الموضوع: لسة شارى ميجان 2005 و فيها مشاكل عايز حد يرد عليا بسرعةةةةةةةةة

المشاركة الأصلية كتبت بواسطة mohammedaladel

إنت مش هتقلب ولا حاجة دور العربية تمام وبعدين هتجبلك رسالة oil level ok كويس لحد كدا ؟ أول ما تجيبلك الرسالة دى تروح دايس دوسة واحدة على على الزرار اللى فى دراع المساحات زرار كدا مدور فى نهاية دراع المساحات
بالنسبة لمستوى الزيت تفتح الكبوت تبص تحت على طول هتلاقى مؤشر لونه غالبا أصفر هتطلعه بإيدك عادى تشده عليك هيطلع معاه تمسحه بمنديل وتحطه تانى وتطلعه هتشوف مستوى الزيت زى ما قلتلك فوق بس خلى بالك لازم العربية تكون على أرض مستوية

انا وصلتلها بس هى عندى بتبان من زرار التصفير الى فى العدادات و لقيتها عند 5 من اصل 8 تقريبا

و لسة مش لاقى مقياس الزيت الى فى الماتور !!

المشاركة الأصلية كتبت بواسطة mohammedaladel

لا أسأل براحتك اللى أعرفه هجاوبك عليه إن شاء الله المهم بقى إنت قست إزاى مستوى زيت الفتيس ؟؟؟ نفسى أعرف
أما عن النتشة دى حاجة كانت بتحصل من والعربية بتنقل من الغيار الأول للغيار التانى يعنى بتكون العربية مشت شوية حلوين معتقدش تكون اللى إنت بتقصده بس الآر بى إم يعلى والعربية مش ماشية خالص وهى واخدة غيار دى حاجة غريبة طيب جرب تسايسها كدا يعنى زود بنزين حبة حبة وشوف الأداء لأن حضرتك ممكن تكون بتكبسلها بنزين تنقل فى غير ميعادها وبعدين تسقط الغيار تانى عشان مش ميعاده ودا ممكن يكون اللى بيحصل مع حضرتك والله أعلم

انا مقستهوش بس لما جيت اشترى العربية كشفت عليها كمبيوتر و قالى انه ناقص

و حوار النتشة ديه انا متأكد انه مش منى بس لما بتعمل معايا كدة بقيت افرمل و ادوس من اول و جديد علشان بتضايق لما بتعمل كدة لحد ما الاقى حل ان شاء الله

المشاركة الأصلية كتبت بواسطة shawkylotfy

العفو يا مان


سامح شغال معاة مهندس محترم جداا اسمة احمد موسى كان شغال فى التوكيل وهما بيشتغلوا فى العربية سواء ميكانيكا او كهرباء لو قابلت احمد موسى قولة انا من طرف محمد بتاع الميجان الفضى ال 2005 .

فى 2005 لما يجيبلك engine oil ok تقوم دايس على الزرار التصفير الى موجود فى العدادات

عندك شنابر ديل الفتيس محتاجة تتغير روح غيرهم فى التوكيل والتكلفة كلها بالمصنعية بتغيير الزيت بالشنبر مش هتزيد عن 900 جنية

تمااام بص يا باشا دلوقتى انا عندى حساس الشكمان و الكيلو و حبة كماليات زى (البتاع الى فوق العدادات بيطلع من مكانه نحية اليميين و كذلك الازاز الكهرباء الرئيسى - أكرة باب - مراية جنب - المساحات مبتطلعش مياه ! و كذا حاجة رفيعة) ... ارحله و هو هيتعامل فى كل ده .. ولا اخلص معاه حاجة حاجة على كذة مرة .. وأشترى الحاجات و لا هو عنده

وكنت عايز أعرف مصنعيته معقولة ولا عالية اوى

و وصلت لمقياس الزيت و لقيته 5 من اصل 8 تقريبا مش عارف كدة كويس ولا قليل

و موضوع الشنابر ده لو مشيت على حال العربية كدة هيأثر على حاجة


و معلش هتعبك معايا :)

المشاركة الأصلية كتبت بواسطة ahmed a.maksoud

قليل طبعاً............لو مش هتروح بكرة أو بعده على الأكثر جيب علبة زيت لتر و زوده.

ولازم تعرف سبب نقص الزيت.

باشا اسف هو المقاس عندى طلع 6 من اصل 9 و لما بتبقى العربية واخدة مشوار و سخنة بيبقى 5 و نص

كدة تمام ولا برضه قليل ؟؟

المشاركة الأصلية كتبت بواسطة mohammedaladel

همم انا آسف لحضرتك أنا كنت بقولك على طريقة قياس الزيت فى العربية بتاعتى موديل 2007 مخدتش بالى إن عربيتك 2005 لأن فى ال 2007 مفيش الزرار دا
بالنسبة لمقياس زيت الموتور هتلاقيه من تحت يا باشا افتح الموتور بص على طول من تحت ورا المروحة كدا هتلاقى حتة عصاية بلاستيك غالبا بيبقى لونها أصفر أو أى لون تانى بس هى بلاستيك لو ملقتهاش يبقى معندكش مقياس زيت ويبقى هو دا سبب تسريب الزيت

ولا يهمك يا باشا اول ما انزل ان شاء الله هدور على مقياس الزيت تانى بس الزيت ازاى يطلع من مكانه لو مش موجود المقياس و انا غيرت ركنتى فى الجراج لقيت بالظبط 3 نقط زيت صغيريين تحت العربية من ناحية الكابوت