الموضوع: اللانسر (قصة ادمان مصرية 100%###خاطئة)

عامة لما بقرا اى مشاركة عينيى بتطلع اتوماتيك على نوع العربية اللى بيملكها صاحب المشاركة
وعادة لو شكر فى ماركة بيبقى مالكها او حتى مالك لموديل اخر من نفس الشركة
ولو ذم بيبقى فى فئة تانية خالص

لكن اول مرة بصراحة اشوف موضوع ناقد اوى كده وصاحبه يملك نفس العربية

حبيييييييييييييييبي ياماندوووو فينك ياأخي من زمان أخيرا لقيت صوت ينضم لصوتي لهذه السيارة التي فشلت عالميا فشل زريع ولم تنجح إلا في مصر المحروسة بلد العجائب
وكنت قد طرحت موضوع مشابه ( للي مقدم على شراء لانسر الشكل القديم دي عيوبها بكل صراحة وبدون تعصب !! )
إلا أنه قوبل باستغراب عجييب إللي هو قالوا إزاي توصل بيك الجرأة إنك تتكلم على اللانسر المقدسة ومين إنت عشان تتكلم في اللانسر وإزاي اللانسر يبقى فيها عيب وقاللولي إنت أكيد جربت عربية تانية غير اللانسر مع إنهم بينهم وبين نفسهم بيناقشوا العيوب دي

الانترا احسن من اللانسر فى النقط اللى حضرتك قولت عليها انما فين مميزات اللانسر على الالنترا يعنى مثلا والاعتماديه والعمر الافتراضى ولا قوه العربيه وصاجها اذا كانت اللانسر ضعيفه وصاجها مش محمل يبقى الالنترا عباره عن ورقه بفره وشوف اى حادثه بين اللانسر والالنترا ومش هقول على سعر اعاده البيع وتوافر قطع الغيار والحاجات ده لان ده متعلقه بالسوق المصرى انما احنا هنا بنقارن بين عربيتين بغض النظر عن السوق . كمان حضرتك بتقارن بين عربيه اتصممت سنه 2002 وبين عربيات اتصممت فى 2006 والثبات مفيش مقارنه العضو الموقر nobody بيقول ان الالنترا اثبت من اللانسر احب اعرفه ان اللانسر كاوتشاتها 15/60/195 انما الالنترا 15/65/185 يبقى ازاى اثبت . ده الميزة الوحيده فى كاوتشات اللانسر ان ثباتها عالى . وبعدين سعر اللانسر ex مش عاجب حضرتك ليه وحضرتك بتقول بنفسك انها اتظبطت فى كل حاجة وبعدين ازاى تبقى النسخه الرياضيه 130 الف وباقى السيارات زى المازدا ايرو ولا السيفيك، ده حتى الكورولا الجنوب افريقى فى حدود 150-160 اشمعنى لما كانت الكرستاله بنفس تمن الكورولا محدش كان بيتكلم علشان كانت نفس الكفاءه والجوده .امال معترضين على سعر الجديده ليه . وعلى فكرة اذا كان كاوتش اللانسر نقطه ضعفها ومزعج وسبب مهم فى العفشه الناشفه يبقى الكاوتش التويو اللى فى الكورولا جزء مهم فى مشكله الثبات فى الكورولا وده اللينك الموضوع اللى عامله عن مشكله الكاوتشات فى العربيات اليابانى
http://www.nilemotors.net/Nile/showthread.php?t=30230
بالنسبه للباور هو حقا مرهق فى الركنات وليس على السرعات العاليه بالعكس على السرعات العاليه بيعطى اطمئنان
حضرتك لو فيه حد عاوز يجيب لانسر 1300 ازاى عاوز تقنعه بجين 2 او سوزوكى سويفت لان مفيش اى مقارنه بينهم فى الحجم ولان ده سيدان ودول هاتش باك
بالنسبه للبنزين هى فعلا استهلاكها عالى فى 1300 اوتوماتيك انما فى المانيوال او فى 1600 مانيوال واوتوماتيك زيها زى بقيه اخواتها 1600 يعنى عندك الجين 2 بتستهلك بنزين كتير( كلام ملاكها) ، ولا السيفيك الجديده ولا الاوكتافيا a4 .حضرتك لو بتتكلم عن استهلاك البنزين يبقى عندك الياريس والسيريون ( اقل استهلاك فى السوق المصرى)
فعلا صوت المحرك مزعج جدا بس بعد 3.5 rpm انما قبل كده صوته واطى وهادى جدا
بالنسبه للتكييف انا عارف ان فيه بعض اللانسر وخصوصا 2007 نازله ناقصه فيريون انما ده مش قوته الحقيقه.لان انا عندى الحمد لله مظبوظ واحسن بكتير من عربيات تانيه مثل( الالنترا 2006 والميجان)
خلاصه القول انها عربيه فيها مميزات وعيوب مثل بقيه عربيات الدنيا والا كان الناس بعدوا عنها ومشترهاش بالكميات المرعبه ده ،بجد العربيه ده عامله عمل للشعب المصرى كل شويه يقولوا ده فيها عيوب وملاكها معظمهم بيأكد العيوب ده وكمان سعرها بيعلى وبرده الناس بتشتريها(" سبحان الله")

