لو معاك فيات خش بسرررررررررعه

**Gelgel2004** · 23-08-2012 07:17 PM

السلام عليكم
معايا سيينا 1400
مخنوقه شويه بعد سرعه ال100
غيرت بوجيهات
سلك بوجيهات
فلاتر
طقم دبرياج
تنظيف المونو انجكشن
حساس الفريش اير
علبه الكتاليزر
فاضل الشكمان و حساس الكرنك
حد عنده فكره حساس الكرنك له علاقه خصوصا ان اللمبه بتاعه الانجكشن موش بتنور عندى
الف شكر

**Gelgel2004** · 23-08-2012 08:26 PM

المشاركة الأصلية كتبت بواسطة فيات كونترول

وعليكم السلام ورحمه الله
حساس الكرنك ملوش علاقه بالخنقه اللى بتتكلم عنها انتا مشكلتك بتتلخص اما فى طلمبه البنزين فيها ضعف او الرشاش وده هيبان مع الكشف

الف شكر يا باشا
على سرعه الرد
هاكشف يوم الاثنين و ربنا يسهل.

**magic girl** · 24-08-2012 12:21 AM

السلام عليكم..
انا معايا سيينا 1.4 موديل 2004
هيا عاملة 112 ألف كيلو تقريباً..
كنت عايزة أعرف ايه صيانة 110 الف اللى مفروض تتعمل عشان مكانتش معمولة لما جبتها؟
يعنى ايه يتغير و كده؟؟ و نوع زيت كويس لو هاغير زيت الفتيس..؟؟
و ألف شكر لتعب حضرتك..

**ahmadmidop** · 24-08-2012 01:47 AM

معايا فيات باليو 1.0 سي سي موديل 2006 برازيلي ... اولا السرعةالقصوى للعربية دي كام ! اقصى سرعة جبنها العربية 155 هل ده طبيعي وهل طبيعي ان بعد ال 110 -120 يبقى صوت الموتور عالى او واضح طبعا انا بقارن لو انا راكب مثلا الاوبترا وماشي 120 صوت الموتور مش بيبقى باين ولا ده عشان الموتور 1.0 و8 صباب !!
الاستفسار التاني العربية ساعات احسها فاااااااايقة جدا بسم الله ماشاء الله وساعات احسها مش فايقة وده غالبا بيحصل ده ممكن يكون مجرد احساس غلط مني مثلا لو مشيت فترة طويلة في الزحمة على الاول ودبرياج وفرامل كده بتعد كذا يوم وبتفوق مش عاارف هل ده ممكن يكون سبب ولا ممكن ده احساس غلط بالرغم اني مش شايف علاقة .... والف شكر وبالتوفيق

**misoalex** · 24-08-2012 04:45 AM

طب عندى استفسار هو ايه الحساس المسؤل عن رفع ال rpm فى السلانسيه عند تشغيل التكييف

عشان العربيه ال rpm بيعلى جامد جدا وبيهيس عند تشغيل التكييف وسعات لما ادوس بنزين واشيل رجلى ميحسش انى شيلت رجلى ويفضل فوووووق كأنى لسه دايس بنزين وصوت الموتور يفضل عالى جدا كأنى دايس بنزين
ولو طفيت مروحه التكييف يرجع تانى لوضعه الطبيعى والعربيه تتظبط

مع العلم ان مثلا لو هو معلق وثابت على 3 rpm وصوت الموتور طالع جامد وانا اديت العربيه الاول وجيت اطلع بالعربيه الاقيه نزل بسرعه للسلانسه والعربيه كركرت كأنى مش دايس بنزين خالص ولو دوست دبرياج تانى يرجع لل 3 زى مكان (طبعا كل ده ومروحه التكييف شغاله )
ومره وانا واقف لقيته طلع لل 3 ورجع تانى لوحده للسلانسيه طبعا صوت العربيه بيعلى ويوطى كأنى دايس بنزين بالظبط

فأنا شاكك ان فيه حساس بيدى اوامر غلط او فيه حاجه مش مظبوطه
نوع العربيه سيينا 1600
وانا لسه مكشفتش كمبيوتر بصراحه بس عاوز اعرف العيب ده لو مر على حضرتك ممكن يبقى فى ايه

