الموضوع: الحقوني الفرامل هربت و كنت هعمل حادثة

المشاركة الأصلية كتبت بواسطة eng.geo

ماستر عمومي ولازم يتغير بواحد أصلي جديد
الأصلي تقريبا كان ب 450
ماتعملش طقم أصلاح ومتجبش ماستر غير الأصلي

طيب انا عندي صوت تكه مكتومة لما بدوس علي دواسة الفرامل ده ممكن يبقي سيرفو ؟

معلش انا بسال كتير بس والله انا هفرقع و الحمد لله علي كل حال

المشاركة الأصلية كتبت بواسطة yyy

vapour lock - when the brakes are overheated the resultant heat transfers through the ....l components of the wheel cylinder or caliper and boils the brake fluid. A gas vapour bubble is produced in the wheel cylinder or caliper displacing fluid back towards the master cylinder and the next depression of the brake pedal will allow the pedal to "go to the floor".

دة سبب تهريب الفرامل اللى هو سببة ان الزيت عاوز يتغير و بتغير طقم الاصلاح بتاع الماستر الرئيسي معاة لان احتمال الجلد دة اتاكل( طقم الاصلاح لو مش اصلى متركبوش وهات الماستر على بعضة) او هات الماستر على بعضة زى ما الاعضاء بتوع الدايو ما بيقولو لان انا معرفش نظام قطع الغيار بتاعة الدايو اية

كده انا هغير إن شاء الله الماستر و الزيت و لو الخراطيم رخيصه هغيرها بامرة وخلاص

و بخصوص طقم اصلاح الماستر فعلا انا معايا عربية لانسر لما الموضوع ده حصل غيرت طقم اصلاح فقط و كان من التوكيل برضة و العربية بقالها بتاع 6 سنين من بعد التغيير زي الفل الحمد لله بس اظن في دايوو الوضع مختلف لان كل الاعضاء هنا بينصحوا بتغيير الماستر كامل و انا هعمل كده بأذن الله

انا بجد متشكر جدا جدا لكل الناس اللي ساعدتني و اتمني لو حد له اضافة يفيدني بيها و يوم عن يوم الواحد بيحب نايل موتورز اكتر من الاول

شكرا تاني و ربنا يجعله في ميزان حسناتكم

المشاركة الأصلية كتبت بواسطة eslam.adly

باشا يبقى خش على موضوعى ده هاينفع جامد عشان انا كنت عايش لاحطات الرعب اللى انت بتحكيها دى بالضبط
http://www.nilemotors.net/nile/302519-a.html

متشكر جدا جدا علي الموضوع ده

كده باذن الله الماستر هو اللي هيتغير كل الفكره اني مش هعرف اركب ماستر نوبيرا لان مش هلاقيه غير عند ابو الحسن و انا بصراحة مش بجيب اي حاجة من برة التوكيل للعربية الانوس بالذات لاني بخاف منها شوية هو يمكن يكون احساس خاطيء بس انا بحس انها بتعطل كتير بالمقارنة بالانسر علي الرغم من ان استخدامنا ليها بسيط جدا جدا تقريبا 10 الاف كيلو في السنه و ممكن يكون عشان انا شاريها مستعمله بس الراجل كان بيعمل صيانه في التوكيل !!! معرفش بقي هي حاجة تحير بس هي عربية ركوبتها حلوه

ما علينا انا مش هصدعكم اكتر من كده

بأذن الله انهرده بعد الشغل هجيب ماستر من التوكيل و هبلغكم بالتطورات اول بأول و بجد انتو هونتوا عليا الزعل اللي كنت فيه و ربنا يبارك لكم

اخر التطورات :

الماستر ب 629 جنية

خرطوم الفرامل الواحد ب 59 جنية

الاسعار من التوكيل اللي في الرحاب (مركز الحبيبة) و الاسعار واحدة في كل المراكز زي ما انتو عارفين

و حسبي الله و نعم الوكيل

ملحوظة : كل قطع الغيار اسعارها ذادت جدا و مثال علي كده شداد الكاتينة بقي ب 300 جنية !!! و طرمبة المياة ب 300 جنية !!! انا سالت عليهم لواحد صاحبي بالمرة و الواد اتصدم زي ما انا اتصدمت في سعر الماستر بالظبط هههههههههه