أستاذ mandooo أنا قريت مشاركتك تقريبا أول واحد وكنت منتظر بس لحد ما كل الناس ترد وتقول اللي في قلبها:)
قبل أي حاجة ممكن حضرتك تقرأ الموضوعين دول:
http://www.nilemotors.net/Nile/showthread.php?t=16382
http://www.nilemotors.net/Nile/showthread.php?t=26998
في أول موضوع هتلاقيني كاتب في الخلاصة بتاعت التقييم إنها عربية عادية جدااااااااااااااااااااااا اااااااااااااااااااااااا (ياريت تقرأ بنفسك الباقي).
الخلاصة إن أنا واحد جايب عربية علشان تنفعني في شغلي وملقتش أحسن من العربية ده للموضوع ده.وشخصيا لو معايا فلوس أو فكرت أجيب عربية تانية مش هستخدمها في الشغل يبقى أكيد أكيد أكيد كنت هجيب الإلنترا أو السيراتو.بس عمري ماكونت هجيب كوري أبدا للشغل علشان موضوع الإعتمادية.
المشكلة التانية إن كل واحد مننا أو بمعنا أصح من ملاك اللانسر بيقول رأيه فيها مبني على إستخدامه للعربية.يعني مثلا واحد شاري العربية علشان يروح بيها الشغل ويرجع وبيعمل في اليوم بالكتير قوي 20 أو 30 كيلو يبقى العربية ده طبعا ممتازة جدا ومفيش أحسن منها وخصوصا لما كانت بالأسعار القديمة.
واحد تاني بيسافر بيها كل يوم بس مبيمشيش بسرعة وأخره 90 ولا 100 يبقى برده العربية ده بالنسبه له حكاية وعربية الأحلام والكلام ده كله وخصوصا لما كانت بالسعر القديم.
واحد تاني جايب العربية علشان شكلها حلو قوي وحس إنها عربية خرافة ورياضية من الدرجة الأولى هيلاقي إنه خد مقلب كبير علشان في رأي الشخصي إن العربيات كلها اللي في الفئة ده سواء لانسر أو كرولا أو إلنترا أو سيراتو ..../.إلخ ليست سيارات رياضية أبدا وعمره مهيلاقي اللي كان بيحلم بيه.
واحد جاب العربية علشان كان فاكر إنها مريحة ومش عارف إيه برده غلط غلطة عمره.
من هنا بنجد إن في أراء كتير قوي من ملاك العربية مختلفة لأن كل واحد بيجي ينصح حد بالعربية ده بينصحة من واقع تجربته ليها وبالتالي أول مثالين هتلاقي إنهم بيشكروا في العربية جدا وتاني مثالين بيشتموا فيها.
الغلط إن اللي بيجي يشتري بيسأل واحد من صحاب العربية عامله معاك إيه فيقوم قايله وجهت نظره من ناحية إستخدامه ليها لكشن الصح إن المشتري يقول أن عاوز عربية أعمل بيها كذا كذا وفي الحالة ده نقدر نقوله ينفع تعمل بيها كذا ومينفعش كذا.
أرجو إن تكون وجهة نظري وصلت
وشكرا.