الموضوع: سؤال للناس اللي كتبت قايمة قبل الجواز

المشاركة الأصلية كتبت بواسطة timtim

يعني يا احمد باشا شايف ان من حقك ان تفترض كل الاحتمالات السيئة دي لو كتبت القايمة ومش شايف ان من حق العروسة ولا اهلها انهم يفترضوا احتمال واحد ان الراجل ممكن يقل اصله ساعة الطلاق ويمنع عنها العفش اللي هو حقها؟؟ مع العلم طبعا ان لحظة الطلاق ممكن يتحول لانسان تاني..
متهيألي حتى الاب مش من حقه انه يقول مش عايز قايمة لبنتي لان دا حق لبنته وممكن يكون كدا بيحرمها منه ويسأل عنه..

طيب معلش ازاي امضي على قايمة يا سيدي الفاضل و انا مش قاعد جنب العفش ليل نهار؟؟؟؟؟؟؟؟؟

المشاركة الأصلية كتبت بواسطة azmeralda

هو ساب العفش عشان القايمة طبعا هو لو محترم كان ساب بنته مرضيش يصرف عليها مع ان مسافر بره ومرتبه كويس جدا

اللي ما يصرفش على بنته بني ادم وسخ و زبالة و يستاهل الحرق ...... انا متغرب لاخر الدنيا عشان اصرف على بناتي عشان محدش يقول لي طلقت و رميتهم .......

المشاركة الأصلية كتبت بواسطة azmeralda

وبعدين هيرميها فى الشارع ازاى مش الحاضنة ملزم بالقانون يوفر لها سكن وبعدين هى اشترت عفش بفلوسها ومش واجب عليها يبقى لازم

برضه محدش قال يرمي في الشارع

المشاركة الأصلية كتبت بواسطة azmeralda

والراجل فى القانون المصرى متضبط ازاى ؟؟ياريت تشرح لى

ده حوار يطول شرحه ....... بس صدقيني قانون الاحوال الشخصية ظالم للرجل على طول الخط

المشاركة الأصلية كتبت بواسطة azmeralda

يعنى لو واحدة اتجوزت واحد دلوقتى وبلاش ننقول كان وحش من الأول اهى النفوس بتتغير ومكنتش كاتبة قايمة وكاتبة مؤخر بسيط وقرر يطلقها وخد العفش ورجع الشقة الأيجار المؤقت لصاحب البيت مثلا- ايه اللى هيحصل بالضبط؟

لو طلقها و مفيش عيال مالهاش حق في الشقة اساسا



[quote=azmeralda;3874441327
وبعدين الطلبات بتتفاوت من مكان لآخر يعنى اسمع ان فى القاهرة مبيتكتبش قايمة والشبكة فى حدود 5000 بينما فى المنصورة بيتكتب قايمة والشبكة من 15 ل 30
ودايما هيكون فى ناس مستواها عالى هتطلب سوليتير وشقق غالية طب اللى مش من مستواهم يروح يتقدم ليه
[/quote]

شبكة مين بخمستلاف جنيه في القاهرة؟ قاهرة المعز لدين الله الفاطمي في العهد المملوكي ؟؟؟؟؟؟


و حضرتك الموضوع مش موضوع مستواها عالي ..... لا و الله بيببقوا ناس عاديين جدا و بيطلبوا السوليتير ....... مش مسالة مش من مستواهم ....... بس تلاقي مثلا بنت خالتها جالها عريس غني و جاب يبقى كله لازم يجيب زيه لزوم الكيد و الغل و القرف

المشاركة الأصلية كتبت بواسطة azmeralda

ووتلاقى بنت اخلاقها كويسة وطلباتها كويسة بس هو يطلع اى حجة وخلاص يعنى واحد كان بيشتكى هنا عالمنتدى برضه وجبت له عروسة صاحبتى مؤدبة جدا جدابنت ناس ودكتورة وقبل ما يجى يشوفها اتردد ويقول السبب ايه اصل قعدة ليه لحد 24 سنة من غير جواز !!! اصل (رغم انها موافقه تعيش فى القاهرة) اصل انا كده هبعدها عن اهلها واى حجج فى اى اتجاه!!!

