اقتباس المشاركة الأصلية كتبت بواسطة houbaz مشاهدة المشاركة
شباب، كنت عايز اسأل على الفتيس الستريبترونيك، ابتدى ينزل من موديل كام؟ و هل هو نفس الفتيس القديم ال cvt? و سحبه اخباره ايه؟ انا بفكر اجيب واحدة كسر زيرو بس يهمنى اوى السحب يبقى قريب من المانيوال عشان طول عمرى متعود على عزم و استجابة المانيوال.. وكمان اعرف من اصحاب البومة 1600 اوتوماتيك ان سحبها وحش و استهلاكها للبنزين عالى...

اسئلة كتير مستنيه ردكم الكريم :) وشكرا
سيدى الفاضل السلام عليكم ورحمه الله ....الفتيس ده بدأ من موديل 2011 2012 اخر الcvt كان 2010 وهو مختلف تماما عن الستبترونيك.....ال cvt ببساطه شديده عباره عن ترسين على شكل قمعين وبينهم جنزير حديد على كاوتش بيتحرك ما بينهم فمفيش تروس سرعات فمتحسش بنقله الغيارات (نعومه اكتر يعنى) بس عيبه انه لو باظ ميتصلحش ....يتغير.....اما الستبترونيك فهو فتيس اوتوماتيك عادى بتروس بس فيه خاصيه انك وانت ماشى تحرك عصايه الفتيس ناحيتك فيتحول لمانيوال مطور لما تقل سرعه العربيه ينزل اوتوماتيك للنقله الاقل ولما تدوس بنزين مينقلش للنقله الاعلى الا لو انت حركت عصايه الفتيس لفوق ...ناحيه علامه +.....ولو حبيت برضه تنزل للنقله الاقل حرك عصايه الفتيس لتحت ....ناحيه علامه -.....فبكده تاخد عزم المانيوال فى عربيه اوتوماتيك....بصراحه وعن تجربه فتيس الستبترونيك رائع جدا وبيسعفك فى اى موقف محتاج شد بالعربيه....وكمان مفيهوش احساس جامد بالنقلات...يعنى ناعم برضه لحد كبير
سحب العربيه على الاوتوماتيك العادى يعنى ...ماشى معقول بس مش قوى...بس ما دام معاك الاوبشن دا يبقى خلاص ميفرقش معاك
استهلاك البنزين يعنى كتير حبتين بس برضه بيعتمد على طريقه سواقتك ودوستك على البنزين...بس هة اكتر شويه من مثيلاتها بس مش الفرق اللى يخلينى اغير راى فى شرا عربيه
اتمنى انى اكون افدت حضرتك وتحت امرك فى اى سؤال