الموضوع: حكايتى مع الداتشيانوفا

سوف اواصل سرد حكايتى ولكن احب فى البداية ان اقول اننى قبل شراء سيارتى كنت اجهل كل شئ عن السيارات بشكل عام وعندما قررت شراء الداتشيا اعتمدت على النت فى جمع المعلومات وقد افادنى كثيرا هذا الموقع وبالتالى وجب توجيه الشكر للقائمين عليه حقيقى مجهود كبير -----
المهم نشوف الحكاية العجيبة ففى اثناء بحثى عن السيارة تابعت كل الاعلانات وبدات باحد الاشخاص الذين يعرضون سيارة للبيع وكان فى العمرانية ولاقيت السيارة عبارة عن عشة فراخ مركونة فى الشارع لايقل عن 3سنوات مردومة تراب وعليها شنط زبالة مش هاين عليه ينظيفها والرخصة منتهية من سنتين وبطارية مفيش وكان طالب 14 الف نواههههههههههههههى طب دا كلام.
تانى سيارة كانت فى شبرا الخيمة مركونة ايضا ورخصة منتهية والتابلوه متهالك وطالب 16 الف وطبعا شكرا.
ثالث واحدة فى مصر الجديدة كانت كويسة ولكننى ترددت باحساسى فقط وكنت شاكك فى صاحبها بالرغم من مستواه المادى العالى وامتلاكه سيارة فارهة وسكنه فى م.الجديدة ولكننى كنت غير مرتاح بالرغم من حالة السيارة الجيدة وشكلها اسود لكن مش عارف ايه اللى كان مش مريحانى فى الموضوع ممكن يكون النصيب.
والرابعة هى سيارتى كان صاحبها عامل اعلان على صفحة الفيس للداتشيا وهو من البحيرة ويقوم بايصلاحها عند ميكانيكى فى الدقى وقمت بالاتصال به يوم اثنين وتقابلنا يوم الثلاثاء واعجبت بالسيارة فهى موديل 97 صيحيح الـــ 98 افضل فى التابلوه ولكننى اعجبت بالسيارة لانك تحس انها نظيفة من الداخل الى حد ما حوض السيارة فابريكة وارخصة فاضل عليها سنتين ونصف وحالة الطلاء جيدة وبدون الكشف عليها وكده اول غلطة اتفقنا على مبلغ 12الف وكانت بدون بطارية ومحتاجة بلى ورا وبدون فرامل يد وبدون كاسيت وبالرغم من عدم درايتى بعالم السيارات كنت حسن النية مع الرجل لاننى احسست بصدق كلامه وقولت لو صرفت كمان الف يبقى سعرها كويس وبالفعل تقابلنا فى الشهر العقارى وكان مصر على التسجيل ولكننى قلت له نعمل توكيل لاننى اتعلم السواقة حاليا واكيد العربية لازم تتخبط منى ولو سجلنا لازم اعمل فحص فى خلال شهر واقتنع االراجل وذهبت الى الميكانيكى لاستلام السيارة وكده تانى غلطة كان لازم اجرب العربية وهذا لم يحدث ولم احضر اى حد للكشف على السيارة والميكانيكى لما شاف كده قال فى عقله ده زبون غير تقليدى ولابد من تقليبه وهذا ماحدث بالفعل لقد قام باخذ مبلغ 800جنية مقابل بطارية وبلية واحدة للعجلة اللى ورا طبعا ما انا زبون سكة سكة.
وافعد يعذبنى لمدة اسبوع علشان بطارية وبلى المهم فى احد الايام قررت ان اخذ العربية من عنده واتفقت مع احد زملائى ان يسوق هو العربية وذهبنا الى الدقى لاخذ العربية الا اننا لم نجد السيارة وقال انها عند الكهربائى لمراجعة الكهرباء وزميلى اضطر يمشى لاننى قاعدنا 4 ساعات وبعد رحيل زميلى بساعة جاءت السيارة وقررت ان ابحث عن اى حد يوديهالى الى البيت الى ان تعرفت على واحد ميكانيكى من القهوة ووافق بعد حصوله على مبلغ 150 جنية صحيح المبلغ كبير لكن قررت ان تكون امام منزل اليوم باى ثمن وبالفعل واحنا فى طريقنا الى البيت العربية سخنت جامد وقام احد اصحاب السيارات اللى ماشية بجورانا بتحذيرنا وكنا على كوبرى الدقى والعربية مفهاش حتى زجاجة مياه ::::::::::::::::::::::::::::::::::

