تقريري المتواضع عن استلام تيدا هاتش باك 2012

**samyyousef** · 19-08-2012 08:14 PM

المشاركة الأصلية كتبت بواسطة ehab78

السلام عليكم ورحمة الله وبركاته
اولا انا اسف جدا جدا للتأخير بس النت كان فاصل عندي طول اليوم وماجاش الا من حوالي نص ساعة؟؟؟
ثانيا انا مش بعرف اعمل اقتباس وأرد بس بجد انا بشكر كل واحد دخل وشارك او بارك اوحتى اكتفى بالمشاهدة--بجد انتوا ناس من اجمل وارقى مايكون
نكمل باذن الله رحلة التيدا
انا زي ماقلتلكو استلمت العربية يوم الجمعة بعد الصلاة بناء على طلبي وعلى عكس رغبة استاذ احمد توفيق بس انا اصريت آجي بدري لان معايا الفلوس كاش والطريق طويل وغير مضمون(ربنا يستر على كل الناس)
المهم انا رجعت بالعربية من المعادي لحد طنطا بدون نمر او حتى ورق للعربية اللهم الا وصل من المعرض باستلام العربية باسمي واخلاء مسؤوليتهم من ساعته وتاريخه
انا كنت قلقان وطلبت نمر تجارية بس استاذ احمد قالي مفيش بس ماتخافش النهاردة الجمعة وقبل الفطار مفيش لجان 00وفعلا مفيش عسكري واحد قابلنا الحمد لله
بالنسبة للورق وكتيب الضمان اتفقت معاه انه يبعته يوم الاحد مع اي سواق ميكروباص على الخط لان الجمعة والسبت التوكيل مش شغال وفعلا الورق وصل ساعة الفطار بالضبط
الغريب ان الورق كله وحتى كتيب الضمان باسم اوتو ايجيبت؟؟؟ فأنا مش عارف ليه لما كلمت استاذ عبد الخالق اكدلي ان مافيش تيدا خالص؟؟ يمكن من ضغط حجز الصني الجديدة حصل لخبطة ولا حاجة الله اعلم00 بس هو والحق يقال راجل محترم جدا
المهم تاني يوم رحت رخصت العربية ثلاث سنوات وكانت التكلفة في حدود 1350ج حسب ما اتذكر
نيجي بقى للعربية نفسها
اولا دي اول مرة في حياتي اسوق اوتوماتيك خاصة وانا بسوق من زمان نسبيا(رخصتي هتنتهي في شهر تسعة)
وانا كان معايا فابيا ومازال معايا الفيات 132
طبعا مش عاوز اقول على النقلة الحضارية الكبيرة---انا ماكنتش راكب عربيات
بجد ايه الوسسسسسسسسسسسسع ده
ايه جمال التقفيل000ايه الشياكة دي؟؟؟؟ يارب احفظهالي من العين يارب
هتكلم بدقة اكتر
-اولا العربية تقفيلها ممتاز ومليش عليه ملاحظات
-ارتفاعها عن الارض ممتاز ومش بتحك في المطبات لاني يوم استلامها وبعد الفطار العيلة عندي اصروا اني افسحهم بالعربية الجديدة واوديهم طنطا(انا من قرية تبعد عن طنطا عشرين كيلو)وكنا ستة في العربية بالاضافة الى طفلين وطبعا عندنا مطبات الواحد ممكن يقعد عليها ويدلدل رجليه؟؟؟ بس الحمدلله ماحكتش
-التكييف00ماشاء الله ثلاجة ومتطور ممكن تضبطه اوتوماتيك وهو يظبط الدنيا او مانيوال حسب رغبتك والمروحة ليها 7سرعات
على فكرة انا شغلت التكييف من لحظة خروجي من المعرض في المعادي ولغاية هذه اللحظةومش مؤمن بحكاية انه غلط في اول الف كيلو00وجهة نظر
بالمناسبة انا حاسس ان التكييف مش بياثر على سحب العربية عندي او عزمها خالص مهما كانت السرعة او عدد الاشخاص 000الحمد لله
-سحب العربية وعزمها ماشاء الله رائع ماكسفتنيش في اي موقف طارئ مع العلم اني ما زودتش عن 140 خالص وللحظات قليلة
-العفشة00هي ناشفة شوية لو بتجري على طريق مكسر انما لما بتهدي بتحسها انعم بس بصراحة بحس انها ضعيفة شوية لاني بقارن بالفابيا وهنا يتجلى العملاق الالماني لان الفابيا كنت تحسها كتلة واحدة في اي موقف انما التيدا بحس ظهرها بيلعب مع التكسير ومطبات الهوا
-الكاسيت 00راديو سي دي mp3مع فتحة auxوبدون usb بصراحة الصوت رائع ونقي وقوي جدا
انا اسف رغيت كتير بس فعلا مضطر اخرج وباذن الله هكمل بكره
تصبحوا على خير

