاسف هضطر اجله ليوم السبت لاني كنت بتدرب علي امتحان المرور امبارح لمدة ساعة ونصف وبالتالي مش هقدر احدده فيوم السبت هفول تاني واشغل التريب تاني ولو ان ده بيتهيألي هيبقي غلط علشان المنظف ولا انت ايه رأيك يا باشمهندس؟
وبخصوص مشكلتك مع عربيتك ربنا يوفقك وتلاقي الحل واتمني من الله ان محدش مننا يكون عنده مشاكل بإذن الله