تحسين اداء التكييف

**husseinthemaster** · 16-06-2012 10:18 AM

الحمد للة حصل خير

**Ahmed_Ramadan** · 16-06-2012 11:25 AM

الفكرة جامدة جدا و شكرا على المشاركة .... بس أنا مش فاهم ليه العربيات مش بتنزل فابريكة كدا ؟؟

**as_samman** · 16-06-2012 12:32 PM

شكراً على الافادة ممكن الصور

**husseinthemaster** · 16-06-2012 01:54 PM

المشاركة الأصلية كتبت بواسطة as_samman

شكراً على الافادة ممكن الصور

الصور في اول الموضوع

**mdogs1979** · 23-06-2012 08:45 AM

فكره جامده

**husseinthemaster** · 28-06-2012 10:42 AM

شكرا

**hamaza81** · 28-06-2012 01:28 PM

معلش يا جماعة
اصل الموضوع دا عاملي وش من زمان
الماسورة الساقعة دي مش داخلة على الكويلر
دي اللي خارجة من الكويلر
لأن دورة الفريون بتبقى خارجة من الكومبروسر على السربنتينة
ومنها للـ expansion valve ودا اللي بيبدأ عملية التبريد اللي بتعتمد على التحويل من ضغط عالي لضغط منخفض ويبتدي يسقع التلاجة جوة العربية
فبالتالي الماسورة الساقعة اللي ببتعزل دي بيبقى الفريون الراجع اللي درجة حرارته ساقعة وبيدخل الكمبروسر تاني عشان يضغط ويتحول لغاز درجة حرارته عالية تتكثف في السربتنينة

الخلاصة
وكنت سألت قبل كدة واحد متخصص
ان الموضوع دا مش بيحسن التبريد ولا حاجة
يعني بتحس انها حاجة نفسية مش أكتر

لكن أفضل شيء لتحسين التبريد هو عزل الزجاج
سواء بستاير أو فامية او ستيكر عازل
لان غالبا بالليل ماحدش بيشتكي من كفاءة التبريد الا اللي عنده فعلا مشكلة في التكييف سواء فريون او مراوح
فيبقى تقليل الحمل الحراري في النهار هو الافضل
وكل فترة تغسل السربتنيتة بضغط مياة متوسط

**DrMuHaMmAd** · 28-06-2012 07:39 PM

طب ما هو بالنهار برضه بيبقى الهوا نفسه سخن و الماتور سخن
يعنى الحمل الحرارى على الكابينة نفسها الصبح زيادة وعلى المواسير والتكييف كمان
وبالليل بيقلوا الاتنين

انا عن نفسى بحاول اركنها فى الظلة الظليلة و ده بيخلى اداء التكييف احسن الى حد كبير
بس مجربتش لا العازل الحراى ولا الفكرة دى
بس فعلا لما الجو بيبقى مولع الواحد بيبقى بتلسع جوا العربية اكتر من ان الهوا مش ساقع كفاية
بس يعنى لو اللسعة قلت و الهوا بقى تلج اكتر يبقى لوز العنب
:D

Thx

**husseinthemaster** · 30-06-2012 04:37 PM

المشاركة الأصلية كتبت بواسطة hamaza81

معلش يا جماعة
اصل الموضوع دا عاملي وش من زمان
الماسورة الساقعة دي مش داخلة على الكويلر
دي اللي خارجة من الكويلر
لأن دورة الفريون بتبقى خارجة من الكومبروسر على السربنتينة
ومنها للـ expansion valve ودا اللي بيبدأ عملية التبريد اللي بتعتمد على التحويل من ضغط عالي لضغط منخفض ويبتدي يسقع التلاجة جوة العربية
فبالتالي الماسورة الساقعة اللي ببتعزل دي بيبقى الفريون الراجع اللي درجة حرارته ساقعة وبيدخل الكمبروسر تاني عشان يضغط ويتحول لغاز درجة حرارته عالية تتكثف في السربتنينة

الخلاصة
وكنت سألت قبل كدة واحد متخصص
ان الموضوع دا مش بيحسن التبريد ولا حاجة
يعني بتحس انها حاجة نفسية مش أكتر

لكن أفضل شيء لتحسين التبريد هو عزل الزجاج
سواء بستاير أو فامية او ستيكر عازل
لان غالبا بالليل ماحدش بيشتكي من كفاءة التبريد الا اللي عنده فعلا مشكلة في التكييف سواء فريون او مراوح
فيبقى تقليل الحمل الحراري في النهار هو الافضل
وكل فترة تغسل السربتنيتة بضغط مياة متوسط

السلام عليكم ازاي حضرتك الماسورة الساقعة تكون خارجة من الكويل معني كدة ان الماسورة السخنة داخلة علي الكويل طب بيبرد ازاي الكويل لو كان الغاز اللي داخل جواة سخن اللي انا اعرفة ان الغاز بيخرج سخن من الكويل علي السربنتينة يتبرد من الهواء اللي جاي من مراوح التكييف والي جاي في مواجهة العربية وهي ماشية فيبرد ويرجع علي الكباس تاني ويدخل الكويل ساقع

**hamaza81** · 30-06-2012 06:57 PM

المشاركة الأصلية كتبت بواسطة husseinthemaster

السلام عليكم ازاي حضرتك الماسورة الساقعة تكون خارجة من الكويل معني كدة ان الماسورة السخنة داخلة علي الكويل طب بيبرد ازاي الكويل لو كان الغاز اللي داخل جواة سخن اللي انا اعرفة ان الغاز بيخرج سخن من الكويل علي السربنتينة يتبرد من الهواء اللي جاي من مراوح التكييف والي جاي في مواجهة العربية وهي ماشية فيبرد ويرجع علي الكباس تاني ويدخل الكويل ساقع

وعليكم السلام ورحمة الله وبركاته
أنا كنت فاكر زيك كدة بالظبط
بس كنت قعدت ادور على النت عن فكرة عمل التكييف
هي العملية بكل بساطة
الفريون بيبدأ من الكباس
الكباس بيلف بيضغط الفريون بيحولة لغاز
الغاز دا بيدخل السربنتينة بيتكثف
بيتحول لسائل
بيجي هنا بقى دور الـ expansion valve
ودا وظيفته انه ينقل الفريون اللي هو متكثف حاليا ومتحول لسائل إلى حالته الغازية
العملية دي بينتج عنها برودة
اللي بتحصل جوة الكويلر الداخلي
واللي بيمشي البرودة دي في مواسير صغيرة قدامها مروحة هي اللي بتوزع البرودة في العربية
الغاز هنا بيبقى حالته انه بارد
والمفروض انه خارج من الكويلر رايح للكباس تاني عشان يعيد الدورة من الأول
فالماسورة أو الخرطوم اللي راجع على الكباس بيبقى فيه الغاز البارد دا
ويدخل الدورة تاني ويضغط وهكذا

الموضوع بالظبط زي كدة بالظبط لما يكون عندك زجاجة سبراي مضغوط (مزيل عرق مثلا)
المادة جواها سائل مضغوط
انت لما بترش بيتحول السائل دا لغاز
ولو فضلت دايس فترة هتلاقي ان الزجاجة نفسها بقت ساقعة شوية
هي نفس الفكرة

AC System Basics - YouTube