الموضوع: مشاركات خارج موضوع ( هل أنت راضي عن أداء عربيتك الألنترا 2012 )

المشاركة الأصلية كتبت بواسطة semsem kane

شوف ياباشا انا مش ضد هيونداى ولا اى حاجة بس ماينفعش اجى مثلا اقولك الهوندا سيفيك احسن من ال bmw 320 2012 يبقى انا كدة بفتى فتى السنين

ماينفعش اجى اقولك انا ركبت عربية 128 وجيبت بيها 220 كم وكانت ثابتة مووووووووووووت

انتوا بقى بتقولوا حاجات الواحد لا يمكن الواحد يتخيلها عشان كدة بنرد , لانكوا بتقولوا حاجات احنا مجربينها وعارفينها ومش بنلاقى الكلام دة خالص , يعنى انا مثلا والله ماركبت عربية كورى وحسيت بيها بالامان نهائى وعلى سرعات 130 عارف لية عشان الواحد ركب عربية اعلى من دية وبيمشى اعلى من السرعة دية ومش بيحس بدة خالص

زى بالظبط لما تكون لسة بايع لادا وتركب فيرنا هتلاقى دركسيون الفيرنا مية بالنسبالك واللى هتقولة كلمة واحدة اية الدركسيون الخفيف دة دة الباور بتاعها حلاوة , تعالى بقى اركب النترا 2012 هتقول دة دركسيون الفيرنا كان تقيل

تعالى مثلا شوف انا بقول الهوندا ثابتة قد اية وعلى سرعات عالية جدا بس تعالى بقى ركبنى m5 هقولك كلمة واحد دانا كنت راكب مرجيحة ,

ييجى مثلا بتاع الm5 يركب البوجاتى يقولك ينهار ابيض على فرق الماتور والثبات

ياريت اكون بالامثلة دية قدرت افهمك وجهة نظرى , انا مش بنقد الكورى عموما لذاتة لأ انا بنقد المميزات اللى انتوا بتبالغوا فيها زيادة عن اللزوم ولما بنجربها مش بنلاقى الكلام دة نهائى انتوا نفسكوا بتعملوا النقد دة لما يكون فية مالكين لعربية واحدة واحد يقول ثابتة والتانى يقول خفيفة يبقى هنا الاراء تضاربت وخلاص المصداقية راحت , لكن لما يكون كل ملاكها على كلمة واحدة خلاص الدنيا على الاقل بتتثبت ان العربية دية كويسة

واعتقد على فكرة طالما فية اكتر من مؤيد لوجهة نظرى يبقى وجهة النظر صحيحة زى مثلا formulator بيشتم فى الكورى اكتر مانا بشتم فية لية عشان راجل ركب وجرب عربيات اقوى وتقريبا فى نفس الفئة وهو معاة اوروبى , بس خد بالك لما ركب السيفيك ماقلش عليها حاجة لانة عرف انها عالية جدا فى المحرك والثبات وهو بردة مش مستنى فلوس من هوندا عشان يشكر فيها
وهتلاقى ناس كتير نفس وجهة النظر

وعموما ياسيدى انا بحترم سيارات هيونداى بس عشان انتوا راكبينها لانكوا بجد ناس محترمة

وارجو ماتكونوش زعلانين منى بس بردة مش هسيبكوا رخامة بقى هههههههههه

المشاركة الأصلية كتبت بواسطة semsem kane

انت تانى ههههههههههه

ياباشا ماحنا قولنا هيونداى بالخارج غير هيونداى مصر

وصدقنى لو سوقت سيارة هيونداى اورويى هقولك على مميزاتها بكل حيادية مش ههرب يعنى

واسف فى الكلمة الالنترا لم تتتفوق على السيفيك موديل 2012 الفقيرة الا بفارق نقطة واحدة فقط ودة بسبب الاوبشن + خامات السيفيك اللى اصبحت رديئة جدا وطبعا الشكل اللى اصبح اسوء

وعموما الفورد فوكس مكتسحة اللالنترا بجدارة فامتقولش بس انها احسن عربية سواء بقى فى الخارج او فى الداخل وبعدين معلش ياستاذى جيرمى كلارسون ماجربش الالنترا ابدا لانهم مافيش على موقعهم سيارة هيونداى سواء ( النترا - او rb ) العربيات دية على مواقع تانية او يمكن انت تقصد ال i40


يبقى فين بقى تفوقت على السيارات الاوروبية معلش ياباشا حضرتك ادخل كدة على اى موقع او يوتيوب واعرف مين اللى مكتسح وعشان متعبش عليك البحث دة فيديو بسيط لأعلى فئة للالنترا قصاد الفرود فوكس ( ويالة بينا نشوف )

comparison test video: 2012 ford focus titanium vs. 2011 hyundai elantra limited - youtube

واللهِ العظيم أنت برنسسسسسسسسسسسس ..

هو ده التحليل المظبوووووووووووووط ..

