الحرارة وسننها

**fid0o** · 25-07-2012 11:05 PM

لو مروحتك فصلت والحراره عاليه يبئا دورة الميه عندك فيها هوا

فك الخراطيم اللى راجعه للقربه والعربيه بارده وزود ميه وبعدين بطلها وانفخ فى القربه لحد ما تفضى الميه على اد ما تقدر
دور العربيه تانى وزود ميه كل ده والخراطيم لسه مفكوكه لحد لما تحس ان الميه اللى خارجه من الخراطيم مفهاش هوا رجع الخراطيم للقربه تانى واقفل الغطا واتأكد ان مفيش اى تسريب

لو عملتها معاك تانى اكشف على دورة الميه والترموستات

**abdelaziz-waleed** · 26-07-2012 05:25 AM

طريقة سحب الهواء من دورة المية هي:-
والعربية باردة جدا الصبح. هتدورها عادي وتفتح قربة المية
مع الوقت هتبدأ المية تسخن وترتفع داخل القربة.
اول ما تحس ان المية قربت من فوهة القربة. اقفل القربة هتلاقيها نزلت لتحت تاني وكدة تمام كل الهواء اللي في الدورة خرج في القربة.

**mhbcas** · 26-07-2012 02:47 PM

طيب انا عندى الحرارة بتعلى وفى اوقات بتوصل للاحمر
شوفت الريداتير وفكيته وكبسته وسلكته
غيرت ساعه الريداتير اللى فوق جبتها بتشتغل على حراره اقل
غيرت جوان الفرن وتاكدت من الشكمان من اول لاخره مافهوش شقوق ولا اخرام
غيرت طرمبه المايه
شوفت ضغط التكييف وده دخلنى فى اشتغاله كمبروسر دايو وتغير كنترول فالف وفلتر واكسبينشن وشحن
بحط مايه خضرا على طول الامريكانى وبذوده بميه مقطره
كشفت على المراوح شغاله تمام
كان الدينمو عندى ضعيف قلت يمكن مش بيدى كهربا كفايه للمراوح غيرت الدينمو
وبعد كل ده لو انا بتحرك فى وقت الشمس من 1 الى 4 لو وقفت فى اى مكان زحمه شويه الحراره بتعدى ال100 وفى اوقات بتوصل على الاحمر وانا مشغل التكيف ولما ابطل التكييف يادوب بتنزل تحت ال100 بشويه
ده غير مشاكل تانيه ظاهره ومش عارف اتعامل لما زهقت وكرهت العربية وفكرت ابيعها

اخر حاجه عندى وبعتذر طبعا لصاحب الموضوع
كشفت على العربية كمبيوتر قالى ان حساس الكامه بايظ نضفناه وركبناه ظبط الحمد لله
حساس الشكمان باييظ ومش عارف اشتريه منين وتمنه كام
الاربع حساسات بتوع ال ايه بى اس منورين فقالى قول للكهربائى حساسات السرعه بايظه
فقررت انى ماعملش اى حاجه غير لما اخد رايكم لانى كل مره بيضحك عليا
وكل عام وانتم بخير :)

**tananybasha** · 26-07-2012 11:37 PM

يعنى ايه توصل للأحمر و ال 100 و الكلام ده
فيه عندك مشكله فى دورة تبريد العربية بالتأكيد
و مفيش حاجة اسمها 4 جساسات يبوظوا مع بعض

**Dr.M_baz** · 30-07-2012 11:15 PM

الإخ الكريم ...الوضع ده مش طبيعي؛ في حاجة اسمها pressure valve راكبه على شجرة التكييف تحت الريدياتير وبتتحكم في سرعة المروحه مع المكيف وغالبا ده بايظه عندك.