أنا عتدى مشكلة غريبة جدا، معايا اكسارا 1، 1600، موديل 2001، العربية من غير التكييف الحرارة مش بتعدى 95، مع السرعة الأولى و التانية للتكييف الحرارة برضو 93 أو 95، لما أجيب السرعة التالتة أو الرابعة للتكييف، مؤشر الحرارة بيهيس، يطلع (فجأة) على 120 لمدة 20 ثانية و الكمبريسور يفصل و بعدين ينزل فجأة على 95 تانى و كل دقيقتين يطلع فجأة و بعد 20 ثانية ينزل فجأة....

أنا أعدت أدور على كهربائى بيفهم فيها لحد ما جبت رقم إبراهيم اللى فى التوكيل بس للأسف عنده ظروف و مش بينزل الورشة :(

فى حد يعرف المشكلة دى ممكن تكون ايه؟ أو حد يعرف كهربائى بيفهم فيها؟ أنا مش عاوز أوديها لأى حد يعك فيها :( أنا ساكن فى الدقى...

بالمناسبة أنا رحت لإيهاب جلال و حطيت العربية عالكمبيوتر و المؤشر عندى كان مدى 120 و الحرارة عالكمبيوتر كانت 90 يعنى العربية مش بتسخن، المؤشر بس اللى بيخرف مع السرعة التالتة و الرابعة لمروحة التكييف فقط

ياريت أشوف آراء الأعضاء المحترمين