الاخوة الاعضاء الكرام.
لدى بعض قطع الغيار الخاصة بالداتشيانوفا لمن يحتاجها.
1- كوبلن يمين بحالة جيدة والشمال مكسور وتم تغيرهم بعد تغير القنطرة الى رينو9.
2- اسبيراتير بحالة جيدة محتاج ابلاتين وكوندينسر فقط تم تغيره بعد فتوى الميكانيكى واكتشفت بعد ذلك انه سليم.
3- كربراتير 2 باب بالعمة بحالة جيدة وبه بيك كهربا تم تغيره ايضا بعد نفس الفتوى وهو يحتاج نضافة فقط.
4- دينامو بكتاوت خارجى يعمل بكفاءة 50% فقط يحتاج اصلاح.
للتواصل اخوكم المهندس/ محمود 01116566646.

كمل يا بشمهندس محمود انا متابع موضوعك بشدة و مستنى باقى التفاصيل و ربنا يباركلك فى عربيتك

يا عم محمود اللى بتحكى فيه مش مشكله وبيتلم ....متأزمش نفسك لان علاجه سهل بس انضحك عليك فى البطاريه والبليه.....
وزى ماقولت لك على موقع الداتشا شوف عايز كام فى الحاجه اللى معاك

متابع .

اسف جدا على التاخير لانى كنت بشترى تكييف للشقة وكنت مشغول فى البحث عنه المهم اكمل الحكاية بعد الرد على الاستاذ/حازم عوض بالنسبة للحاجات اللى انا عرضتها انا ما اعرفش سعرها كام حضرتك ثمنها وانا مش هختلف معاك المهم تعجبك
نرجع للحكاية بعد التوقف على الكوبرى ذهب الميكانيكى اللى سايق العربية الى ورشته القريبة من الكوبرى لاحضار زجاجة مياه لاكمال قربة المياه بعد تبخر معظم المياه بداخلها نتيجة السخونة الناتج من توقف المروحة لقطع سلك الارضى المهم تم الاصلاح وتزويد الميه ومشينا بالعربية والميكانيكى كان حمار سواقة شرب كمية مطبات فى الطريق زى الفل وقبل البيت العربية وقفت مرة واحدة ونزلنا نشوف فى ايه لاقينا البنزين مافيش المهم ركبت وجبت 4لتر بنزين لحد ما نوصل الى اقرب بنزينة وفعلا موننا واخير العربية وصلت الى تحت العمارة بعد عذاب وطبعا طلعت الشقة بعد يوم رهيب وقلت اخد دش واريح وبعد ساعتين يعنى الواحدة صباحا قلت اشوف العربية واقفة فى مكانها ولا لاأ المهم نزلت انا ومراتى وقلت امشى بالعربية اجرب نصائح زملائى مالكى السيارات ومعلومات النت واسوق بنفسى وفعلا مشيت بالعربية شوية ولكن على الغيار الاول لانى كنت خايف جدا والعربية مشيت وانا مش باصيص على اى عداد خالص المهم العربية ماشية وخلاص وكانت تجربة ممتعة ولكن العربية فجأة وقفت قلت بنزين مش عارف المهم خليت البواب يزق معاى لحد العمارة واركنها للصبح واطلع انام ولما ارجع من الشغل اشوف الحكاية ايه بس مين يروح الشغل بعد الافلام اللى حصلت وبالفعل صيحت الساعة11 الظهر ونزلت اسئل على ميكانيكى قابلت واحد قالى فيها ايه قولته مش عارف قالى تعالى معاى لحد العربية وبدأ يدور قالى البطارية نايمة وفك البطارية وقالى روح للكهربائى يشحنها وبالفعل شحنت البطارية وكنت مش عارف اركبها ازاى وسئلت واحد معاه عربية وبصراحة الراجل نزل وركبها لى وبعد ذلك بدأت اتعلم واحدة واحدة ورحت لواحد بتاع فيتس لاننى قعدت اسبوع مش عارف العربية