معاكي حق فيه رجالة ما يعجبهاش العجب و لا الصيام في رجب و شفت منهم كتير جدا

المشاركة الأصلية كتبت بواسطة azmeralda

ولو هتحكى عن قصص من هنا عالمنتدى طب ما تشوف اللى اتقدم لواحدة على كلامه بنت اصل ومؤدبة وجميلة بس متردد عشان جمالها مش خارق وحاجات تعل من دى كتير

دي بصراحة اشهد لك فيها ...... الرجالة مخها في المواضيع دي زيها

المشاركة الأصلية كتبت بواسطة azmeralda

وبعدين لو ركزنا هنلاقى فى مشكلة فى الجواز وتاخر سن ورغم كده معظم الناس بتصر على القايمة والحاجات دى يبقى ليه عشان شايفين حواليهم الاف الحالات اللى بنت اتظلمت واتكتب عليها تعيش مطلقة بعيال بعد سنة ولا اتنين جواز واكل عليها حقوقها وبهدلها فطبيعى يترعبوا على بناتهم

برضه مش القايمة اللي هتفرق وقت المشاكل ....... و مش القايمة اللي هتحمي بنتي من البهدلة .......

المشاركة الأصلية كتبت بواسطة s a m a

ملقيتيش الا احمد كمال وتدعيله بنادية لطفى
احمد متقلقيش عليه ربنا رزقه :s_thum1[1]:

ههههههههههههههههههههههههه هههههههههههههه

المشاركة الأصلية كتبت بواسطة Vernawy

القايمة دورها الأساسي مش في الطلاق، ده في الخلافات الشديدة التي تنذر بالطلاق، فتستخدم لترجيح كفة الزوجة فوق أي إعتبار آخر.

برنس و النعمة ........ ده اللي انا باقوله من الصبح ....... ناس كتير بتعمل كده اول ما يحصل مشاكل يقوموا هووووووب واخدين العفش من البيت و هو في الشغل ..... و هتسمع الكلام يا سكر و لا نروح النيابة؟

المشاركة الأصلية كتبت بواسطة Vernawy

و أهم شئ أنها تعطيها حرية الطلاق بالخلع مع الإحتفاظ بالحق في تعويض مادي، و هو ما يخالف الشرع تماماً لأن المفروض أن الذي يبدأ بطلب الطلاق هو الذي يتحمل عواقبه المادية. لكن بالقايمة هي تقوم بالخلع ثم تطالب بالكتلة المادية للقايمة كحق مدني ليس له علاقة بتنازلات الخلع. بالإضافة طبعاً للتشفي و الإنتقام بمرمطة الولد بتبديد الأمانة و خلافه من المهلكات القانونية يا عزيزي.

Again

برنس

المشاركة الأصلية كتبت بواسطة Vernawy

حق ربنا: شوف هم دفعوا كام أو بالأصح عايزين كام و يتضاف على المؤخر مع توضيح إن ده جزء لن يسدد إلا في حالة الطلاق لا قدر الله. لو إنت اللي طلقت أو رفعت هي قضية طلاق و القاضي حكم لها يبقى تدفع إنت المؤخر... أما لو هي عملت خلع، يبقى تتحمل هي عواقبه.

هو ينفع مؤخر مشروط بالطلاق؟

المشاركة الأصلية كتبت بواسطة Vernawy

عايز تبقى في السليم أوي و تظبط الأداء يبقى اللي إنت دفعته في العفش كمان يتضاف على المهر عشان لو هي عملت خلع تدفعلك فلوسك، و لو إنت طلقت تدفعلها فلوسها.

برنس :)