السلام عليكم
الف مبروك السيارة و ربنا يبارك فيها
حضرتك اثناء حديثك عن العفشة قارنت التيدا بالفابيا, فهل قصدت أن عفشة الفابيا انعم...انا كنت اتصور ان عفشة الفابيا انشف من اياباني عموما....ارجو توضيح هذ النقطة
تقبل تحياتي

**Bishoy.Girgis** · 19-08-2012 08:52 PM

الف الف مبروك العربية الجميلة تيدا .. ربنا يديك خيرها علي طول و منتظرين تقاريرك الشيقة اول بأول بس ياريت تدخل فهرس القسم و تتجول فيه عشان تنسق تقاريرك افضل و عشان هتلاقي معلومات شيقة جدا بالفهرس العام

**ehab78** · 20-08-2012 02:56 AM

السلام عليكم ورحمة الله وبركاته
كل سنة وحضراتكم بالف صحة وسلامة في أول ايام عيد الفطر المبارك ويارب ايامكم كلها اعياد
انا لتاني مرة بكرر شكري وامتناني العميقين لكن من شارك او بارك اوحتى اكتفى بالمشاهدة 00هو للاسف انا ضعيف شوية في الكمبيوتر علشان كده مش عارف اعمل اقتباس وارد على كل عضو محترم شارك في الموضوع بتاعي على حده بس باذن الله هتعلم00وفعلا شكرا على النصيحة الغالية يا استاذ0بيشوي
دكتور0يوسف عواد00بجد مش عارف ازاي اشكر حضرتك على اهتمامك ومجهودك وذوقك العالي جدا00ربنا يديم علينا وجود صقور عاليين وغاليين زي حضرتك واستاذ بيشوي وباقي الصقور المحلقة
بالنسبة لسؤال الاستاذ0سامي يوسف
عفشة الفابيا قوية بمعنى انها خدمة شاقة00يعني احنا عندنا ارض في الجبل تابعة لاستصلاح الاراضي في النوبارية ومش عاوز اوصفلك شكل الطرق عامل ازاي0000فعلا العربية مابيهمهاش اي طريق
بالنسبة للنعومة انا ماحسيتش بفرق مابين التيدا والفابيا في النعومة لان عفشة التيدا ناشفة بدرجة متوسطة
انا كان تعليقي على درجة تماسك العفشة لاني حسيت التيدا ظهرها بيلعب شوية مع مطبات الهوا ومع المشي في طرق مكسرة

**د. علاء ابراهيم** · 20-08-2012 04:00 AM

مبروك يا باشا

**Ahmed_selmy** · 20-08-2012 12:22 PM

مبروك يا باشا على العربيه وكل سنة وحضرتك طيب.
فعلا العربيه بسم الله ما شاء الله واسعه جدا من جوه ومريحه ومتحسش خالص بالنقلات, وانا برضوا كل سواقتى كانت مانيوال ولسه كل اما اركبها احط رجل على البنزين والتانيه لوحده كده الاقيها نطت على الفرامل , مانا متعود على الدبرياج بقى, بس شويه شويه وهى بدات تظبط.
بالنسبه لموضوع اللمبات دا فعلا غريب ,اللى كان محيرانى ان العدادت بالليل بتور ازاى اول ما احط المفتاح فى الكونتاكت لحد ما عرفت ان فيها سينسور اضاءه, الحاجه اللى تعرفك ان النور الواطى نور هى الاضاءه بتاعة عصاية الفتيس , بتلاقى الحروف نورت ,تقريبا بردوا المالتى فنكشن والاضاءه بتاعة التكييف والكاسيت.
بالنسبه للمبات دى هى فعلا لمبه حراره لما العربيه تسخن اوى , مش عارف ليه معملوهاش عداد وخلاص, بردوا انا سالت على الفوج لاقيته مابينورش الا مع العالى بس.
يعنى حاجات تضايق بس بسيطه .
ربنا يباركلنا فيها , ويرقنا خيراها ويكفينا شرها.

