كنت لسه هقولك عالفوكاس بس لقيتك كتبتها , متزعلش مني انا شايفها احسن من الالنترا بس اغلى ب 25 الف واعادة بيع مش كويسةاتفق معاك تماما فى كلامك... بس انا بختلف عنك فى انى سوقت عربيات كتير جدا فاقدر احكم اذا كان اللى بيتكلم امين فى كلامه و لا متعصب لفكرة فى دمغة و بيحاول يقنع الناس بيها مستغلا ان الناس مجربتش.
بعض الاعضاء من متعصبى الاوربى و اليابانى بيحولوا يقنعونا ان العربيات الاوربى اللى فى مصر سواقة و متعة و تحكم و ....و .... هاهاهاها ... انا بعد ما جربت الجيتا و السيفيك والله بضخك على كلامهم و بقولهم عيب تقولوا الكلام ده مستغلين جهل الناس.... كل العربيات دى (جيتا - هوند1 سيفيك 2010 - النترا 2012 - سيراتو - كروز - فلوينس - تيدا - كورولا - صنى) كلها سوقتها و كلها عربيات اقتصادية تعبانة و مفهاش اى متعة... فعيب نضحك على بعض و نقول اوربى و متعة سواقة و الهبل ده
والله بعد ما سوقت الجيتا تفيت على الاوربى... بس بعدها سوقت passat cc with auto park ماتور 1800 تربوا فعلا فرق السما من العمى فى النعومة و السحب و الثبات... سوقت بعد كدة لكزس متعة اكتر من الباسات سى سى
هنا بقى ملاك الاوربى عايزين يقنعونا ان الاوكتافيا و الجيتا بالماتور العرة اللى فيهم ال 102 حصان فيها متعة فى السواقة هاهاهاها و ملاك الهوندا عايزين يقنعونا ان السيفيك 2010 مش حتكرر تانى هاهاهاها بجد كلامكوا يضحك و لما نقول الالنترا تفوقت فى فئة السيارات الكومبكت الاقتصادية و ده مش كلامنا ده كلام العالم كلة يقولوا دى بتاعة برة هاهاها قال يعنى الاوكتافيا و الجيتا بماتورهم و ادائهم اللى عندنا هو نفسة اللى بينزل برة!!! مفيش مصداقية فى الكلام ولا حيادية للاسف.
العربيات دى عربيات اقتصادية و بتتنافس على الاقتصادية مش على متعة السواقة او luxury cars!!! انا من سواقتى للسيارات دى من فئة النترا 2012 (جيتا - سيفيك 2010 - النترا 2012 فولى لودد - سيراتو - كروز - فلوينس - تيدا - كورولا - صنى) شايف ان الالنترا 2012 فولى لودد افضل غربية فى سعر 155 الف للاسباب الاتية:
شوف مميزات الالنترا فولى لودد:
ثبات ممتاز - فرامل ممتازة - فتيس 6 سرعات باستجابة سريعة جدا جدا - عوامل امان - كماليات بالهبل - جوده خامات ممتازة و كلها جلد و افضل من كل اليابانى 2012 المنافس (كورولا - سيفيك - لانسر شارك - مازدا) - استهلاك بنزين ممتاز - تسارع ممتاز - شكل سابق لعصرة و فضائى - صالون واسع جدا - سيارة ناعمة و باور ممتاز - اسعار قطع غيار كويس - سعر اعادة بيع ممتاز - سهولة توافر قطع الغيار - انتشار مراكز الصيانة فى كل مكان - سيارة اعتمادية و قليلة الاعطال و قليلة المشاكل - ارخص سعرا من جميع المنافسين اليابانى و الاوربى .....
ممكن اللى شايف عربية بتحقق كل الميزات دى و سعرها اقل من 155 الف و افضل من النترا فولى لودد يتفضل يقول عليها؟؟؟ خلوها حتى 175 الف هاهاها فى عربية افضل؟؟؟
فى عربية واحدة بس افضل من الالنترا بفرق بسيط هى الفورد فوكس... بس لو انتشرت فى مصر لحين حدوث ذلك ستبقى الالنترا على العرش فى مصر.
المفضلات