أسباب سوء سمعة الميجان (الحلقة الرابعة : ثقافة السوق )

**Ahmed Selim** · 29-06-2008 07:51 PM

المشاركة الأصلية كتبت بواسطة farahat

و بكرة افكرك لم نلقي قطع غير ميجان 2 عند كل بتوع قطع الغيار طالما إتباع منها كتير و مش بعيد نلاقي منها تايواني و صيني و إستثمار كمان .
عزيزي دي فلسفة السوق بيحركها العرض و الطلب ، تقبل احترامي و تحياتي :)

مين اللى قال لحضرتك أن قطع غيار الميجان نادرة برة التوكيل ؟؟؟
موجودة كتير بس للأمانة مش كل حاجة يعنى جميع قطع غيار العفشة موجودة وكمان معظم قطع غيار الموتور بس تيجى مثلاً لحاجة زى عمود الدركسيون أو علية الدركسيون ممكن متلاقيهمش لعدة أسباب والسبب الرئيسى فيهم كام واحد هيغير علبة دركسيون أو عمود دركسيون فى عربية بقالها بالكتير 3 سنين و أول دفعة فيها كان ضمانها سنتين وبعد كده خلوه 3 سنين ؟؟؟

فى قطع غيار للميجان موجودة و أن كنت مش عارف بلد المنشأ أيه ( بس فيه تركى )

**farahat** · 29-06-2008 08:58 PM

المشاركة الأصلية كتبت بواسطة Ahmed A.Maksoud

مين اللى قال لحضرتك أن قطع غيار الميجان نادرة برة التوكيل ؟؟؟
موجودة كتير بس للأمانة مش كل حاجة يعنى جميع قطع غيار العفشة موجودة وكمان معظم قطع غيار الموتور بس تيجى مثلاً لحاجة زى عمود الدركسيون أو علية الدركسيون ممكن متلاقيهمش لعدة أسباب والسبب الرئيسى فيهم كام واحد هيغير علبة دركسيون أو عمود دركسيون فى عربية بقالها بالكتير 3 سنين و أول دفعة فيها كان ضمانها سنتين وبعد كده خلوه 3 سنين ؟؟؟

فى قطع غيار للميجان موجودة و أن كنت مش عارف بلد المنشأ أيه ( بس فيه تركى )

سيدي الفاضل مش مختلفين (ولو اني لم أذكر كلمة نادرة دي و مش عرف حضرتك جبتها منين ) ، احنا بنقول حاجات الميجان موجودة بس مش بكثرة و مش المقصود أنواع القطع و لكن توفر و تنوع القطع و وجود أكثر من مصدر ، يعني حضرتك عندك كم تاجر بيبيع قيع ميجان خرج التوكيل و كم تاجر بيبيع قطع VW و كم تاجر بيبيع BMW و كم تاجر بيبيع Daewoo ؟؟
لكن بعد ما العربية تملى شوارع مصر من الطبيعي إن كتير يشتغلو فيها و طبيعي يكون في أنواع كتير منها أصلي و منها تقليد و فرنساوي و تركي و مصري كمان .

زمان كان في كم تاجر بيشتغل في اللانسر ؟ قبل ما تظهر الكريستاله ؟ أيام البطة و عيون صفية ؟ كانت قليلة جداً قطع غيارها ، دلوقتي في ليها حاجات تايواني و صيني و ياباني و أسعار كتير و مختلفة ، هو دة المقصود يا عزيزي .

تحياتي

**احمد عبدالله** · 13-01-2009 03:47 AM

جزاك الله خيرا يا أستاذ فرحات

**tooltool123** · 04-09-2009 08:09 AM

بص يا باشا العربيات الاوروبي عموما افضل من الكوري بمراحل وافضل من الياباني بس هي الفكرة ان المشتري في مصر لما مثلا بيلاقي الانوس ب 70 الف و الميجان ب 120 الف بيقول طب ما انا اوفر فلوسي واشتري لانوس او فيرنا بس هو ميعرفش لية الميجان اغلي من الانوس ميعرفش ان في حجات كتير تخلي الميجان او اي سيارة في فئتها اغلي من العربيات الكوري زي مثلا نوعية الزجاج والاطارات نظام الفرامل عوامل الامان

هي الفكرة يا باشا كلها تتلخص في الحالة الاقتصادية يعني لو الشعب كلة معاة فلوس مكنش حد فكر يجيب كوري خااااالص زي دول الخليج كدة

ونقطة تانية احب اقولها للامانة في ناس وهما بيتكلموا عن الميجان والعربيات اللي زيها زي البيجو 307 مثلا لما سعر العربيات دية بينزل بحس ان هما فرحانين في اللي اشتروها ويقولك اهي الميجان اللي كانت ب 130 الف بتتباع دلوقتي ب 70 الف تقدر تقول حقد

اخيرا يا باشا مع احترامي الشديد للسيارات الاوروبي لكن اعتمادية السيارات الياباني اعلي من الاوروبي ودية بشهادة العالم كلة حتي الامريكان قالوا كدة عشان كدة اللنسر والتيوتا مغرقة مصر عشان اهم حاجة في العربية انها متعطلش بيك

**mohamed1979** · 04-09-2009 02:24 PM

موضوع اكثر من رائع

**Cell_k** · 04-09-2009 04:06 PM

المشاركة الأصلية كتبت بواسطة farahat

المقصود إن قطع الغيار مرتبطة بالموردين بتوعها مش بالعربية و كذلك عمر قطعة الغيار دي ، و توفر قطع الغيار في السوق مرتبط بعدد العربيات إلي موجودة من الموديل في السوق مش العكس ، و بكرة افكرك لم نلقي قطع غير ميجان 2 عند كل بتوع قطع الغيار طالما إتباع منها كتير و مش بعيد نلاقي منها تايواني و صيني و إستثمار كمان .
عزيزي دي فلسفة السوق بيحركها العرض و الطلب ، تقبل احترامي و تحياتي :)

و أهو جه بكرة و طلع عندك حق ...
أشكرك على بعد نظرك .

**mostafa3000** · 05-09-2009 12:11 AM

جوار متحضر وموضوعي جدا جدا

**bobo2009** · 05-09-2009 05:08 AM

موضوع جميل جدااااا

بس انا عندى توضيح

انا من وجهة نظرى انا غلو و رخص قطع الغيار فى مصر مش بالكفاءة بس

بانتشار العربية و الطلب عليها

يعنى الانسر محدش ييجى يقولى اول منزلت كانت رخيصة

وفى عربيات كتييير واخدة سمعة انها وحشة وخلاص

الموضوع فعلا رائع تسلم ايديك

**abdoelkot** · 23-05-2010 12:45 AM

موضوع النتشه اللى انت قولتها بين الاول والتانى دية احلها ازاى من فضلك

ارجو سرعة الرد

-

الموضوع: أسباب سوء سمعة الميجان (الحلقة الرابعة : ثقافة السوق )

LinkBack

أدوات الموضوع

عرض

-

-

-

-

المواضيع المتشابهه

أسباب سوء سمعة الميجان (الحلقة التانية )

الحلقة الرابعة / كورسير vs وجه قبلي

أسباب سوء سمعة الميجان (الحلقة الخامسة : اسئلة و اجوبة )

أسباب سوء سمعة الميجان (الحلقة الأولى : ثقافة المشترى)

أسباب سوء سمعة الميجان (الحلقة التالتة : التصنيع و التجميع )

الكلمات الدلالية لهذا الموضوع

المفضلات

المفضلات

ضوابط المشاركة