ألف مبروك يا باشا و ربنا يكفيك شرها و يديلك خيرها قولوا آمين يا صقوووووور :)
شوف بقى هاتعزمنا فين بالمناسبة دي
رقم العضوية : 44437
تاريخ التسجيل : 03Aug2009
المشاركات : 689
النوع : ذكر
الاقامة : القاهرة
السيارة: لايوجد
السيارة[2]: نيسان تيدا
دراجة بخارية: لايوجد
الحالة :
الف مليون مبروك على التيدا ربنا يبارك لك فيها
ومبروك علينا عضو جديد تيداوى
سبحانك اللهم وبحمدك ... سبحان الله العظيم
[SIGPIC][/SIGPIC]
رقم العضوية : 23716
تاريخ التسجيل : 31Oct2008
المشاركات : 84
النوع : ذكر
الاقامة : 6th Of October
السيارة: Ford Taurus 2013
السيارة[2]: Nissan Tiida 2012
دراجة بخارية: لا يوجد
الحالة :
ألف مبروك يا باشا و ربنا يكفيك شرها و يديلك خيرها قولوا آمين يا صقوووووور :)
شوف بقى هاتعزمنا فين بالمناسبة دي
رقم العضوية : 49685
تاريخ التسجيل : 12Oct2009
المشاركات : 165
النوع : ذكر
الاقامة : tanta
السيارة: nissan tida plus 2012
السيارة[2]: fiat 132
دراجة بخارية: no
الحالة :
السلام عليكم ورحمة الله وبركاته
اولا انا اسف جدا جدا للتأخير بس النت كان فاصل عندي طول اليوم وماجاش الا من حوالي نص ساعة؟؟؟
ثانيا انا مش بعرف اعمل اقتباس وأرد بس بجد انا بشكر كل واحد دخل وشارك او بارك اوحتى اكتفى بالمشاهدة--بجد انتوا ناس من اجمل وارقى مايكون
نكمل باذن الله رحلة التيدا
انا زي ماقلتلكو استلمت العربية يوم الجمعة بعد الصلاة بناء على طلبي وعلى عكس رغبة استاذ احمد توفيق بس انا اصريت آجي بدري لان معايا الفلوس كاش والطريق طويل وغير مضمون(ربنا يستر على كل الناس)
المهم انا رجعت بالعربية من المعادي لحد طنطا بدون نمر او حتى ورق للعربية اللهم الا وصل من المعرض باستلام العربية باسمي واخلاء مسؤوليتهم من ساعته وتاريخه
انا كنت قلقان وطلبت نمر تجارية بس استاذ احمد قالي مفيش بس ماتخافش النهاردة الجمعة وقبل الفطار مفيش لجان 00وفعلا مفيش عسكري واحد قابلنا الحمد لله
بالنسبة للورق وكتيب الضمان اتفقت معاه انه يبعته يوم الاحد مع اي سواق ميكروباص على الخط لان الجمعة والسبت التوكيل مش شغال وفعلا الورق وصل ساعة الفطار بالضبط
الغريب ان الورق كله وحتى كتيب الضمان باسم اوتو ايجيبت؟؟؟ فأنا مش عارف ليه لما كلمت استاذ عبد الخالق اكدلي ان مافيش تيدا خالص؟؟ يمكن من ضغط حجز الصني الجديدة حصل لخبطة ولا حاجة الله اعلم00 بس هو والحق يقال راجل محترم جدا
المهم تاني يوم رحت رخصت العربية ثلاث سنوات وكانت التكلفة في حدود 1350ج حسب ما اتذكر
نيجي بقى للعربية نفسها
اولا دي اول مرة في حياتي اسوق اوتوماتيك خاصة وانا بسوق من زمان نسبيا(رخصتي هتنتهي في شهر تسعة)
وانا كان معايا فابيا ومازال معايا الفيات 132
طبعا مش عاوز اقول على النقلة الحضارية الكبيرة---انا ماكنتش راكب عربيات
بجد ايه الوسسسسسسسسسسسسع ده
ايه جمال التقفيل000ايه الشياكة دي؟؟؟؟ يارب احفظهالي من العين يارب
هتكلم بدقة اكتر
-اولا العربية تقفيلها ممتاز ومليش عليه ملاحظات
-ارتفاعها عن الارض ممتاز ومش بتحك في المطبات لاني يوم استلامها وبعد الفطار العيلة عندي اصروا اني افسحهم بالعربية الجديدة واوديهم طنطا(انا من قرية تبعد عن طنطا عشرين كيلو)وكنا ستة في العربية بالاضافة الى طفلين وطبعا عندنا مطبات الواحد ممكن يقعد عليها ويدلدل رجليه؟؟؟ بس الحمدلله ماحكتش
-التكييف00ماشاء الله ثلاجة ومتطور ممكن تضبطه اوتوماتيك وهو يظبط الدنيا او مانيوال حسب رغبتك والمروحة ليها 7سرعات