**Youssef.Awad** · 20-08-2012 04:25 PM

المشاركة الأصلية كتبت بواسطة ehab78

دكتور0يوسف عواد00بجد مش عارف ازاي اشكر حضرتك على اهتمامك ومجهودك وذوقك العالي جدا00ربنا يديم علينا وجود صقور عاليين وغاليين زي حضرتك واستاذ بيشوي وباقي الصقور المحلقة

وانت طيب يا ايهاب باشا
لا شكر على واجب .. وطول ما انت راكب نيسان .. هاتكون باذن الله فى امان
مع انك نازل من عربية وصانع انا باعشقه برضه
يوسف عوض

**ehab78** · 21-08-2012 03:37 PM

[QUOTE=Ahmed_selmy;3874482744]

مبروك يا باشا على العربيه وكل سنة وحضرتك طيب.
فعلا العربيه بسم الله ما شاء الله واسعه جدا من جوه ومريحه ومتحسش خالص بالنقلات, وانا برضوا كل سواقتى كانت مانيوال ولسه كل اما اركبها احط رجل على البنزين والتانيه لوحده كده الاقيها نطت على الفرامل , مانا متعود على الدبرياج بقى, بس شويه شويه وهى بدات تظبط.
بالنسبه لموضوع اللمبات دا فعلا غريب ,اللى كان محيرانى ان العدادت بالليل بتور ازاى اول ما احط المفتاح فى الكونتاكت لحد ما عرفت ان فيها سينسور اضاءه, الحاجه اللى تعرفك ان النور الواطى نور هى الاضاءه بتاعة عصاية الفتيس , بتلاقى الحروف نورت ,تقريبا بردوا المالتى فنكشن والاضاءه بتاعة التكييف والكاسيت.
بالنسبه للمبات دى هى فعلا لمبه حراره لما العربيه تسخن اوى , مش عارف ليه معملوهاش عداد وخلاص, بردوا انا سالت على الفوج لاقيته مابينورش الا مع العالى بس.
يعنى حاجات تضايق بس بسيطه .
ربنا يباركلنا فيها , ويرقنا خيراها ويكفينا شرها.

[/QUOT
E]انا متشكر جدا لحضرتك وربنا يباركلك في التيدا بتاعتك وكل سنة وحضرتك بالف خير

**ehab78** · 21-08-2012 04:08 PM

المشاركة الأصلية كتبت بواسطة mollaelolla

مبروك يا باشا

الله يبارك في حضرتك000شكرا

**ehab78** · 22-08-2012 05:24 PM

بسم الله الرحمن الرحيم
تقرير سريع عن مشوار سريع للاسكندرية ثاني ايام العيد
عدد الافراد000خمسة بالغين مع خمسة اطفال(ماشاءالله)
المسافةمن البيت الى اسكندرية حوالى 150 كيلو
خرجنا الساعة الثالثة ظهرا متوجهين الى عروس الساحل مع تشغيل التكييف من لحظة الخروج00000ماشاءالله التكييف ممتاز
الارتفاع عن الارض00رائع ماحكيتش غير في مطبين ورا بعض بعد ابوحمص بس بصراحة المطبين عاليين بغباء والحمدلله المنطقة اللي حكت تقريبا في الشكمان 00يعني مش تأثير قوي
السحب00الحمدلله رائع وسلس والتكييف مش مأثر على السحب وصوت العربية هادئ
القعدة داخل السيارة مريحة ومش بتحس بالاجهاد بتاع السفر او تكسير الطريق
الحمدلله العربية رائعة وتستاهل أكتر من ثمنها وبجد الياباني حاجة تانية مع احترامي لجميع السيارات وملاكها
بس انا كان ليا تعليق صغير على فرامل العربية 000حاسس انها ضعيفة شوية خاصة مع الضغط الخفيف على الدواسة يعني مسافة التوقف اكبر من المتوقع بشوية00لكن بصراحة العربية ماكسفتنيش في اي موقف طارئ

كل سنة وحضراتكم بالف خير