الموضوع: مشاركات خارج موضوع ( هل أنت راضي عن أداء عربيتك الألنترا 2012 )

فورميلاتور ..

أنا دائما بأكون سعيد بالنقاش معاك و بأرائك و لكن أحب أوضح لك نقطتين :

(1).. أنا سوقت الألنترا ال hd مسافة 800 كم رايح جاي و في ظروف سفر حقيقية يعني مش بأشد و بأغرز و بأحرق و لكن في ظروف الاستخدام الطبيعية و لكني قسيت علي العربية شوية بما أنها مانيوال و خاصة في ملفات السخنة اللي مش عارف ليه بأحب أجري فيها و أتخطي العربيات فيها ..... ههههههههه

بصراحة في الموقف ده العربية كانت أستجابتها ممتازة و ثباتها برضه ممتاز
تقييمي لها جاء من خبرتي بالمنطقة دي و أجتيازي لها أكثر من مرة بالسيارات التالية :
- دايو لانوس 2006 مانيوال
- تويوتا ياريس 2008 أوتوماتيك
- دايو نوبيرا 2006 مانيوال
- تويوتا كورولا mmt 2008

(2).. أما النقطة التانية ..
مافيش تناقض في كلامي و لكن أنا حبيت أوضح برضه أن الجري و الشد من وجهة نظري مختلف عن الجري و الشد من وجهة نظرك أو البعض

لأني شايف أن العربيات دي كلها سواء كوري أو صيني أو ياباني أو أوروبي مش معمولة للكلام اللي أنتوا جميعا بتقولوا عليه و مافيش بره مفهوم الغرز و الشد في القيادة و ألا تتسحب منك الرخصة و ماتشوفهاش تاني
أحنا بس في مصر و دول الخليج اللي فرحانين بشوية اللعب ده مع أنه ضد قواعد السلامة

علشان كده أنا حكمي علي أي عربية بيعتمد علي القيادة العادية من واحد عادي مش محترف و كمان باحكم علي العربية من حكم قيادتي العادية لأنواع كتير (ياباني - كوري)

حاجة أخيرة :
أما بالنسبة لوضع الكوري و الصيني في سلة واحدة ...... فلاتعليق
و لكن كلامك و كلام الكثيرين عن الكوري و الصيني ممكن يكون فيه تعالي زائد يسبب الضيق للأخرين و هذا ما لا أحبه

الموضوع مش موضوع صيني و هندي و كوري زي ماسبق و شرحت المهم أنت تقدر تعمل أيه بالعربية في حدود امكانياتك و تستغلها ازاي و كون أن فيه واحد راكب عربية صيني أو حتي توكتوك فهذا لايقلل أبدا منه فقد تكون تصرفاته و ألتزامه بقواعد المرور و أخلاقه علي الطريق أفضل 1000 مرة من اللي راكب اوروبي أو ياباني أو حتي كوري و ماشي يخبط في الناس يمين و شمال و فاكر أن مافيش حد أده

المشاركة الأصلية كتبت بواسطة ahmazong

كلام حضرتك يحترم يا بـشمهندس سمير .. دايما كلامك حاسم ما شاء الله ..

بس حضرتك بتقول مينفعش نركب عربية غالية !!! غريبة ..

يعني عربية بـ 130 ألف مش غالية !!! .. عربية مفيهاش أي وسائل امان مش غالية !!! .. عربية لو اتخبطت مني معرفش اردها غير في التوكيل مش غالية !!!!!!!!!!!!!!!!!! ..

أشكرك يا دكتور علي كلامك الرقيق و حقيقي مقتقدينك و أن شاء الله نتقابل يوم الجمعة

معاك حق 130000 جنيه مبلغ و لكن النهاردة لو فكرت أركب عربية كويسة تحت المبلغ ده
انت بتقول برضه الفلوينس بنفس المبلغ يعني مافيش اقل من كده

للاسف اسعار السيارات في مصر هاتلاقيها متقاربة و الفروق مش كبيرة أوي بين العربيات لواحد أستخدامه عادي زي حالاتي و دول ناس كتير

هاتلاقي مزايا في الالنترا مش هاتلاقيها في الفلوينس
و هاتلاقي مزايا في الفلوينس مش هاتلاقيها في الالنترا
المسألة زي ما بأقول بترجع لأحتياجاتك و متطلباتك من العربية و في الاخر العربية اللي بتحقق لك المتطلبات دي هيا اللي بيقع عليها أختيارك رغم أنك عارف ان فيها عيوب لكن أكيد اكيد بتكون برضه عامل حسابك أزاي تتعامل مع العيوب دي
و يمكن العربية التانية (الفلوينس في هذه الحالة) تكون غير مناسبة لأحتياجاتي علي المدي الطويل
مش معني أن واحد اختار عربية و فضلها علي التانية يبقي أنها أحسن

