الموضوع: صيانة الألف كيلو متر - نيسان صني الجديدة

المشاركة الأصلية كتبت بواسطة ahmed.tv

الف مليون مبروك الصيانة
وتسلم ايدك على التقرير المفيد .. وعلى افادتك للاعضاء .. وجزاك الله خيرا

اتمنى من حضرتك تبعد عن موضوع تغير زيت الكل 5000 كيلو .. لانه زيت معندنى وخاليك فى الزيوت التخليقية افضل اللى بتغيرها كل 10 الاف كيلو ..

وموضوع غسيل العربية فى السبع فى المعادى او فى مودرن ابورواش او اوتو ايجيبت ابورواش مش مفيد لانها مناطق صحراوية وفيها تراب كتير

اللى عايز يستفاد بالغسيل فعلا يبقا مودرن الدقى لانهم فى وسط البلد

موضوع سمير ريان انه يقول للعملاء روحوا اعملوا صيانة فى مركز صيانة محدد .. ده مش اجبار .. يمكن يكون هو سمع من العملاء ان المركز ده كويس فى صيانة الالف .. لان صيانة الالف مهمة جدا .. عشان كل حاجة تتعمل على اصولها
ويمكن يكون عنده دفتر كوبنات للصيانات بيوزعها علي العميل اللى بيتشرى منه العربية .. فبيقوله عشان تستفيد بالخصومات يبقا عليك وعلى المركز الفلانى

بس كدا كدا احنا كعملاء لنيسان .. نقدر روح نعمل صيانة فى اى مركز خدمة نرتاح معاه او فى كل المراكز .. ان شاء الله كل صيانة فى مركز مختلف

مرة تانية الف مليون مبروك
ونتمنى حضرتك تساعدنا فى تقييم صيانتك ومركز الخدمة اللى عملت فيه الصيانة فى الموضوع ده
http://www.nilemotors.net/nile/268776-2012.html

عشان نقدر نفيد بعض اكتر .. وفى النهاية نستطيع ان نساعد مراكز الخدمة فى تجميع كل السبلبيات عشان يقدروا يصلحوا منها ويتداركوها مستقبلا

تحياتى ليك

يا أحمد بك المشكله انهم ما أدونيش الضمان بتاع العربية بس ادونى ورقة كده وقالولى أروح اوتو ايجيبت أبو رواش أعمل الصيانة وأخد الضمان بتاع العربية.. يعنى غصب عنى هروح هروح .. رأيك ايه فى الكلام ده هو سمير ريان بيستهبل ولا ايه ؟؟

الف مبروك وربنا يباركلك فيها وتتبسط ونتبسط منها اكتر واكتر

المشاركة الأصلية كتبت بواسطة د.هشام

الف مبروك وعقبال صيانة المليون
انا عجبني موضوع الصيانة المجانية شاملة الزيت في صيانة الالف وال 5 الاف, وموضوع غسيل الموتور
الحاجات دي في كل مراكز الصيانة, ولا في السبع بس؟
سؤال كمان, هم بيستعملوا زيت نوعه ايه؟ والزيت المجاني اللي بيحطوه معدني ولا تخليقي؟

الله يبارك لك ويبارك فيك

موضوع الصيانة المجانية عند السبع ده علشان انا كنت شاري من عندهم...وبالتالي بيدوها هدية فوق العربية, بصراحة ماعنديش فكرة عن المراكز التانية بتتعامل مالياً ازاي فمش هافتي في حاجة ماعرفهاش !

أما الغسيل فكل مراكز الصيانة بتغسل العربية بعد مايخلصوها, عادي ماتقلقش

أما عن الزيت, فهما بيحطوا زيت شل , وبما انه 5,000 فهو زيت معدني (هو سألني عايز 5,000 ولا 10,000 فاخترت 5 علشان أغيره قريب تاني, والمرة الجاية ان شاء الله احط زيت تخليقي 10,000 وامشي عليه على طول).

على فكرة موضوع تفعيل الضمان ده مكتوب على استيكر ملزوق على الزجاج الامامي للعربية و انا استلمت كتيب الصيانة و الضمان و انا بستلم العربية و لما بتتصل بيهم بيدولك كود بتكتبه على كتيب الصيانة و بتعمل صياناتك عادي بعد كدا

المشاركة الأصلية كتبت بواسطة Y2Y1500

1000 مبروووووووووووووك يا باشمهندس احمد وعقبال ما تعمل صيانة ال100.000 كم
لفت نظرى نقطتين فى تقريرك الجميل رغم خلوه من اى صور (كله كلام كلام .. مفيش صور !!!)
الاولى: ان الصنى الجديدة الحمد لله رب العالمين بتنزل بفلتر تكييف مش زى القديمة
الثانية: افزان الطاسات موجودة برة عند اى حد بتاع اكسسوارات او قطع غيار عربيات اى نوع ولازم تجيبها 30 سم فما فوق والواحد ب25 قرش .. لكن الاولى كنت ركبت لوك العجلات قبل ما تقفل بافزان ولا خلاص صرفت نظر عنه ؟

الله يبارك فيك يا يوسف بك ... ماعلش ماكانش معايا كاميرا ساعتها ...الواحد كان بيلف حوالين نفسه تحت الجبل وعايز يخرج منها بسلام :)


أما عن لوك العجلات , فاستحالة أصرف نظر عنه ياباشا عيب ده كلام رجالة, انت بس لما تخلص التزاماتك المحلية ابعتلي رسالة وان شاء الله جاهز ومستعد من يوم التلات الجاي


والحمدلله اديني عرفت اجيب الأفيز منين لما اركب اللوك إن شاء الله