لانسر Ex مميزات و عيوب

**Ahmed Samy** · 22-08-2008 11:00 PM

المشاركة الأصلية كتبت بواسطة mandooo

كلامكم غريب جدا للاسف من المعروف والمتفق عليه ان سيارات تويوتا اسرع سيارات من الممكن ان تقودها فى فئتها

ومفيش اى وجه مقارنه بينها وبين اللى الكورولا اللى معايا اطلاقا والعربيه حققت مبيعات كويسه جدا وافضل 100 مره من اللانسر االشارك

ماهو حضرتك حكاية (المتفق عليه) و (المعروف) و (المشهور) هما اللي باعوا وش القفص بتاع التويوتا الجديدة و أطلقوا شائعة (أفضل 100مرة دي)

اصبرعليها كده و نشوفها السنة الجاية هاتبيع بكام بفتيسها المعجزة

**abo samra** · 22-08-2008 11:34 PM

التويوتا هتفضل تبيع طول عمرها اعلى مبيعات ودلوقتى الناس كلها بتشوف وتقرر وانا واحدة من اشد المعجبين بالفتيس دا وعيب قوى لما حد يقول نقارنها باللانسر او حتى ماذدا 3 انما مش عيب لو المقارنه بينها وبين الهوندا سيفيك او الاوكتافيا

**Ahmed Samy** · 23-08-2008 12:33 AM

المشاركة الأصلية كتبت بواسطة mandooo

التويوتا هتفضل تبيع طول عمرها اعلى مبيعات ودلوقتى الناس كلها بتشوف وتقرر وانا واحدة من اشد المعجبين بالفتيس دا وعيب قوى لما حد يقول نقارنها باللانسر او حتى ماذدا 3 انما مش عيب لو المقارنه بينها وبين الهوندا سيفيك او الاوكتافيا

طيب أرجوووووووووووووك فهمني

اشمعنى اللانسر و المازدا لا يقارنوا بالتويوتا ؟؟؟ مالهوومش نفس ؟؟ :)

ايه اللي فيها يخرجها من المنافسة معاهم أو ايه اللي فيهم يخرجهم من المنافسة معاها

و أرجو ان الرد يكون منصب على السيارة نفسها

**abo samra** · 23-08-2008 01:31 AM

حضرتك ممكن علشان تتاكد من كلامى تركبهم كلهم ومش تركبهم بس لا تجربهم بنفسك كمان وتشوف مين اللى هيعجبك اكتر
عفوا للواهمين بالماذدا 3 الماذدا 3 اعرف ناس كتير اتقلبوا بيها دا غير عيب مشهور فيها ان بعد فتره من شراء السياره هتلاقى الدريكسيون بيهتز لم تضرب فرامل
وبعدين اللى ياكد صدق كلامى عالميا الماذدا 3 لم نحقق النجاح التى حققته الكورولا او الهوندا سيفيك او الاوكتافيا مع انى افضل الكورولا لانها انعمهم والنعومه من اهم الاشياء التى يجب ان تتوافر فى السياره بالنسبه الى

**abo samra** · 23-08-2008 01:41 AM

بالنسبه لسؤال حضرتك الكورولا السياره الوحيده فيهم التى جمعت بين النعومه والثبات
الكورولا الوحيده فيهم معروفه انها معمره معمره
الكورولا الوحيده فيهم اللى دخلت موسوعه جينيس للارقام القياسيه فى المبيعات
الكورولا المعروفه دائما بانها الاعلى ثمنا عند اعادة البيع والدليل الماذدا 3 ايرو 2006 اتباعت قدام عينى بحالتها ب 95 الف جنيه
الكورولا تابعه للصانع اليابانى رقم واحد على العالم
.............عرفت حضرتك ليه الكورولا فيها ايه عنهم وعرفت
هما ليه ما لهمش نفس او نفسهم مسدوده
ليه

**Ahmed Samy** · 23-08-2008 03:17 AM

المشاركة الأصلية كتبت بواسطة mandooo

حضرتك ممكن علشان تتاكد من كلامى تركبهم كلهم ومش تركبهم بس لا تجربهم بنفسك كمان وتشوف مين اللى هيعجبك اكتر
عفوا للواهمين بالماذدا 3 الماذدا 3 اعرف ناس كتير اتقلبوا بيها دا غير عيب مشهور فيها ان بعد فتره من شراء السياره هتلاقى الدريكسيون بيهتز لم تضرب فرامل
وبعدين اللى ياكد صدق كلامى عالميا الماذدا 3 لم نحقق النجاح التى حققته الكورولا او الهوندا سيفيك او الاوكتافيا مع انى افضل الكورولا لانها انعمهم والنعومه من اهم الاشياء التى يجب ان تتوافر فى السياره بالنسبه الى

أنا بالفعل جربت التلاتة و بخاصة الكورولا و المازدا و الحقيقة لما جربت اللانسر استريحت أكثر بس مش دي النقطة

النقطة اني جربت التلاتة

المشاركة الأصلية كتبت بواسطة mandooo

بالنسبه لسؤال حضرتك الكورولا السياره الوحيده فيهم التى جمعت بين النعومه والثبات
الكورولا الوحيده فيهم معروفه انها معمره معمره
الكورولا الوحيده فيهم اللى دخلت موسوعه جينيس للارقام القياسيه فى المبيعات
الكورولا المعروفه دائما بانها الاعلى ثمنا عند اعادة البيع والدليل الماذدا 3 ايرو 2006 اتباعت قدام عينى بحالتها ب 95 الف جنيه
الكورولا تابعه للصانع اليابانى رقم واحد على العالم
.............عرفت حضرتك ليه الكورولا فيها ايه عنهم وعرفت
هما ليه ما لهمش نفس او نفسهم مسدوده
ليه

