الموضوع: اللانسر (قصة ادمان مصرية 100%###خاطئة)

انا رأيي اللي كسب هو اللي جاب العربية اللانسر ب 80 الف جنيه ايام الرخص
غير كده ربنا معاه سعر مبالغ فيه

اللا نسر عندي شكل وبس بس عربيه سحب متتقرنش باي عربيه تاني وحش بالنسبه لاي متور تاني ياباني
الفرامل abs بتعتها في بعض الموديلات في الغالب 2005 بتفصل مره وحده
وطبعان احنا عرفين لو الفرامل abs فصلت تشتغل زي الفرامل العديه ده طبعا يخلي العربيه تحدف منك لو مش متعود عليها تبغان مع السلامه الي ركبين العربيه
احكلكوا علي اعفن حدثه عملتها
كنت راكب جنب واحد صحبي ريحين اكتوبر في دخله عند هايبر وان عند الشيخ زايد دخلين علي سرعة 120 كم مره وحد مكروباص طلع من جنبنا من الملف صاحبي داس الفرامل جامد طبعا الفرامل فصلت عادتها ولا هتشتريها الواد رفع رجليه وداس تاني الفرامل اشتغلت عادي العربيه عومت حاول يعدلها العبيه اتقلبت مره واتعدلت خبطت المكروباص من وره بلاش اقوللوكوا اه الي حصلنا ربانا يجازي شركةلانسر
وفي واحد اعرفه من كليت مرمي في السجن بسبب ان الفرامل فصلت خالص موة فيها واحد والهند handbreak بتعته كمان فصلت ده كلام يرضي ربنا

ازاي استامن نفسي علي عربيه توديني الومان

المشاركة الأصلية كتبت بواسطة Dr Ahmed

أنا معايا لانسر 1300 مانيوال 2007 وبأقرأ كلامكم كأنه عن سيارة تانية
مش هقول انها مثالية لكن بالتأكيد الكلام اللى قرينه معظمه لم أشعر بهخاصة استهلاك البنزين.. بتعمل معى من 340- 380 كم للصفيحة على الطرق السريعة و من 210 - 240 فى المشاوير العادية
العزل جيد مش ضعيفوعندى أفكار لزيادته بس لما أفضى بإذن الله هعملها وأتوقع نجاحها
التكييف محترم وزى الفل
الباور زى الفل
الثبات زى الفل.. بقى ياراجل عايز تاخد ملف على 130 والعربية متلفش منك!!!
مقاومة الهوا زى الفل
الكراسى زى الفل
عايز أماكن أكتر أحط فيها حاجاتى وعايز كاوتش أحسن من اللى بييجى معاها وخلاص

والله أنا مش عارف أقول إيه بعد كلامك يا دكتور لكن فعلا أنا عندي سؤال هي الناس اللي اشترت الانسر ديه ولسه بتشتريها هبله يعني ولا إيه ؟ يعني كل الناس ديه اتخمت في العربية ؟ لاحول ولاقوة إلا بالله .

أنا مابقولش إنها سوبر كار ولا إنها عادي جدا لأ هي عربية كويسه ومتفقة مع متطلباتي وتكيفها وفراملها وعزلها وسحبها (1300 مانيوال) زي الفل ، وعمري ما اشتكيت منها وشايف إنها مناسبة جدا جدا جدا لسعرها (كنت شاريها ب 84500) .

ومستغرب للكلام اللي بيتقال ده فعلا كأنهم بيتكلموا عن لانسر صيني مثلا !!!!!!!!!!!!!!!!!

المشاركة الأصلية كتبت بواسطة ASD peugeot

انا عايز اعرف ليه كل الاسباب دي في عيوب للانسر رغم انتشارها الرهيب
لسه مفتكر موضوع الجين 2 بتغير مساعدين
كان فيه هجوم علي العربيه ودفاع جامد في نفس الوقت
طيب ليه الانسر لا يوجد من يدافع عنها من ملاكها رغم وجودهم الكبير في المنتي بل في مصر كلها
هل يمكن عشان خاطر كل الكلام ده مظبوط عنها ولا ايه تكبير دماغ
دا كمان موضوع الثبات اللي نسمعه وخلي بالك من نسمعه عن الانسر كمان شككتم فيه

أولا أنا أحب أقول لحضرتك إني محترم رأيك جدا بس بصراحة هو إستفزني جدا.
إزاي حضرتك بتقول إن مفيش حد دافع عنها من ملاكها؟؟؟؟؟؟مع إن في الموضوع ده بالذات في 10 أعضاء دافعو عن العربية ومنهم واحد لا يمتلكها بس ركبها فترة كويسة.
ده غير موضوع الأستاذ شاهين:
http://www.nilemotors.net/Nile/showthread.php?t=11817
وموضوعي أنا شخصيا اللي معترف فيه بعيوب العربية بس من وجهة نظري:
http://www.nilemotors.net/Nile/showthread.php?t=16382
إزاي بقى بعد ده كله مفيش حد دافع عنها؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!!!
الحاجة التانية إن كلنا ولله الحمد (ملاك اللانسر) بنعترف بالعيوب اللي في العربية بس زي ما الأستاذ توت قال قبل كده وهو بيدافع عن عربيته الجين2 إن العيوب اللي فيها هو بيقدر يتعايش معاها وبالنسبة له مش موثرة خالص.وإحنا كمان قولنا كده وإن عيوب العربية مش موثرة لينا لأننا لما جيبنا العربية جبناها لأسباب معينة والحمد لله هي مكفيانة.
الحاجة التالتة إن العيوب ده بتبقى نسبية يعني أبسط مثال صاحب الموضوع الأصلي بيقول إنها مش ثابتة.ليه قال كد؟؟علشان هو حاسس بكده.طيب هل تعتقد إننا لو جيبنا شوماخر ساق العربية وقال إنها ثابته هو هيقتنع بكده؟؟لأ طبعا وهيفضل حاسس إنها برده مش ثابته.
الخلاصة إن كل واحد بيحس بالعيوب من وجهة نظره هو وعمرنا ماهنتفق على إن العربية ده ثابته ولا لأ علشان مفهوم الثبات نفسه وإحساسة مختلف من شخص لأخر.وعلى رأي المثل (صوابعك مش زي بعض).
اللانسر هتفضل تتباع.لا الناس هيبطلوا يشتروها ولا الناس هتبطل تشتكي منها:)
وفي النهاية ياريت متزعلش مني لو كان إسلوبي حاد شوية.
وشكرا