المشاركة الأصلية كتبت بواسطة omar100

وانت ملكش حق تدخل تقول رايك على العربية
لانك لا تمتلكها اية الى دخلك فى الموضوع

ياريت تشوف عنوان الموضوع كويس لان الواضح انك مش بتشوف

ديه مش طريقة للكلام يا عمر بييييييه ..

و سمسم باشا قال رايه بكل صراحة و وضوح .. و المفروض رايه يحترم < حتى لو كان غلط > ..

و خد بالك أنت كمان .. أنت اللي هزرت الاول ..

المشاركة الأصلية كتبت بواسطة formulator

أحنا فعلا مش مقياس للعربيات الكورى، كل واحد عارف هو راكب أيه؟؟

بس الكلام مايبقاش كده،
فيه حاجات ينفع يتقال عليها وجهات نظر، زى الشكل والأوبشنز...etc
لكن الأداااااااااااء مش كده؟؟!!! الأداء بيتقيم بالتجارب والسواقة..

هو ليه (فـ الـtopic ده مثلا) الناس افترضت ان اللى ركب العربية مرة أو مرتين.. ماينفعش يقول تقييمه للعربية؟؟!!!
يعنى لما أركب إلانترا 2012 وأسوقها سواقة spirited عـ الدائرى وبالليل...
ولما أقول سواقة رياضية؛ يبقى عملت بيها اللى بأعمله بأى عربية euro-compact (مش هقول super-mini)، أو سيفيك/مازدا3 من اليابانى مثلا..

سواقة aggressive وحرق وكيككات، غرز ضيقة ونقل حارات بالعرض.. فرامل من عـ العالى وتلحم فيها sprintــات.. ضغط عـ العربية بمعنى أصح.

آه ماوديتهاش pushed to the limits بتاعتها (لأنى لسه مش عارفها، وصاحبها اللى بيقولى دوس عشان تعرف ان الكورى جامد.. بس انا عارف انه قلقان)..
بس قدرت أشوف الـbehavior بتاع العربية فـ السواقة دى أيه؟؟!!!

- لما نقول سحبها جامد تحت الـ100/120، لكن فوق مش بنفس المستوى.. (تانى: فيه torque-dip عند الـ140/160).
الفتيس فـ الأوتو مش على طول بيفهم أنا عايز أيه من دوسة البنزين دى..!!

- الدركسيون مش direct فـ الـsteering-inputs عـ السرعات العالية، ولااااااازم تعمله correct بأستمرار فـ الملفات..

- وطبعا العفشة الكارثة، هو ليه المساعد مش بيتضغط فـ مطبات الهواء؟؟ المفروض يكبس ومايفتحش الـrate إلا لما الطريق يعدل؟؟!!! عشان ماتنطش لفوق تانى..
معرفش ده عيب تصميم بالأساس (خطأ فـ توزيع الـloads، طول الـaxe، زوايا الـtoe/camber أو الـunsprung-weights)...
ولا كماااااااااااان المساعد نفسه (ماندو على فكرة ) فيه مشكلة فـ الـdamping-rate بتاعه؛ اختيار غلط للمشوار أو الـcombo مع السوستة دى)؟؟!!!
ماتعرفش، والله الهيونداى دى عربيات عجيبة؟؟!!!!!!
الشنطة عنها استعداد تلعب فـ أى غرزة أو ملف عاصى شوية (أو موقف طوارىء فيه لعب يمين فـ شمال)..؟!!
هو ليه أصلا العربية مش بتوطى مع السرعة؟؟!!!

- الفرامل: وأعتقد ان دى نقطة مش مختلفين عليها.. فعلا قليلة على العربية (وعلى قوة الموتور)..
فـ السرعات القليلة، مفيش الـinitial-bite القفشة اللى بتحسسك بالكنترول عـ العربية..
وفـ السرعات العالية، برضه مش confident كده.. وسخنت من 3-4 دوسات (إفترا الصراحة)،

والله فيه عربيات فراملها من عـ العالى تحسسك انك بترجع لورا..
(عشان الطريق حواليك ماشى وانت سرعتك بتزل بمعدل سريع بتبقى كأنك واقف).. والله فيه كده، واللى جرب هيعرف (اللى جرب ).

ليه بقا تقوللى انت مجربتش، ولازم تجرب كل يوم لمدة أسبوع قبل الفطار والعشاء؟؟!!! هههههههههههههههه

الموضوع هنا فروق فردية individual بين شخص والتانى (أو سواق والتانى بمعنى أدق)،
فيه سواق من مرة-مرتين يقدر يعرف الـlimits بتاع العربية، خصوصا لو سواقة عالية.. وفيه سواق بتبقى عربيته وبيركبها كل يوم، بس مايعرفش حاجة؟؟!!!
عمرها ماكانت بعدد التجارب قد ماهى بالـefficiency بتاع التجربة.. (وإسألوا مجرب ) هههههههههههههههه

أنا عرفي دلوقتي إنت شغال مع ميييييين !!!!!!!!

مع رامي سري ههههههههههههههه ..

حبيبي اللي فاهم مش حافظ ..