لانسر Ex مميزات و عيوب

**Ramy.Gamal** · 22-07-2008 03:26 AM

صوت المحرك عالى لانه ميفيك انما لو حضرتك جوه العربيه وقافل الازاز ومشغل التكييف بيبقى فيه اى صوت باين جوه الكابينه سواء صوت المحرك او العربيات الاخرى من كلاكسات او صوت محركاتها ولو صوت المحرك مسموع جوه الكابينه بيبقى فى كل الاوقات ولا مع الكيك داون بس واخبار الصوت فوق 140 لان حضرتك عارف ان البوما صوت محركها فوق 140 مزعج جدا مانيوال واوتوماتيك .وشكرا

**احمد محفوظ** · 22-07-2008 10:20 AM

انا محتار جدا بين لانسر الشكل الجديد و هوندا سيفيك حيث أن الإثنين فى نفس الفئة السعرية تقريبا
و ان الانسر كماليتها أكثر .

**tote_ide** · 22-07-2008 01:18 PM

المشكلة فى الفرق بيم اللانسر والهوندا اللى هيفرقوا معاك
الموتور لان بتاع الهوندا145حصان
الكماليات كلها موجودة فى اللانسر
اسعار الصيانة وقطع الغيار غالية اوى فى الهوندا بالنسبى للانسر

**B_SO** · 23-07-2008 05:57 PM

الحقيقه الاختيار بين الهوندا و اللانسر صعب جداا
الهوندا موتور جامد . بس العفشه ناشفه قوي و مش مريحة و بالذات في مصر مع المطبات
انا شايف ان فرق ال 35 حصان جامد لكن يا ترى هتستفيد منه في شوارعنا الزحمه؟
اللانسر من جوه اوسع و اشيك و لكن شنطة الهوندا اكبر
الهوندا عضمها انشف و قطع غيارها اغلى

كل واحد ليه دماغ في عربيتو المهم تجيب الحاجه اللي انت حاببها

**B_SO** · 23-07-2008 05:59 PM

دي صوت الموتور بتاع ال exعلى فكره مش مزعج و مع السرعات الاعلى بيكون اوطى

**Ghamrawy** · 23-07-2008 06:37 PM

هو الموتور فعلا مخلى العربية بطة زى ما الواحد بيسمع ؟؟ و لا كل دى اشاعات ؟

**wael_lamsy** · 19-08-2008 02:36 PM

طيب ليه بتقول (لو شيلنا الهوندا علي جنب) انت ايه ر أيك؟
هوندا سيتي مانوال 1300
و لا لانسر مانوال 1300

**B_SO** · 22-08-2008 11:54 AM

الموتور يا جماعه قوي و مش محتاج كلام , هو بس صوتو عالي و دي عربيه رياضيه.
و على فكره العربيه سحبها هايل لان ال 109 حصان بيطلعو 109 مش زي التويوتا مثلا.. و كلنا عارفين قصتها و اللي مش عارف يدخل على منتداياتها

وائل, السيتي لا تقارن باللانسر من اي وجه من الوجوه,, انا بقول السيفيك

**Ghamrawy** · 22-08-2008 06:00 PM

المشاركة الأصلية كتبت بواسطة B_SO

الموتور يا جماعه قوي و مش محتاج كلام , هو بس صوتو عالي و دي عربيه رياضيه.
و على فكره العربيه سحبها هايل لان ال 109 حصان بيطلعو 109 مش زي التويوتا مثلا.. و كلنا عارفين قصتها و اللي مش عارف يدخل على منتداياتها

طيب كده تمام و عموما و عن تجربة من موديلات 91 الى 2008 الشكل القديم العربيات دى لازم يتقرص عليها قرص معين مش اى قرص علشان تاخد منها اللى انت عايزه و تخليها تتعفرت و تطير و تحس بيها غير التويوتا تحس انك راكب حتة حديدة ميتة مش بتتفاعل معاك

**abo samra** · 22-08-2008 10:46 PM

كلامكم غريب جدا للاسف من المعروف والمتفق عليه ان سيارات تويوتا اسرع سيارات من الممكن ان تقودها فى فئتها وبعدين ممكن حضرتك قصدك مش بتحس بالصوت اللى بيجيب انهيار عصبى من السياره لانسر لان الكورولا صوتها ناعم جدا وتقريبا ملهاش صوت وبعدين انا كان معايا لانسر بومه سوبر اكشن ومفيش اى وجه مقارنه بينها وبين اللى الكورولا اللى معايا اطلاقا والعربيه حققت مبيعات كويسه جدا وافضل 100 مره من اللانسر االشارك