البطاريه بتنام لو في يوم العربيه مدارتش

**Land_Cruiser** · 10-06-2012 09:09 PM

انا معرفش بتاعه اللانوس كام بالضبط فاستنى حضرتك حد تانى يأكد المعلومه او هتلاقى مكتوب على البطاريه فهات زيها بس جافه ايه سى ديلكو (تقريبا هتلاقيها مستوردة من السعوديه) و دى من انضف الحاجات فى السوق و خللى بالك بتاع البطاريات تديله القديمه و تدفع فرق

**shaddadfalcon1** · 10-06-2012 10:38 PM

طيب سعرها ايه عشان مينضحكش عليا
انا كان نفسي تكمل معايا ليوم الخميس واظبطها هناك في البلد بس شكلها كده هتفضحني

**Land_Cruiser** · 10-06-2012 11:11 PM

سعر ال ٥٥ امبير تقريبا ٣٤٠ ج بالقديمه و ال ٧٠ امبير ممكن تجيبها ب ٣٨٠ ج بالقديمه و ممكن تكون اغلى حاجه بسيطه بس ده الرينج بتاعها و اعتقد خليك فى ال ٥٥ امبير و هى معاها ضمان سنه و الاسعار دى حديثه جايبها من مشاركات اخوه فى المنتدى

**saadelden** · 10-06-2012 11:19 PM

اهم حاجه يكون شحن الدينامو مظبوط عشان ماتجيبش بطاريه جديده و تنام منك ,اكنك ماعملتش حاجه

لو البطاريه بقالها معاك سنه و نص او اكتر يبقى كدا جابت اخرها
لكن لو اقل من كدا يبقى اكيد فيها عيب او الكهربا عندك فيها عيب
و زي ماقولتلك جرب بالليل نور النور العالي و دور العربيه لو النور ضعف يبقى عيب بطاريه
لكن لو ماضعفش يبقى عيب دينامو

**shaddadfalcon1** · 11-06-2012 12:42 AM

الشحن مظبوط واتاكدت منه البارح والبطاريه داخله في سنتين لاتي جايبها قبل الثوره بشويه

بس هل السعر اللي هو 340 دي ممكن يختلف علي خسب حالة البطاريه القديمه ولا سعرها بيكون ثابت ؟
وهل لو فيها ربع ضارب ممكن تتصلح ولا خلاص علي كده؟

**saadelden** · 11-06-2012 01:30 AM

المشاركة الأصلية كتبت بواسطة shaddadfalcon1

الشحن مظبوط واتاكدت منه البارح والبطاريه داخله في سنتين لاتي جايبها قبل الثوره بشويه

بس هل السعر اللي هو 340 دي ممكن يختلف علي خسب حالة البطاريه القديمه ولا سعرها بيكون ثابت ؟
وهل لو فيها ربع ضارب ممكن تتصلح ولا خلاص علي كده؟

البطاريه بياخدها مش اقل من 50 جنيه و فيه بياخدها باكتر من كدا او حسب نوعها
انا بدلت البطاريه اداني خصم 50 جنيه

معرفش الصراحه اسعار البطاريات دلوقتي بس من فتره قريبه كانت في حدود من 320 ل 450 حسب النوع

**shaddadfalcon1** · 11-06-2012 10:59 AM

شكلها فعلا بطاريه ونص وتلاته اربع

نزلت ادور عشان اروح شغلي وكالعاد تن تتن وفضلت ازق فيها لوحدها لما حسيت ان ضهري اتمزق قمت ناده بتاع السوبر ماركت وبعد ماكنت بتدور من زقه بسيط مرضيتش تدور خالص وفي الأخر ركنتها لما البشوات الصناعيه يفتحو

مش عارف صناعية ايه دي اللي بتفتح بعد 11 الصبح

**shaddadfalcon1** · 11-06-2012 02:27 PM

رحت وجبت ال AC Delco من عند عنان اللي في شارع زاكر حسين بس حاسس انها غاليه

هو خد القديمه ودفعت 380 مع ان الكهربائي قبل مااروح قالي انا لسه جايب واحده لاوبترا من يومين ب 360 بس بيقولي ان الأسعار بتختلف من يوم للتاني
الراجل كان عايز 400 ونزلت 20 جنيه بالعافيه بس قولت مش مهم عشان اخلص واروح شغلي

**Land_Cruiser** · 11-06-2012 11:34 PM

المشاركة الأصلية كتبت بواسطة shaddadfalcon1

رحت وجبت ال ac delco من عند عنان اللي في شارع زاكر حسين بس حاسس انها غاليه

هو خد القديمه ودفعت 380 مع ان الكهربائي قبل مااروح قالي انا لسه جايب واحده لاوبترا من يومين ب 360 بس بيقولي ان الأسعار بتختلف من يوم للتاني
الراجل كان عايز 400 ونزلت 20 جنيه بالعافيه بس قولت مش مهم عشان اخلص واروح شغلي

الف مبروك يا فندم و الفرق بسيط. جرب بقى العربيه و قولنا ايه الاخبار

**shaddadfalcon1** · 12-06-2012 01:01 AM

الحمد لله كل تمام وعجبني اللمبه الخضرا اللي بتوري الشحن

بس المشكله دلوقتي في ضهري اللي مش عارف اعمل منه حاجه :))

الموضوع: البطاريه بتنام لو في يوم العربيه مدارتش

LinkBack

أدوات الموضوع

عرض

-

-

المواضيع المتشابهه

بطاريه العربيه بتنام كتير ايه الحل ؟

هرفع العربيه سنه اعمل ايه فى البطاريه ؟؟؟؟؟؟

عايز اشتري منفاخ لكاوتش العربيه اللي معاه وصله بطاريه تقوم العربيه لو البطاريه نامت

البطاريه فى العربيه 128

البيتلز عندي فيها مشكله مجنناني(البطاريه بتنام علي طول) اعمل ايه؟

الكلمات الدلالية لهذا الموضوع

المفضلات

المفضلات

ضوابط المشاركة