رحلة الى مارينا مع سيراتو والانترا 2012 و جيتا :)

**dede_dodo88** · 16-06-2012 10:51 PM

المشاركة الأصلية كتبت بواسطة mody3on

على ما اعتقد لان دي شغلته اصلا

يبقى كده ممكن يكون شغال لأن العربية لمت معايا بسرعة.
يعني لو كانت حدفت حبة زيادة شمال كنت هخبط في الرصيف و أتقلب, أو حبة زيادة يمين كنت هخبط في الأكسنت و العربية تلف مني و أخبط في الرصيف برضه و أتشقلب.
المهم الحمد لله طلعت بأقل الخسائر.. حكة صغير في الباب :)

**Formulator** · 18-06-2012 04:22 PM

المشاركة الأصلية كتبت بواسطة dede_dodo88

و أخيراااااااً فعلتها..
طلعت النهاردة Day use السخنة ما بين ستيلا و بورتو..
و كنت هعمل حادثة و أنا راجع كنت هتشقلط فيها بس ربنا ستر..
كنت ماشي على 180 على الـCruise control و ماسك الشمال و الطريق كنت فيه لوحدي لحد ما وصلت لعربية Accent RB كانت في الحارة اللي في النص و كنت هعدي خلاص من جنبها و أنا في حارتي و هوبببب مرة واحدة تكسر عليا من غير أي مقدمات.. روحت ضارب كلاكس جامد و مفرمل و كاسر الدريكسيون شمال عشان أتفادى... راحت العربية معرضة مني فضلت تجيب يمين و شمال فقفشت في الدريكيسون بإيديا الأتنين و ظبطت العربية لحد ما ثبتها بس مراية الأكسنت حكت في الباب اليمين ورا و العربية بتعرض.. المهم كل ده و الأكسنت متمسكة بنفس الحارة على الرغم أن كنا أحنا الأتنين لوحدينا في الطريق فكان في مجال تبعد عني تماماً..
بعد ما عرفت أظبط عربيتي روحت قارص بنزين لحد ما الأكسنت أختفت من ورايا تماماً من غير ما أناقش هو ايه اللي عمله ده..
بس مخيبتش ظني و طلعت واحدة بنت اللي كانت سايقة فساعتها فهمت من غير ما أناقش..
سؤال بقى.. هو اللي حصل معايا ده كويس و للا وحش. يعني التعريضة دي عيب مني و للا من العربية و للا ده طبيعي على العلم أن التعريضه كانت في نطاق نفس الحارة اللي كنت فيها.. العربية فيها abs , esp , ebd و أي 3 أحرف أنجليزي فهل مع ده كله ممكن يحصل كده؟!!!

طبعا الـESP إشتغل، وأول ماتدوس فرامل الـBrake-Assist و الـEBD اشتغلوا برضه (مالاحظتش الفلاشر)؟؟!!!

غير كده كانت هتستمر فـ التعريض-لا قدر الله-

بس فيه حاجة:
- هو الـESP موديول بتاع بوش ده (بينزل فـ معظم الأوروبى) بيتأخر أجزاء من الثوانى قبل مايتدخل.؟؟!!!
(هو الـCalibration بتاعه كده)،

بس مش التأخير لدرجة الخطورة يعنى.. هو برضه قارى سرعة العربية وزاوية الدركسيون والميل (من الـG-Force والـYaw سنسورز والـABS/Wheel-Speed)...
هو عنده كل الداتا دى، بس برضه بيديك فرصة للـManoeuvre بالدركسيون والتسارع (عشان الـESP بيشغل MSR بيفصل الحركة من الموتور)،

غير كده.. (لو لقاك بتدوس فرامل بعنف) بيتدخل معاك Full Kick-in.. وبيعدل العربية ويصحح الـTrack.

- العربيات اللى مفيهاش ESP بس فيها EBD/BA:
مع أول لمسة للفرامل؛ السيستم بيعمل نفس الكلام.. (بس الفرق فوق ان الـesp مش محتاج دوسة فرامل عشان يعدلها، هو بيـApply الفرامل حتى لو انت مادوستش)..؟!!

Edit: لو ماعندكش زرار ESP-Off، هتلاقى زرار ASR-Off فـ التابلوه.. يفضل تخليه On فـ السفر والسرعات العالية، ومايبقاش منور فـ الكمبيوتر.

و فـ السرعات الصغيرة وجوا البلد مثلا:
- لو عايز تلعب بالعربية تدريفت وتعرض خفيف أو تطلع فرك وكده: إعمله OFF.. كده السيستم هيديك مساحة تقدر تطوح ظهر العربية مثلا تخش الملفات مدرفت سيكا..؟!!
(عشان كده كنت بقولك هو الـCalibration بتاعه كده).