على فكرة انا شغلت التكييف من لحظة خروجي من المعرض في المعادي ولغاية هذه اللحظةومش مؤمن بحكاية انه غلط في اول الف كيلو00وجهة نظر
بالمناسبة انا حاسس ان التكييف مش بياثر على سحب العربية عندي او عزمها خالص مهما كانت السرعة او عدد الاشخاص 000الحمد لله
-سحب العربية وعزمها ماشاء الله رائع ماكسفتنيش في اي موقف طارئ مع العلم اني ما زودتش عن 140 خالص وللحظات قليلة
-العفشة00هي ناشفة شوية لو بتجري على طريق مكسر انما لما بتهدي بتحسها انعم بس بصراحة بحس انها ضعيفة شوية لاني بقارن بالفابيا وهنا يتجلى العملاق الالماني لان الفابيا كنت تحسها كتلة واحدة في اي موقف انما التيدا بحس ظهرها بيلعب مع التكسير ومطبات الهوا
-الكاسيت 00راديو سي دي mp3مع فتحة auxوبدون usb بصراحة الصوت رائع ونقي وقوي جدا
انا اسف رغيت كتير بس فعلا مضطر اخرج وباذن الله هكمل بكره
تصبحوا على خير
رقم العضوية : 49685
تاريخ التسجيل : 12Oct2009
المشاركات : 165
النوع : ذكر
الاقامة : tanta
السيارة: nissan tida plus 2012
السيارة[2]: fiat 132
دراجة بخارية: no
الحالة :
السلام عليكم ورحمة الله وبركاته
انا آسف للمرة التانية للتاخير بس ظروف خارجه عن ارادتي والله
على فكرة في لقطة نسيت احكيها وهي اني بعد ما رخصت طلعت على طول على المصرية للسيارات ودخلت المعرض 00اول المندوب اللي انا كنت حاجز معاه شافني قاللي والله لسه مفيش تيدا وانا لسه باعت فاكس مش عارف فين حتى اسأل استاذ فلان واستاذ علان 00ورايح يندهلهم
قلتله تعال يا استاذ (------) ووريته مفاتيح العربية
الراجل اترسم على وشه نظرة ذهول ماشفتهاش في حياتي 00قالي ازاي ومنين00المهم ماصدقنيش غير لما شاف العربية راكنة قدام المعرض000اول ما شافها قاللي هات الوصل اللي انت حاجز بيه علشان تاخد فلوسك
المهم00000نكمل باقي التقرير
-التسارع000ماشاء الله رائع --انا طبعا اول مره اسوق اوتوماتيك لكن انا ملاحظ ان دواسة البنزين حساسة جدا لمقدار الضغط عليها00يعني لو بتضغط تدريجيا عليها وبرفق هتلاقي تسارع رائع وناعم جدا بدون احساس بالنقلات نهائي وبالنقل على rpmمنخفض
اما في حالة الضغط المتوسط الغير مفاجئ هتلاقي العربية اتخطفت لجزء من الثانية وجمعت سرعة عالية لكن مع الاحساس بالنقلات والنقل على rpm اعلى
اما في حالة الضغط المفاجئ لكن بدون الوصول الي اخر الدواسة هيحصل نفس الموضوع السابق لكن اكثر وضوحا0000بالمناسبة انا ماعملتش كيك داون خالص ولا جربت الوفردرايف
-الكاوتش00 بريدجستون ياباني نقشة b250----انا اول ما استلمت العربية رحت حطيت نيتروجين لاني حسيت انه هيكون اطرى لكن بامانة محسيتش بفرق كبير
بالمناسبة انا شايف ميزة النيتروجين الوحيدة هي الحفاظ على الضغط داخل الاطار ثابت بغض النظر عن الحرارة الجوية او طول المشوار لكن له عيب خطير وهو انه بيظهر عيوب الكاوتش لاني كنت حاطه في الفابيا مع كاوتش اندونيسي جديد لانج بس مش فاكر اسمه الصراحة كان مخلي العفشة سيئة جدا وكانت احسن من غيره
-الشنطة جميلة وحجمها مناسب لكن حكاية الكنبة اللي بتتحرك كلها لقدام بيخلي حجم الشنطة بيتضاعف ومع ذلك مساحة الجلوس الخلفي تظل اكبر من الفابيا في اقصى حالاتها
-مساحات التخزين والمساند الامامية والخلفية وحوامل الاكواب سواء في الابواب اوالصالون ممتازة
-الاضاءة الخارجية سواء عالي او واطي قوية ومفروشة وكاشفة الطريق
-نيجي للنقطة المهمة وهي استهلاك البنزين0000
