سلام الله عليكم ورحمته وبركاته
إسمحولي أشارك فى المناقشة ..علشان فيه أكتر من حاجة لفتت نظري :ـ
أول حاجة :ـ ليه تلجأ لأي أدوية أو علاجات عشان تقلل نومك؟ ليه ما يكون بصورة طبيعية
لأنك بمرور الوقت عقلك وجسمك هيتعود على الأدوية دي وبالتالي مش هتأثر فيك بعدين
تانى حاجة:ـ إسئل نفسك هو إنت بتنام كتير ليه كدة؟ يا ترى هروب من مشاكل معينة؟ ولا عندك وقت فراغ ومش عارف تعمل ايه فيه؟ ولا فعلا جسمك محتاج للراحة ؟
وبالتالي إجابتك هتحدد إزاي تقدر تتعامل مع المشكلة دي لأنها مشكلة مزعجة خصوصا إنك بتضيع على نفسك حاجات كتير ووقت ربنا اداه لينا عشان نستفيد منه...
فمثلا:ـ لو كسل أو فراغ "يبقى أنا بتفق مع اللى قالك إن الرياضة هى الحل ..حتى لو تتمشى بس ده لو نوم الضهر أما لو نوم بالليل حاول تسهر مع عيلتك أو مع اصحابك عشان الوقت ده تحب تكون صاحيه بعدين....
ولو هروب من مشكلة ...طيب لإمتى؟ واجه مشاكلك حتى لو إنت من النوع اللى مش جريء أو حاسس إن مواجهتك هتدخلك فى وجع دماغ إنت مش قده وزي ما بيقولوا وجع ساعة ولا كل ساعة
تالت حاجة :ـ ودي أنا مجرباها " غير نظام نومك خالص يعني لو متعود تسهر للصبح وتنام طول النهار ..يبقى حاول تطبق يومين وتنام بدري فى يوم هتلاقيك صاحي الفجر لوحدك فايق جدا وهتيجي على 2 تلاقيك بتنام على نفسك ..نام ساعة بس وبعدها قوم واخرج واتفاعل مع كل اللى حواليك وإن شاء الله هتلاقي حياتك اتظبطت جدا ونومك تلقائيا اتظبط
طيب لو بتنام الضهر لازم وتفضل نايم لغاية مثلا 11 أو 12 تعمل ايه؟
اقولك..مفيش حاجة تخرجك من النوم ده وعن تجربة إلا المشى أو الجري"الرياضة يعني" هتلاقي النوم اتبخر وهتستفيد إن نومك هيقل ونشاط ورياضة لجسمك..
أتمنى ما يكون ردي ممل وتقدر تستفيد منه ... وربنا يصلح جميع أحوالكم
احترامي وتقديري
توتااااااااااااااا
المفضلات