بترجع ورا ازاى لان راس الفيتس عليها r امام الغيار الاول وكل مارجع العصاية لورا العربية تمشى لامام واخير عرفت ان الفتيس سوسته لورا وان حالة الفتيس ممتازة ثم ركبت فرامل يد وتيل فرامل مع ريجلاش ثم عملت ضبط زاويا واراجل قالى العجلة الشمال ماخرة 3سم ومن هنا بداية المشاكل حيث ذهبت الى سمكرى قالى الافضل تغيير قنطرة وطبعا بدات اسئل القنطرة منين قاللوى من عزبة شلبى او من واحد اسمه عادل جلال فى حلوان جنبى قولت اسئل عنده قالى بــ800 بالمقصات السمكرى قالى غالية سئلت عند الدكتور البساطى لايوجد سئلت عند ارزاق لايوجد سئلت عند ياسر الشيخ لاقيت بسعر 450 قلت كويس وقالى اركبهالك قلت ماشى اخد 150 تركيب وبعد تركيب القنطرة من الساعة 8مساء الى الساعة واحدة صباحا اركب دور لاقيت صوت طقطقة كوبلن شمال لان القنطرة رينو9 والكوبلن قصير المهم ركبولى ظرف لحد الصبح علشان كنت مصر انى ارجع بالعربية وبدأت اسايس العربية وانا فى الطريق درجة الحرارة كانت عالية قوى وكل شواية اريح شواية وبعد كدة صوت العربية كان بيعلى لما ادوس دبرياج المهم قولت اروح الاول وبكرة اشوف الحكاية ايه وبالفعل وصلت البيت وبدأ صوت العربية وطقطقة الكوبلن تزيد قولت اروح لواحد فى عزبة الوالدة بحلوان واحد زميلى قالى عليه وبالفعل ذهبت اليه من الساعة واحدة ظهرا حتى الساعة 6 مساء بيغير بلى امامى وبيض للمقصان وغوايش للكوبلن وبعدين اركب ودور نفس الصوت طب نروح لواحد بتاع كبالن قالى العيب فى الكوبلن ولازم اصلاح قلت اجيب اتنين جداد افضل وروحت لواحد فى العزبة القبلية بحلوان قالى نجيب كبالن رينو 9 ونغيير شوية حاجات وفى النهاية ندور دارت بدون صوت طب الحساب 280 مصناعية ابن الحرامية وشكله سوابق وانا شكلى بيه يعنى هدفع بدون كلام + 800 ثمن الكبالن + 100 كاوتش وغيره وقبلها650 للقنطرة + 200 بيض ومصناعية يعنى فى 3 ايام 2000 جنية طب نطلع نجرب مافيش الغيار الثانى ولا الغيارr طب الحل نروح لبتاع فتيس نزل وعمل شوية حاجات ونجرب كله تمام طب الحمد لله اخيرا العربية اتصلحت ومشيت يومين كله تمام مافيش مشاكل لكن حرارة العربية عالية واليوم الثالث روحت الشغل بالعربية وكنت باحكى لاحد زملائى على الحرارة قالى تعالى نشوف العربية لاقيت المروحة شغالة فصلنها وقالى ترموستات روحنا لكهربائى غيرها وقلت له انا بلاحظ ان لمبات المؤشرات فى السلانسية بترعش قالى الدينامو ضعيف ونغيره بدينامو بكتاوت داخلى وغيرته بواحد اخر بتاع بيجو307 بسعر 140 من عند البساطى وجبت مروحتين بصديرى من الوكالة بـ 150 ولكن مشكلة الحرارة لم تحل ولمبات المؤشرات ايضا وسئلت واحد قالى غير طقم الكهربة وظبط تكيهات وبالفعل روحت غيرت الطقم وظبطت التكيهات العربية اتظبطت اسبوع واحد ورجعت تانى ....................................ز

بجد ربنا معاك،، سحلات الصنيعية مقرفه جداً ربنا يتوب علينا جميعاً منهم