انا استلمت العربية يوم 3-8 عاملة 77 كيلو
اول امبارح 15-8 كانت عاملة 1037كيلو وكنت فولت مرتين 0000بالضبط 81ليتر فبحسبة بسيطة هنلاقيها مشيت 11.5 كيلو لكل ليتر مع العلم ان العربية مابتتحركش بدون التكييف ومعظم المسافة زحمة او طرق مكسرة ومطبات
وصلنا كده لصيانة الالف0000طبعا انا من طنطا وطبيعي اروح ناشيونال يونيون لكن كان في اجماع في المنتدى انه سيئ عشان كده توجهت لمودرن موتورز شبين الكوم الاقرب لي بعد طنطا
وصلت الساعة عشرة ونص وكنا يوم الاربعاء اللي فات 15-8 وكانت العربية عاملة 952كيلو
خدها مهندس الاستقبال وقاللي هنغير زيت وفلتر ونكشف على السوائل ونربط العفشة ونشحمها وقاللي بنغير بزيت موبيل قلتله حط موبيل وان العشرة الاف كيلو وبمناسبة رمضان الفلتر هدية والمصنعيات مجانا
انا كان عندي ملاحظة مهمة في العربية وهي ان عندي اربع لمبات في الطبلوه مش بينورو
لمبة الحرارة الزرقاء لما بتكون العربية باردة وتختفي لما العربية تسخن دي مش موجودة خالص مفيش غير لمبة الحرارة الحمرا اللي الكمبيوتر بيشيك عليها ساعة الدوارة0000 المهندس قاللي التيدا مافيهاش الكلام ده هي المبة الحمرا وخلاص؟؟؟؟؟؟؟؟
وبرضو لمبة النور الصغير ولمبة النور الواطي ولمبة الشبورة كلهم مش موجودين مفيش غيرلمبة النور العلي الزرقا0000المهندس قاللي برده التيدا مافيهاش الكلام ده لان دي مكسيكي وفي طرازات وموديلات بتبقى كده000000طبعا مع كامل احترامي ليه بس ده كلام فارغ لكن انا مااصريتش انه يكشف ويفك ويشوف لاني حسيت بعدم تمكنه خاصة انه كان المهندس الوحيد والباقي فنيين وبصراحة اكتر انا مش متاكد اذا كان اصلا مهندس ولا مجرد موظف بس بأمانة راجل خلوق ومحترم جدا
طبعا الموضوع مااخدش اكتر من نص ساعة لان مفيش زحمة وكمان العربية اتغسلت
بالمناسبة انا ليل ملاحظتين
اولا والعربية مرفوعة علشان تربيط وتشحيم العفشة بصيت تحتيها مالقيتش تصفيح تحت الموتور وسالت الفني قاللي التيدا بدون تصفيح 00انا زعلت لان الفابيا كان فيها
ثانيا هماحطوا اربعة كيلو زيت فانا معرفش هل ده مظبوط ولا لا لاني فاكر كنتوا اتناقشتوا في الموضوع ده وكان في خلاف حوالين الكمية بالضبط0000ربنا يستر
المهم انطباعي بعد الصيانة0000
العربية فاقت اكتر من الاول وتحسها عصبية وبتتلكك على لمسة البنزين
صوت الموتور وانا خارج من الصيانة كان اعلى من الطبيعي حاجة بسيطة لمدة نص ساعة 000بعد كده ولغاية دلوقتي ماشاء الله هادئ جدا عن الاول وهو اصلا من الاول صامت
في نهاية التقرير انا بشكر كل واحد هنا في النايل موتورز عموما وصقور نيسان خصوصا على الدعم والمحبة والاخلاص في النصيحة لوجه الله
دمتم بكل الود وفي امان الله
اخوكم---ايهاب محمد ابوالنور
اخصائي طب وجراحة العيون
رقم العضوية : 49685
تاريخ التسجيل : 12Oct2009
المشاركات : 165
النوع : ذكر
الاقامة : tanta
السيارة: nissan tida plus 2012
السيارة[2]: fiat 132
دراجة بخارية: no
الحالة :
كل سنة وحضراتكم بخير وعيد سعيد على الكل
لو سمحتم يا جماعة كنت عاوز اجابات على اسئلتي ويمكن تكون تايهة في وسط التقرير علشان كده انا هحددهم
اولا000اللمبات اللي مش موجودة في التابلوه وهي لمبة الحرارة الزرقاء(لما بتكون العربية باردة) ولمبة النور الصغير ولمبة النور الواطي ولمبة الشبورة
ثانيا000كمية الزيت اللي حطوها في الصيانة اربعة كيلو والنهارده بشوف مقياس الزيت والعربية بارده لقيت الزيت فوق علامة الmax بحوالي واحد سم
وشكرا جزيلا مسبقا
