الموضوع: سؤال للناس اللي كتبت قايمة قبل الجواز

المشاركة الأصلية كتبت بواسطة timtim

أنا مصدقك انت يا احمد باشا انك تعمل كدا بس مينفعش تبقى دي القاعدة على الكل..
يعني ميبقاش مصائب من كل ناحية.. طلاق ومفيش عفش ولا كراكيب؟ وممكن تكون مضطرة انها تفرش شقة علشان تعيش فيها؟ يعني الموضوع مش رفاهية..
والاهم من دا كله ..هو الكلام على العفش هو من حقها ولا مش من حقها؟؟
لو من حقها يبقى منتكلمش في هانكتب ورقة ولا مش هانكتب ويبقى القايمة تتكتب من غير كلام حتى لو مش هايتكتب فيها غير سواك .. واهل العروسة هما اللي من حقهم يستغنوا عن القايمة انما مش الزوج هو اللي يقول مش هاكتب قايمة!!
لو العفش مش من حقها يبقى نعرف مش من حقها ليه وساعتها موضوع القايمة يبقى باطل من الاساس..

يا سيدي الفاضل مش مسالة رفاهية

على الجانب الاخر انت ممكن تمضي قايمة و تحصل مشاكل و بخخخخخخخخخ كل سنة و انت طيب تبقى في شغلك ترجع ما تلاقيش العفش و تلبس قضية تبديد امانة يعني بغض النظر عن نقطة العفش حقها و لا لأ (مع انها نقطة مهمة و أحييك على لفت انتباه الجميع لها) بس حتى لو حقها هو انا قاعد احرسه؟؟؟؟؟؟

انت عارف يعني ايه قايمة؟ يعني انت ماضي على عهدة ...... طيب انت قاعد حارس عالعهدة؟ لأ .....

ده لو الشقة بعد الشر اتسرقت و انت بعدها حصل مشاكل هتلبس برضه

و هتفضل طول عمرك مكبل


و لو الزوج محترم مش هتفرق معاه

انا ما باحبش اتكلم في الموضوع ده بس انا اما طلقت خرجت بشنطة هدومي و سبت كل حاجة حتى اللي جه بعد الجواز و اللي كان خاص بيا (مثال : ماكنة اسبريسو كنت جايبها عشان انا كييف قهوة) ......

اختار لبنتك ابن الناس و ساعتها مش القايمة اللي هتمنعه ياكل حقها لو حصل طلاق

و بالنسبة للراجل ما تلفش حبل مشنقة على رقبتك

المشاركة الأصلية كتبت بواسطة شريف

طب احكيلك علي حاجه حصلتلي زمان
قبل الثورة كان في موضوع بدأ معايا و كان في قاعدة بيني و بين الاب للاتفاق و قلت امكانياتي و اللي اقدر عليه من جهه شبكه و عفش و فرح بس بعدين و في وقت قرايه الفاتحه الكلام اتغير و انا عايز شبكه سوليتير قيراط او قيراط و نصف و انا ساعه لما اتفقنا مكنتش اعرف ان انت عندك كذا و كذا ( يعني انا مفروض ابيع حاجه عندي علشان املي عنيهم و طمعهم) و العفش لازم ييجي من العالميه و طبعا اللي عايز يعرف العالميه و اسعارهم ممكن يخطف رجليه اول عباس و يشوف العفش بكام هناك و هو دة مستوي اخوها و اختها لما جهزوا و كل دة عرفت انه كدب في الاخر
و انا مشيت الموضوع و محطتش اعتبار ان هما مشترونيش
و موقف تاني عرفوا ان انا هروح اشتري السيراميك و لا لازم تنقي معايا و الام طلبت تحديدا اروح المحجوب اللي في مدينه نصر و اتفرج علي المستورد اللي هناك هههههههههههههههههه
الموقفين دول او التجارب السابقه بتحسس الواحد ان البيت اللي داخلة مش همه الا هيدفع كام و هيجيب ايه و منين




و الله و هو دة اللي انا بفكر فيه

للاسف اهالي البنات - و البنات - كلهم دلوقتي بيفكروا باسلوب اللي ييجي منه احسن منه و امتصاص الدماء

طيب يعني هو اما بنتك تدخل بيت جوزها و هو مديون و باله مش رايق هتعيش سعيدة؟

اما جوز بنتك ما يقدرش يسعدها سواء بهدية او رحلة مصيف او او او (و ما تقدرش تفتح بقك و لا بقها معاه لانه مديون بسبب البلاوي اللي مالهاش لازمة) هتبقى سعيدة؟


غير ان اغلب البنات عينيها مش مليانة (انا اسف) و بتبص حواليها ....... مستوى بيت اختها و بنت خالتها و أنتيمتها و مش عارف مين ...........و تتكلم في الاخر تقول لك انا مش طماعة انا عيني مليانة انا بنت ناس بس ده اللي انا متعودة عليه ...... زمان بنت الناس اللي بجد كانت تبقى ملكة في بيت ابوها ..... تروح بيت جوزها (اللي بيكون في بداية حياته و على قد حاله) و ترضى بعيشتها معاه

المشاركة الأصلية كتبت بواسطة شريف

طب احكيلك علي حاجه حصلتلي زمان
قبل الثورة كان في موضوع بدأ معايا و كان في قاعدة بيني و بين الاب للاتفاق و قلت امكانياتي و اللي اقدر عليه من جهه شبكه و عفش و فرح بس بعدين و في وقت قرايه الفاتحه الكلام اتغير و انا عايز شبكه سوليتير قيراط او قيراط و نصف و انا ساعه لما اتفقنا مكنتش اعرف ان انت عندك كذا و كذا ( يعني انا مفروض ابيع حاجه عندي علشان املي عنيهم و طمعهم) و العفش لازم ييجي من العالميه و طبعا اللي عايز يعرف العالميه و اسعارهم ممكن يخطف رجليه اول عباس و يشوف العفش بكام هناك و هو دة مستوي اخوها و اختها لما جهزوا و كل دة عرفت انه كدب في الاخر
و انا مشيت الموضوع و محطتش اعتبار ان هما مشترونيش
و موقف تاني عرفوا ان انا هروح اشتري السيراميك و لا لازم تنقي معايا و الام طلبت تحديدا اروح المحجوب اللي في مدينه نصر و اتفرج علي المستورد اللي هناك هههههههههههههههههه
الموقفين دول او التجارب السابقه بتحسس الواحد ان البيت اللي داخلة مش همه الا هيدفع كام و هيجيب ايه و منين




و الله و هو دة اللي انا بفكر فيه

البيت دا بيت غلط والمفروض كنت انسحبت بمجرد تغغير الكلام يا اخى الكريم هتلاقى ناس محترمه وناس ولاد كلب مش كل الناس ذى بعض بس انت اختار صح لا العيب عليك فى الموضوع ال انت قلت عليه لان من الاول خالص البيت غلط

انت بتقول ظروفك ومن حق البنت القبول او الرفض وبس كدا بمنتهى السهوله