طيب ما انا اعترفت اني فضلت الألنترا علي الهوندا سيتي و لكن هذا لاينفي ابدا أحترامي للهوندا سيتي و أيضا فضلت الالنترا علي الكورلا و لكن لاينفي ابدا حبي و عشقي لتويوتا و لكنها أحتياجات و متطلبات و رؤي مستقبلية و حسابات مادية في الاساس

المشاركة الأصلية كتبت بواسطة SE_coralsea

لأني شايف أن العربيات دي كلها سواء كوري أو صيني أو ياباني أو أوروبي مش معمولة للكلام اللي أنتوا جميعا بتقولوا عليه و مافيش بره مفهوم الغرز و الشد في القيادة و ألا تتسحب منك الرخصة و ماتشوفهاش تاني
أحنا بس في مصر و دول الخليج اللي فرحانين بشوية اللعب ده مع أنه ضد قواعد السلامة

علشان كده أنا حكمي علي أي عربية بيعتمد علي القيادة العادية من واحد عادي مش محترف و كمان باحكم علي العربية من حكم قيادتي العادية لأنواع كتير (ياباني - كوري)

حاجة أخيرة :
أما بالنسبة لوضع الكوري و الصيني في سلة واحدة ...... فلاتعليق
و لكن كلامك و كلام الكثيرين عن الكوري و الصيني ممكن يكون فيه تعالي زائد يسبب الضيق للأخرين و هذا ما لا أحبه

ا

الله ينور عليك يابشمهندس. انت قولت نفس كلامى دى عربيات كوبكت اقتصادية مش معمولة للشد و الجرى!!!

فورميوليتور على اد ما بستفاد منك فى حجات كتير و بحب اقرا مشركاتك على اد مبيعجبنيش حكمك على العربية من خلال الشد و الغرز و الفرامل و خلاص!!! يا باشا الرولز رويس الفانتوم اغلى من ال بى ام الفئة السابعة ست مرات رغم ان البى ام اسرع و افضل فى الغرز و كل الكلام اللى بتقول عليه!!! هل معناها ان ال بى ام افضل؟؟؟ العربيات مش شد و غرز وفرامل و ثبات على سرعه عالية و خلاص!!! بالذات العربيات الاقتصادية دى, مش مطلوب منها كل ده على سرعة 220!!!

عموما انا سوقت الالنترا لحد 180( كانت غلطة و مش حتحصل تانى ) و كانت ثابتة جدا جدا بالنسبالى و مكنتش قلقان خالص ... اساسا كفاية جدا لحد 160... لا 140 حتى كفاية لان شوارع مصر متستحملش اكتر من كدة حتى لو معاك لمبورجينى .... و اكتر من كده حتاخد مخالفات و كمان بتعرض حياتك و حياة الاخرين للخطر و ربنا حيحسبك على ده يبقى ايه لازمتها!!!

تانى دى عربية اقتصادية مش عربيات سباق او sport car يعنى بتنافس على:
اعتمادية و قلة اعطال - وسع صالون - استهلاك بنزين - توافر قطع غيار بسعر معقول - سهولة بيع - سهولة صيانة - كماليات كتير بسعر مناسب - جودة خامات بسعر مناسب - عوامل امان - تصميم خارجى و داخلى شيك - ثبات و تحكم لحد سرعة 160 (اساسا 140 كفاية) لاتها مش مصممة على انها فرارى علشان تحطها فى الاختبارات دى!!!! خليك عقلانى شوية علشان تقدر تحكم على العربيات دى بطريقة صحيحة.

كل الحجات دى الالنترا فولى لودد بتحققة باقل سعر بالمقارنة مع المنافسين علشان كدة انا شايف انها افضل عربية اقتصادية بالمقارنة بسعرها.

يا ريت تفكر بشكل صح علشان تحكم صح, يعنى ال بى ام الفئة السابعة او المرسيدس s 500 مش عربيات شد و غرز و فى عربيات اقل منهم بكتير جدا و الله اسرع منهم و اثبت منهم و تاخد بيهم غرز و ثبات ملوش حل و فرامل فى وقت اقل و كل اللى تحلم بيه... هل ده معناها انهم احسن؟؟؟

حاجة اخيرة .... كلامك لما بيكون فى معلومات مفيدة بيعجبنى جدا و بستفاد بيه جدا لكن لما بتقلب على اختبارات الشد و الغرز و الفرامل و و ... و فى مصر بجد بيضحكنى و مع تكرارة مبقاش interested ليا ولا لناس كتير هنا فى المنتدى بيفكروا بشكل عملى, لو عندك عربية عملية افضل من النترا فولى لودد و بتحققة كعربية اقتصادية و بسعر اقل اتفضل قولى عليها.... بعيدا عن الشد و الغرز و الكلام اللى لا يعنى الكثيرين اتحداك انت او سمسم تجبلى عربية سعرها اقل من 155 الف تحقق اللى حققتة الالنترا الفولى لودد كعربية اقتصادية.... هاتلى عربية و سعتها تغور الالنترا و تولع بجاز.


( عارف ردك... حتقول انا اساسا ميهمنيش انت interested باية و و ... كمل انت بقى هاهاها )