مختفى و راجع بكوارث طبعا :)

**abdelaziz-waleed** · 16-07-2012 05:31 AM

فداك مليون عربية يا خلود وحمدا لله على سلامتك
نورت قسم الاوبل يا باشا
المشكلة اني كل ما افكر في الفيكترا سي المانوال تقوم انت داخل بموضوع يخليني ارجع افكر تاني

**احمد فهمى** · 16-07-2012 06:09 AM

ده الواد خالد ده بجد لازم يشتغل مخرج سينمائي او زعيم عصابه ينصب على الناس ...... يا ابنى ارحم نفسك كل ده كلام عادي وبعدين ما انا فهمتك العيب فى جارك مش العربيه بطل اشتغالات ده فى واحد جاري لسه شاري واحده اليجانس وقلب البلد عشان يلاقى حد عايز يبيع بأى سعر وانت بتدلع نجبلك زبون تعمل مش واخد بالك وبعدين متشوف الجيتا اللى عندك وضعها ايه وانت تقوم تصلى رقعتين شكر لله

**احمد فهمى** · 16-07-2012 06:15 AM

المشاركة الأصلية كتبت بواسطة abdelaziz-waleed

فداك مليون عربية يا خلود وحمدا لله على سلامتك
نورت قسم الاوبل يا باشا
المشكلة اني كل ما افكر في الفيكترا سي المانوال تقوم انت داخل بموضوع يخليني ارجع افكر تاني

لا المانيوال فيها عيب والايزي ترونيك ولمعلوماتك اوبل وفيات الشركتين الوحيدين اللى نجحو فى النظام ده وكل اللى بعدهم زي تيوتا وفولكس ضاعو وعملين يجربو على حساب الناس وعلى فكره مش هتلاقى حد بيبيع وان لاقيت هتلاقى اسعار عاليه جداً لأن الناس فهمت وبدورو عليها حالياً ومش فاهم الافندى خالد عامل ١٤٠ تقريبا بعربيته هو مطلوب انو ميغيرش حاجه دي لو بى ام كان زمانو باع بيتهم فى ال١٤٠ الف كيلو دول وملحوظه كل اللى غيرو ملوش دعوه بالفتيس ففين بس مشكلة الفتيس؟؟؟؟

**احمد فهمى** · 16-07-2012 06:21 AM

المشاركة الأصلية كتبت بواسطة tananybasha

يعنى ده هياثر عليها
كنت تجيب سوبر جلو عشان يستحمل شوية

يا باشا ده بيدلع

**amraction** · 17-07-2012 09:25 PM

المشاركة الأصلية كتبت بواسطة nagy wassef

حمد الله على سلامتك يا باشا فينك من زمان كنت مستنى حد يشتم فى الايزى ترونك معايا :) بس بأمانة العربية ممتازة و لو الواحد اتعود على الايزى ترونك ( و معتقدش انى هتعود) هتبقى احسن عربية بالسعر ده.

طب بما انك يا باشا شارى فيكترا سى من قريب؟؟ ما تدينا تقرير كده ؟؟

الخامات .. التقفيل.. العزل.. التكييف.. سحب العربيه.. الثبات ..الفتيس نظامه ايه؟ وحلو ولا وحش ؟
امكانيات العربيه ايه؟ كمبيوترها بيعرض ايه بالظبط ؟ صوت الكاسيت ..

وياريت من كبارات الفكترا سى يقولو بقا ايه اخبار قطع الغيار واسعارها عامله ايه بره التوكيل وفالتوكيل وصيانات التوكيل عامله كام ؟

**nagy wassef** · 18-07-2012 10:30 AM

الخامات .. ممتازة
التقفيل.. ممتاز مقارنتا بعربيتى السابقة (بروتن بيرسونا 2010)
العزل.. جيد و لكن انا مسافر بيها الجمعة الجاية لما ارجع افيدك اكتر
التكييف.. ممتاز
سحب العربيه ضعيف فى السرعات الاولى (الا لو حرقت) و فى السرعات العالية مالهاش حل قمة الجمال و الثبات.
.. الثبات ممتاز الى اقصى درجة خصوصا فى الملفات على سرعة
..الفتيس نظامه ايه؟ نظامه منيل بستين نيلة (من وجهة نظرى) حاسس انى راكب حنطور
وحلو ولا وحش ؟ زبالة لكن فى حدود معلوماتى معمر جدا
امكانيات العربيه ايه؟ مالتى فانكشن، سى دى، مخرج تكييف خلفى مع مخرج كهرباء خلفى، حامل اكواب مختفى تحت الكنبة، باب بين الصالون و الشنطة (اول مرة اشوفه) و طبعا كل الكماليات التانية تكييف و باور و زجاج و كده.
كمبيوترها بيعرض ايه بالظبط ؟ بيعرض كل حاجة و اى حاجة و ده بقى فى كل الجديد حتى البروتون اللى معايا كان فيها كده.
صوت الكاسيت .. معقول و لكن البروتون كان اداء الكاسيت بتاعها اجمد من وجهة نظرى
اجمالا هى عربية ممتازة و لكن انا اللى مجننى الفتيس.

و ياريت يا جماعة لو حد يعرف ازاى اظبت المفتاح مع السنتر عشان يقفل لوحده بعد ما اتحرك بالعربية يقولى

و اى سؤال ياباشا تحد امرك

**amraction** · 18-07-2012 02:19 PM

الله يكرمك يا باشا..
من ناحيه الفتيس بس.. وحش لانه وحش.. ولا وحش لانك لسه مش متعود عليه ؟؟

وعربيه حالتها نضيفه موديل 2007 -2008 تعمل كام كده ؟

**sniperwolf** · 21-07-2012 06:56 AM

انا ياما نصحتك ياخالد بس انا بقولك نصيحة اهو انتا تجبلك عربية دبابة نص نقل و تقفلها من ورة او تجبلك عربية دبل كبينة بص هتمشى تتشقلب على الاسفلت او لو مش عجباك الفكرة دى هات دودج رام هتدوس بيها على الناس عادى و خش بيها فى الحيطة مفيش مشكلة

الموضوع: مختفى و راجع بكوارث طبعا :)

LinkBack

أدوات الموضوع

عرض

-

-

-

-

-

المواضيع المتشابهه

مواقف وطرائف وكانت هتقلب بكوارث

مواقف وطرائف وكانت هتقلب بكوارث

م/ ممدوح مختفى اليومين دول ؟؟؟؟؟؟

دية بلدى وانا راجع راجع

اهم اختراعات الدايو مختفى - انت فين يا ممدوح

الكلمات الدلالية لهذا الموضوع

المفضلات

المفضلات

ضوابط المشاركة