رأييى فى فرامل الانسر عن فهم و تخصص (فيها مشكله).

**MAX_PIN** · 07-05-2009 01:01 AM

المشاركة الأصلية كتبت بواسطة nobody

بص انا شفت في موقع اجنبي بيرموا الفرامل الخلفية
و يحطوا بدالها فرامل خلفية ديسكات بتاعت اللانسر 2000 سي سي
لو تحب ابعتلك التوبيك انا حاضر
على فكرة انا نضفت السنسورز اللي ورا
فكيت الطنابير لقيت السنسور كان عليه تراب فعلا (ترس راكب حول بلي العجلة وجنبه السنسور حاجه زي راس المفك العادة ) ده ماخدش 10 دقايق

حاجة شبه كده

بس يستحسن تنضفه brake parts cleaner عشان wd-40 بيلم تراب لو ما اتنشفش كويس

لو سمحت ياأستاذ nobody تبعت التوبيك بتاع تعديل الفرامل ورا من طاسات الى ديسكات وأكون شاكر ليك جداااااااا

**nobody** · 07-05-2009 03:31 PM

تفضل اللينك http://mitsubishiforum.com/forum/showthread.php?t=27742

وده لينك صور عشان التوضيح

http://www.rcaz.com/rcaz/sub%20indexes/drum_to_disc/index.htm

**hprima** · 07-05-2009 05:43 PM

h انا معالراى اللى بيقول نغير الماستر الخلفى لانى شايف ان التعديل ده سهل

**MAX_PIN** · 07-05-2009 11:58 PM

المشاركة الأصلية كتبت بواسطة nobody

تفضل اللينك http://mitsubishiforum.com/forum/showthread.php?t=27742

وده لينك صور عشان التوضيح

http://www.rcaz.com/rcaz/sub%20indexes/drum_to_disc/index.htm

متشكر جداا ياباشا تسلم ايدك بصراحه موضوع شيق حكاية تعديل الفرامل وزى ماتقول كده انا بتلكك على الفرامل الى فى عربيتى مع ان لسه جايبها زيرو من شهرين وعامله 2500 كيلو والفرامل كويسه جدا بس زى ماتقول كده باحوش فلوس عشان اجيب نظام فرامل للعربيه كلها وتبقى دسكات من شركة بريمبو Brembo
وشايف ان العربيه تستاهل وإن شاء الله قبل ماأنوى على شراء او تركيب اى حاجة لازم واكيد هاخد رأيكم الأول
وشكرا

**MAX_PIN** · 30-05-2009 01:21 PM

باشمهندس mohamedway كنت قريت فى جملة حضرتك حاططها فى التوقيع عن
معالجه فرامل اللانسر بتركيب كاوتش Bridgestone TURANZA GR-80 وتيل أخضر SUMITOMO زى الى بينزل فى العربيه
ياريت لو حضرتك توضحلنا تجربتك
وياريت كمان تقولنا عرض الكاوتش كان 195 ولا 205؟
وهل نوعية الكاوتش ديه Silent ولا Super Silent ؟
وهل الكاوتش الأصلى الى بينزل فى العربيه كفائته مع الفرامل بتكون
لحد كام كيلو يعنى الكاوتش بيعمل كام كيلو والفرامل بتكون كويسه؟
وتقبل منى تحياتى

**hemaaa** · 03-09-2009 11:39 PM

بصراحه الموضوع اكثر من رائع ويستاهل الرفع عشان ممكن حد يكون عنده الحل لمشكله

كبيره زى ديه بنعانى منها كلنا وبا ترى تنضيف السينسورس وراه ممكن يحل المشكله

**Eng.Osama.Afifi** · 04-09-2009 07:19 AM

المشاركة الأصلية كتبت بواسطة lovelorn

مع احترامي لرأي الجميع أنا معايا لانسر ٢٠٠٧ أوتوماتيك ومفيهاش ولا abs & ebd وفراملها ضعيفة جداً وبتذحاف وضعف الفرامل د كان السبب اني عملت حادثة والكبوت اتبهدل

بس في حاجات أنا لحظتها بلصدفة كنت بدوس على الفرامل كتير وبعدن اشيل رجلي لاقيت إن الفرامل
بتربط احسن

أنا رأيي النهائي ف فرامل الانسر انها مشعوذة يعني بتربوت حسب مزجها هيا وربنا يسترها معنا

على فكرة حكاية سحب الهوا من الفرامل دا أنا سألتهم فل توكيل قالوا إن لا يمكن الفرامل يدخلها هواء عشان closed circuit ايه رايك فى ردهم ؟؟؟

والله نفس الكلام بزبط ... ونفس موديل العربية وعربيتي خليجي 1600 سي سي

أول لما جيبت العربية الفرامل تحفة ... بعد كدة بقيت زي الزفت ... والعربية بتزحلق لأتفه الأسباب ... بس أنا كنت عارف إن الكاوتش زفت ... فاقلت لما أغيره أشوف

وفعلا حتة الحدف ديه إبتديت ألاحظها ... أعتقد إن الطنابير مش مزبوطة ...

وسألت برضه على سحب الهوا في التوكيل ... وكأني غلط فيهم ... لا يافندم ... مافيش حاجة إسمها كدة والكلام ده !

بس لما روحت الرواس قلتله عايز أظبط الفرامل ... قام شدلي فرامل اليد ... لاحظت إن الفرامل أتحسنت وبقى الخلوص إللي كان موجود قل أوي ... وبقيت لما ألمس الفرامل العربية تقف ... إتبسطت لمدة إسبوع وبعد كدة رجعت زي الأول !

**lovelorn** · 04-09-2009 02:28 PM

بس بقى يا باشا ... انا حقولك أخر التطورات مع الفرامل بتاعتى ...

انا اشتريت طنابير جديدة أصلى ... صحيح هى من السعودية بس نفس اللى بتتباع فى مصر ..

وكمان جبت التيل من السعودية ب 250 جنية ..

وروحت على الميكانيكى بتاعى عشان انا التوكيل فى نظرى مش بيفهموا خالص " دا اللى فى اسكندرية " ..

1- زود زيت الفرامل عشان كان ناقص
2- سحب الهوا من الفرامل " واللى حتحس بسببها ان بدال الفرامل بقى اجمد ومفيهوش المسافة اللى تدوسها وتحس انك مدوستش فرامل اساسا .
3-عمل رجلاش للفرامل " اللى فى التوكيل كانوا بيقولوا ان ده غلط " وممكن يخلى العربية تلف لو دوست فرامل .
4-ركب التيل والطنابير الجداد .

النتيجة كانت تغيير شامل فى قوة الفرامل ... صحيح مش جامد لدرجة الرينو مثلا " عشان فراملها رهيبة " ... بس بقى احسن من الأول بكتير ...

وبالمناسبة أوعى تشترى تيل AK من التوكيل ... يا تجيب sumitomo يا اما بلاش .. عشان دا تيل معفن وبيبوظ الطنابير ...

وفى اعضاء كان قالوا على طنابير ال brembo انها احسن من الطنابير الأصلى

وهناك استاذ mohamedway قال ان الحل فى كاوتش bridgestone GR-80 & sumitomo

فا حضرتك ممكن تعمل كولكشن من كله ..

يعنى تيل + طنابير + كاوتش + رجلاش + سحب هوا