حضرتك لو قريت اللي أنا كتبته لأني كنت متوقع المشاركة دي حرفيا

المشاركة الأصلية كتبت بواسطة Ahmed Samy

و أرجو ان الرد يكون منصب على السيارة نفسها

فين السيارة من كلام حضرتك ؟؟؟

كل ما ذكرته هو ذكر الحسب و النسب للسيارة الكورولا 2008 الجنوب افريقية مع عدم التطرق لميزة السيارة نفسها أو عيب منافسيها أنفسهم

**ibizaman** · 24-08-2008 07:38 AM

الانسر احسن طبعا من التويوتا وعن تجربه لكل الموديلات يمكن العربيه التويوتا صحيح انعم بس بصراحه الانسر بتدينى كل الى انا محتاجه انا بعشقهاا

**blazer** · 24-08-2008 09:04 AM

مفيش حاجه اسمها احسن واوحش ب 100 مره
ممكن الفرق يكون 10%او 5%
التويوتا عبها الوحيد هو الفتيس بتاعها الm mt انما المانيوا تماما التمام
و مفيش اى عيوب ذكرت للمازدا او الشارك او السيفيك حتى الاان
ماعدا انخفاض خلوص المازدا والسيفيك عن الارض و ارتفاع اسعار قطع غيار الهوندا
ودا ميعبش اى عربيه فيهم لان اولا العيب فى طرقنا مش فى العريبه
و قطع غيار الهوندا معمره

**ashrafE51** · 04-10-2008 10:52 AM

المشاركة الأصلية كتبت بواسطة blazer

مفيش حاجه اسمها احسن واوحش ب 100 مره
ممكن الفرق يكون 10%او 5%
التويوتا عبها الوحيد هو الفتيس بتاعها الm mt انما المانيوا تماما التمام
و مفيش اى عيوب ذكرت للمازدا او الشارك او السيفيك حتى الاان
ماعدا انخفاض خلوص المازدا والسيفيك عن الارض و ارتفاع اسعار قطع غيار الهوندا
ودا ميعبش اى عربيه فيهم لان اولا العيب فى طرقنا مش فى العريبه
و قطع غيار الهوندا معمره

كلام الاستاذ mandooo صحيح - العربية الانسر الجديده من واقع اولا كلام واستخدام الناس انها عربية ليست بالجيدة - كنت بدور علي عربية جديدة لي ورحت شوفت النسر الجديدة ( سمكة القرش ) - شارك - ووجدت فلا هي قرش ( العملة المصري القديمة ) اولا سعر Ex هو 137000 وليس بها الا ايرباج واحده وكاسيت عادي - وامكانيتاها ليست بالكبيره علي سعرها ( السعر بناء علي السيط الغريب والمحظوظ لهذه الانسر ) الخامات الدخليه كما لاحظت سيئة جدا من البلاستيك الضعيف - لما سالت المندوب بالمعرض قال لي انهم بيوفرو في التكلفه - كلام غريب علي عربية بسعر 137000 - وداخل السيارة خامات الكراسي معقوله وليست الخامه لمقابلة هذا السعر - وعيره من الملاحظات
ام التويوتا - ابو فتيس جديد MMT الا الناس مستغربها - لقد سالت قبل ما اشتري السيارة تجارة سيارات عن هذه السيارة هل اختارها ام لا فقال لا العربية حقتت انتشار كبير وواسع
والفتيس ممريح جدا وومتاز وليس به عيب وهذه اشاعه من القروش - المهم السيارة بسعر 137900 - وهي زات 2 ايرباج وكاسيت سي دي وكافة الكمليات - الخامات المستخدمه من البلاسيتك افضل واقوي بكثير من الانسر ( القرش ) . والحمد لاحظ وانت بالشارع مدي انتشار السيارة عن السيارات الاخر . - العربية بعمل بيها كل حاجة من تساع وسحب ومشي من وضع البطء الي اي سرعة وايضا عمل المانورة حتي ولو علي مطل الكوبري ...

وهناك الكثير ولكن انتظر للوقت حتي يثبت صحة الكلام ....

الفتيس ليس بها اي شيء فهو رائع جدا - ... والحمد لله رب العالمين ___

**dr_bassem** · 05-10-2008 02:19 PM

بالنسبه لي يكفيني منظر الكرولا السيء جدا جدا جدا هيا ازواق طبعا بس اعتقد منظر الكرولا من ورا وحش اوي,و دي من الحاجات اللي خلتني مسألش اصلا علي امكنياتها او اتفرج عليها,و بعدين م احسن مثال عندنا الكرولا اللي قبلها و الانسر اللي قبل القرش,مين انتشر اكتر؟؟؟و حتي الكرولا اللي قبل دي مكنتش ثابته خالص استفدت انا ايه بعربية ناعمة و مش ثابته,و كمان كانت فقيرة جدا من جوه,و الجديدة دي اعتقد كل اللي بيشتريها عشان اسمها كرولا و هوه ده السوق المصري,عشان لما يجي يبعها ميخسرش فيها,بس اعتقد الكرولا دي هتكسر القاعدة دي:)