**فيات كونترول** · 24-08-2012 01:53 PM

المشاركة الأصلية كتبت بواسطة naser rezk

السلام عليكم
والله يا اخي مشكور علي اهتمام حضرتك وربنا يجعله في مميزان حسناتك
انا لسة شاري عربية 128موديل 84من شهرين تقريبا ومن يومين وانا ماشي سمعت صوت جامد جدا وكأن الموتور بيترزع لحد ما بطلت العربية
اتصلت بالميانيكي جالي وقلي قي ركبة شاسه عايزة تتربط وربطهالي وبعدين سمعت نفس الصوت لما مشين من عنده راح قالي ان الشاسيه مفتوح واركبلك وردة وركبها فعلا من ورا الكوبلن وقالي يبقي تروح لسمكري
السؤال ايه علاج الشاسيه المفتوح
مع العلم ان وانا بظبط الزوايا بتاع الزوايا قلي ان العجلتين عايزين يتقدموا 3 سم ايه امثل طريقة
وانا اسف جدا جدا لاطالة

وعليكم السلام
احسن طريقه علشان تحل الموضوع ده وتريح دماغك انك تفك الماتور والعفشه وتروح لسمكرى يكون عندو مقاسات عربيه سليمه او شاطر فى مقاسات الشاسيه ويظبطلك عربيتك على نفس المقاسات

**فيات كونترول** · 24-08-2012 01:58 PM

المشاركة الأصلية كتبت بواسطة magic girl

السلام عليكم..
انا معايا سيينا 1.4 موديل 2004
هيا عاملة 112 ألف كيلو تقريباً..
كنت عايزة أعرف ايه صيانة 110 الف اللى مفروض تتعمل عشان مكانتش معمولة لما جبتها؟
يعنى ايه يتغير و كده؟؟ و نوع زيت كويس لو هاغير زيت الفتيس..؟؟
و ألف شكر لتعب حضرتك..

وعليكم السلام صيانه 110 اللى مفروض تعملها هى تغيير ( زيت _ فلتر زيت_ فلتر بنزين_ فلتر هوا) والكشف على التيل الامامى والخلفى .. وبما ان حضرتك لسه شارى العربيه فيفضل الكشف على سير الكاتينه والبوجيهات ... اما بخصوص نوع الزيت فيفضل شيل5000

**فيات كونترول** · 24-08-2012 02:04 PM

المشاركة الأصلية كتبت بواسطة ahmadmidop

معايا فيات باليو 1.0 سي سي موديل 2006 برازيلي ... اولا السرعةالقصوى للعربية دي كام ! اقصى سرعة جبنها العربية 155 هل ده طبيعي وهل طبيعي ان بعد ال 110 -120 يبقى صوت الموتور عالى او واضح طبعا انا بقارن لو انا راكب مثلا الاوبترا وماشي 120 صوت الموتور مش بيبقى باين ولا ده عشان الموتور 1.0 و8 صباب !!
الاستفسار التاني العربية ساعات احسها فاااااااايقة جدا بسم الله ماشاء الله وساعات احسها مش فايقة وده غالبا بيحصل ده ممكن يكون مجرد احساس غلط مني مثلا لو مشيت فترة طويلة في الزحمة على الاول ودبرياج وفرامل كده بتعد كذا يوم وبتفوق مش عاارف هل ده ممكن يكون سبب ولا ممكن ده احساس غلط بالرغم اني مش شايف علاقة .... والف شكر وبالتوفيق

السلام عليكم
لو عربيتك الف زى منتا كاتب يبقا 155 سرعه مناسبه بالنسبه لقوه الماتور بس اللى انا اعرفو ان الباليو البرازيلى 1.2 ولو بتاعتك 1.2 يبقا محتاج شويه تظبيط

الموضوع: لو معاك فيات خش بسرررررررررعه

LinkBack

أدوات الموضوع

عرض

ارجو الافاده -

-

-

-

-

المواضيع المتشابهه

اقوي جل قوته 260 حصان ويساوي 92400 رجل ادخل بسرررررررررعه

لو معاك i30

مطلوب بسرررررررررعه بونتو او اتوس

مطلوب بسرررررررررعه بونتو او اتوس

مطلوب بسرررررررررعه بونتو او اتوس

الكلمات الدلالية لهذا الموضوع

المفضلات

المفضلات

ضوابط المشاركة