رقم العضوية : 21551
تاريخ التسجيل : 08Oct2008
المشاركات : 2,587
النوع : ذكر
الاقامة : suez
السيارة: الحمد لله كده زى الفل
السيارة[2]: Nissan Tiida H/B
دراجة بخارية: no
الحالة :
فعلا يا باشا اللمبات اللى حضرتك ذكرتها مش موجوده عندى فى التابلوه أنا كنت برضه عاوز اتاكد من الموضوع كويس انك فتحت الموضوع ( :
و برضه موضوع ان الشبوره مش بتنور الا مع النور الواطى هيجننى بصرا
بس غير كده العربيه زى الفل الحمد لله و على الاستهلاك عندى فى البنزين أنا فولت مرتين حتى الان و الاستهلاك تقريبا بين 12 و 11.5 كيلو فى التر تقريبا زى استهلاك عربيتك
ربنا يباركلك فى عربيتك و يحفطهالك يا دكتور
م / محمد سعد
[img2]http://img846.imageshack.us/img846/197/63588414414249233311774.jpg[/img2]
رقم العضوية : 49685
تاريخ التسجيل : 12Oct2009
المشاركات : 165
النوع : ذكر
الاقامة : tanta
السيارة: nissan tida plus 2012
السيارة[2]: fiat 132
دراجة بخارية: no
الحالة :
متشكر جدا لحضرتك يا باشمهندس0محمد سعد
حضرتك كلك ذوق واخلاق وانا كنت متابع رحلة حضرتك في عالم نيسان الى ان استقريت على الجميلة تيدا ربنا يباركللك فيها ويحفظهالك
فعلا عدم وجود اللمبات دي في التابلوه حاجة رخمة جدا وتحسسك بالاسترخاص او الاستسهال مش عارف مع ان التيدا الياباني مع واحد صاحبي وانا اصريت اني اشيك على التابلوه عنده لقيت اللمبات دي كلها موجودة وشغالة؟؟؟؟؟؟؟؟؟
بالنسبة للشبورة هما عملوها زي الالماني مش بتشتغل غير مع النور الواطي
عموما العربية ماشاءالله رائعة وربنا يحميها من العين
كل سنة وحضرتك طيب وعيد فطر سعيد
رقم العضوية : 21551
تاريخ التسجيل : 08Oct2008
المشاركات : 2,587
النوع : ذكر
الاقامة : suez
السيارة: الحمد لله كده زى الفل
السيارة[2]: Nissan Tiida H/B
دراجة بخارية: no
الحالة :
م / محمد سعد
[img2]http://img846.imageshack.us/img846/197/63588414414249233311774.jpg[/img2]
رقم العضوية : 42730
تاريخ التسجيل : 19Jun2009
المشاركات : 6,353
النوع : ذكر
الاقامة : Riyadh - KSA // Banha - Egypt
السيارة: NISSAN ALTIMA 2.5 SL '13
السيارة[2]: FSO Polonez '88 - NISSAN SUNNY EX Saloon '10
دراجة بخارية: 000
الحالة :
كل سنة وانت طيب يا دكتور وعيد سعيد عليك مع التيدا
ومبروك على الصيانة وان شاء الله الصيانات الجاية حاول ترتب من قبلها مع مجموعة من اعضاء القسم وتجيلنا القاهرة فى اى مركز خدمة .. واهو فرصة نتعرف عليك عن قرب
بالنسبة للسؤال الثانى الخاص بكمية الزيت للتيدا هتلاقى الاجابة شافية وافية فى الموضوع التالى:http://www.nilemotors.net/Nile/251347-a.html
وعندك كمان موضوعات مهمة جدا عن التيدا:
http://www.nilemotors.net/Nile/188705-2011.html
http://www.nilemotors.net/Nile/156353-3-4-5-a.html
وده تقرير بلدياتك الدكتور ايهاب المعتكف EhabVet
http://www.nilemotors.net/Nile/268122-a.html
وده اقتباس من الموضوع يهمك:
وده كمان اقتباس من العمدة احمد tv راعى التيدا فى مصر من موضوعه (كان ياما كان .. التيدا على مر الزمان)
http://www.nilemotors.net/Nile/259332-a.html
Y2Y1500 سابقا
رقم العضوية : 61266
تاريخ التسجيل : 07Feb2010
المشاركات : 727
النوع : ذكر
الاقامة : Cairo-Nasr City
السيارة: ربنا يسهل
السيارة[2]: Lancer 1.6 2005
دراجة بخارية: No
الحالة :
الف مبروك علي التيدا و ربنا يديك خيرها و يكفيك شر طريقها
المفضلات