الموضوع: حصريا على نايل موتورز وبس، اول تقرير عن بيجو 508 الجديدة

المشاركة الأصلية كتبت بواسطة MaZaGAngeE

الف مبروك يا باشا
بس مفيش صور في الموضوع
و لو ممكن صور للشنطة توضح حجمها
و الكنبة كمان

الله يبارك فيك، معلش والله ما صورتش بس ممكن تلاقى كتير على جوجل

المشاركة الأصلية كتبت بواسطة Land_Cruiser

تقرير جميل جداً و حيادى للعربيه و ربنا يبارك لحضرتك فيها و يكفيك شرها. انا باحترم قوى الماركه دى لانها بتجمع بين قوه الموتور بالاضافه الى الكماليات و جوده التقفيل و الامان. لو التوكيل بتاعها بس يتظبط هنا هتبقى من احسن الاختيارات ان ما كنش احسنها

الله يبارك فيك، انا مش بحب التحيز لان الكمال لله وحده فاكيد فى مميزات تقابلها عيوب الفكرة ان كل واحد بيشوف الانسب ليه، اتمنى ان ااتوكيل ما يخذلنيش

المشاركة الأصلية كتبت بواسطة تامر.محمد

تسلم ايدك على التقرير المفصل جدا و الحيادي جدا و ربنا يبارك في العربية


بس يا ريت تبحبح ايدك في الصور شويتين :))))))

الله يبارك فيك، مالحقتش اصور والله عشان سافرت الشغل على طول

المشاركة الأصلية كتبت بواسطة AhmaZonG

ربنا يباركلك فيها يا اخي ..

حول تدبح لها حاجة بقى .. و توكل على الله .. عشان أي عين فيها هتوجع اوييييييييييي ..

ااااااااه في حاجة .. أنا معايا 20 جنيه و عايز لفة < ألف الدركسيون بس و هي واقفة > .. هههههههههههههههه

الله يبارك فيك، ان شاء الله هدبح بس ماكانش فى وقت..
بالنسبة لل20 جنيه خليهم معاك وتعالى خد لفة ببلاش بردو :))

المشاركة الأصلية كتبت بواسطة Unendlich

و يجيلك واحد بعد كده يقولك محتار بينها و بين الاوكتافيا
ربنا يباركلك فيها و يمتعك بكل لحظة فيها
و نصيحة خليك في ال 95 (اللي هو تلاقيه 90 اصلا) عشان الله اعلم ال 92 بتاعنا ده يساوي كام في البلاد النضيفة (هتلاقيه 80 ولا حاجة)

الله يبارك فيك يا باشا، شوف هى الاوكتافيا عربية ممتازة بكل المقاييس وانا العيلة عندى كلها راكباها حتى والدى وانا كمان كانت معايا فهى احسن واحدة فى ال category بتاعها بس لو هنقارن الاتنين يبقى ظلم للاوكتافيا عشان المفروض ال508 category السوبرب، لكن كنسبة للسعر مقابل الامكانيات مش عاوزة كلام، وبالنسبة للبنزين عن ثقة لانى اشتغلت فى المجال دا فترة اطمن ال90 هو اصلا 90.5 اوكتان وال92 هو 91.7 وال95 هو 94.8 وانا كان معايا الجهاز اللى بيقيس الاوكتان من فترة بطبيعة العمل وجربت كل البنزينات بانواعها بس الفكرة 92 ولا 95، عموما انا بحط 95 عشان ابقى فى المضمون "زمان كنت بحط 92 لل128 :))))، والف شكر على النصيحة

المشاركة الأصلية كتبت بواسطة abou-yahia

مبروك

ربنا يحفظهالك

الله يبارك فيك يا باشا والف شكر