الموضوع: حاجه فوق الخيال ومحيره كل الميكانيكيه ياريت تساعدوني يا هونداويه

والنبى يا جماعة حد يفيدنى عندى العربية بتاكل بنزين بطريقة فظيعة الصفيحة مبتكملش 50 كيلو مع العلم انى مشوارى للشغل صغير جدا حوالى 20 كيلو مش عارف فيه ايه هتجنن ذى ما يكون البنزين بيتبخر دنا كل يومين بحط ب 37 جنيه بنزين مع العلم ان عربينى سيفيك موديل 93 كربراتير 1500 cc

المشاركة الأصلية كتبت بواسطة kaza

اسف علي التاخير في الرد بس رمضان بقي
بص ياسيدي انت لما اتكلمت علي العيب اتكلمت علي افتراض ان الموتور مضبوط والكاتينة مضبوطة ومش مرحلة وان العيب في هروب سائل التبريد من المبرد الي القربة وبالتالي تفريغ دورة المياة من سائل التبريد
وانا رديت علي حضرتك مع الوضع في الاعتبار سلامة مكونات دورة التبريد واحكامها من التسربات
بالنسبة للهوندا عموما محركات الهوندا بتصنع من الالومنيوم للراس والبلوك وبتتواجد شمايز من الحديد للسلندرات وليها سيلات وجونات للتسرب وبالتالي سخونة المحرك بتؤثر جدا نظرا لاختلاف الاستجابة الحرارية للالومنيوم عن الحديد وبالتالي بينتج عدم الاحكام واكتر حاجة بتتاثر هروب الغازات الي دورة المياة لقربهم من بعض او العكس وبيكون صعب خلط الزيت لبعد مجاري الزيت نسبيا عن غرف الاحتراق
وبالتالي الفيصل الوحيد قياس كبس الموتور زي ما اقترحت عليك لانة هيظهر التنفيس من اي سلندر
اما موضوع الكاتينة مرحلة وللهوندا بالذات ودي محركات حساسة جدا فاكيد ضعف القدرة هيكون ملحوظ وعموما السخونة العادية للموتور ماتزودش الضغط لدرجة هروب المياة وارتداتها للقربة
برضة ياريت تذكر حالة المبرد عندك هل مسدود بالرواسب وبالتالي بيمنع التبادل الحراري ولا لا لانةممكن يتسبب في ضعف قدة التبريد عموما ولو مسدود قوي هتلاقي اثناء رفع سرعة دوران المحرك تقلص في الخرطوم اللي جاي من الردرياتير للطلمبة وممكن يكون بيخنق دورة التبريد علي السرعات العالية وبالتالي بيكون بخار بيتمدد ويطرد المياة للقربة
عموما شوف موضوع الردرياتير ولو متاكد من صلاحيتة يبقي اعمل اختبار الكبس للموتور
وياريت تتكرم وتقولي عملت اية
موضوع اكتشاف العيب عموما بيبقي احسن حاجة الاختبار الفعلي ودة علية 95%من نتيجة تحليل العيب
تحياتي لشخصك الكريم

شكرا لتاني مره علي اهتمامك وردك الغني عن اي وصف بالنسبه لموضوع الرادياتير انا سبق وقولت انها مش 100% يعني تقدر تقول الرادياتير شغال بنسبة 95% وده طبيعي نتيجه انه قديم وطبعا انا احترت واحتار دليلي في العربيه لحد ما واحد قالي شوف كده كهربة العربيه لو عاليه واطيها ماكدبتش خبر وروحت لمياكنيكي وقولتله شوفلي الكهربه قالي انت عندك الاسبراتير اليكتروني يعني هو بيظببط نفسه للحاله المثاليه علي حسب نوع البنزين بتاعك ومافيش اي لازمه تلعب فيه وسيبته وانا مصدوم وكلامه مدخلش دماغي وبحثت علي النت علشان اعرف ازاي اظبطه وهل ينفع ولا لا وطبعا النت مليان فتي كتييييييييييير واكتر قالو نفس كلام الميكانيكي وافراد معدوده قالت ينفع تلعب فيه وشمرت عن سواعدي وقعدت العب فيه واخرته زى ما قالولي لاني كنت بحوطلها بنزين 92 ولما اعلنت افلاسي قولت احوط 80 ماهي اكيد لما دخلت مصر مكانش فيه غيره اصلا وعرفت انك لازم تظبط الكهربا لما تغير البنزين وقولت اجرب اسافر بيها واخدت مشوار لاسكندريه بتاع 400 كيلو والعربيه الحمد لله اتظبطت وجبت 130 والحراره ولا عليت اخرها التلت وكان نفسي اجيب بيها اكتر من كده علشان اجرب بس الطريق كان زحمه وبس هي دي قصتي مع حرارة الهوندا وشكرا ليك ولكل شخص شارك معانا هنا برايه