Rgds،

**esam_ayad** · 23-06-2012 02:25 PM

ياباشا تسلم ايدك علي التجربه القويه دي واللي بتثبت ان النترا تمنها فيها وسعرها مناسب لادائها

وزميلي برضو من شهر راح بيها السعوديه لأداء العمره- احنا في الكويت حاليا- والمشوار كان حوالي 1500 كيلو ذهاب وزيهم عوده, وقالي عليها انها ممتازه جدا لكن بتبتدي تخف لما سرعتها توصل فوق 150 أو لما تعدي جنبها تريلا.
وقالي انها ممتازه جدا ومريحه, وانتا بعد التجربة دي اكدتلي كلامه بإنها عربيه تستحق الاحترام.

**chicobon** · 25-06-2012 12:44 AM

بسم الله ما شاء الله عليك
تقرير رائع

**CryptonX** · 25-06-2012 02:29 PM

المشاركة الأصلية كتبت بواسطة chicobon

بسم الله ما شاء الله عليك
تقرير رائع

الله يباركلك :) شكرا جزيلا

المشاركة الأصلية كتبت بواسطة esam_ayad

ياباشا تسلم ايدك علي التجربه القويه دي واللي بتثبت ان النترا تمنها فيها وسعرها مناسب لادائها

وزميلي برضو من شهر راح بيها السعوديه لأداء العمره- احنا في الكويت حاليا- والمشوار كان حوالي 1500 كيلو ذهاب وزيهم عوده, وقالي عليها انها ممتازه جدا لكن بتبتدي تخف لما سرعتها توصل فوق 150 أو لما تعدي جنبها تريلا.
وقالي انها ممتازه جدا ومريحه, وانتا بعد التجربة دي اكدتلي كلامه بإنها عربيه تستحق الاحترام.

انا بصراحة محستش انها خفيفة غير لما وصلت مثلا ل 170 .. وموضوع التريلا ده بقى غريب :) جدا ..

طريق العلمين حارتين ...
انا كنت ماشي في 150 مثلا و قاطر الجيتا قدامي علشان هو حافظ الطريق ..
لما تيجي تريلا على اليمين .. بندي اشارة ونخش شمال ... جميل اوي

اول مااجي جنب التريلا بعد ما الجيتا تعدي ... احس ان التريلا بتشفطني ناحيتها !!!
اترعبت اول مرة و قللت انا الي حركت الدركسيون ...

تاني مرة جت تريلا برده ... اتشفطت نحيتها (كانت سرعتي 150 -160 تقريبا) ...

تالت مرة رحت انا كاسر شمال علشان اخلص ... :)
بصراحة قلقت جدا ...

بس الي طمني سالت بتاع الجيتا .. قالي عادي هو كدة كمان بس هو كان بيكسر الدركسيون شمال سنة علشان عارف انه حيحصل كدة ...

**engahmedsamy** · 25-06-2012 04:43 PM

تقرير 100 100 ربنا يبارك

**Kareem.ElAraby** · 30-06-2012 02:05 PM

المشاركة الأصلية كتبت بواسطة minicooper20

من واحد ركب جيتا 4 سنين
الانترا برقبتها فى الوسع و النعومه احقاقا للحق
لكن كا فرامل و ثبات اعزرنى

+1+1+1+
معاك حق في موضوع الثبات و الفرامل
اتقل علي الرز بس و اتكي علي الصبر و ان شاء الله هتتضبط بس ادعي انت ربك يرزق بفلوس !

**CryptonX** · 01-07-2012 11:09 AM

المشاركة الأصلية كتبت بواسطة eslam elbana

لو قلتلك الموضوع ده متفصل عليا، مبقاش ببالغ..
انا شغال في الخليج ونازل اجازه كمان اسبوع، ونازل اشتري النترا واخد العيله ونطلع الساحل الشمالي :)

عندي كذا سؤال:
فكرت تشتري كسر زيرو؟ وفرق الكسر بالتقريب عن الزيرو بيعمل اد ايه؟ وفرق الخليجي عن التوكيل اد ايه؟

انا قدامي انترا مشايه ٣٠٠٠ (٢ ايرباج و abs) اللي هي المفروض ب ١٣٣٠٠٠ معروضه ب ١٢٣٠٠٠، هل ده كويس؟ ولا بتنزل اكتر من كده؟

وبكماله الرزاله بقي، اسعار الشليهات عامله ايه في مرينا دلوقتي يا جميل؟

اسف على الرد المتأخر,

للاسف كسر الزيرو مكانش متاح ليا علشان انا تقسيط مش كاش..
بس طبعا لو كان في كاش كنت حفكر في واحدة زي الي قدام حضرتك بدون تفاهم :) و ده سعر ممتاز طبعا لو العربية مفيهاش حاجة ..

بالنسبة لمارينا .. انا كنت في فيلا بتاعة صديق .. البيع معرفش كام حالييا .. الايجار على حسب الموسم بس عامة مش بيقل عن 600 جنيه في اليوم على حسب الشاليه و نظافته و فرشه .. لحد ماتوصل ل 1500جنيه في اليوم كمان (فلل او شاليهات كبيرة)