لو معاك فيات خش بسرررررررررعه

**darch11** · 21-09-2012 02:20 PM

انا نفسي اسقط موتور في ال131 يكون الهورس باور بتاعه عالي؟؟

**peposupervisor** · 23-09-2012 04:52 PM

مشكلتي مش لاقي كرونة لل 132
ومعرفش سعرها كام
وهل من حل لصيانتها

**ehab77** · 09-10-2012 01:50 PM

ممكن اعرف قطع غيار فيات باليو برازيلى لانى مش لاقى جراب سلك الدبرياج عند الكيلانى ولا فى مركز العريش ولا فيات 2000
اجيبه منين؟؟
مع الشكر

**shiftcar** · 27-10-2012 10:42 PM

انا هموووت على كرونه لوك للفيات 132 ( كرونه لوك ) و من فين و بكام

**qubttan** · 28-10-2012 06:22 PM

عندى سيارة 131 موديل 82 من شهر كانت السيارة ساعات تبطل فقلت ممكن بيك السلانسيه مسدود روحت عملت اكس وباب ونظفته من بعدها لقيت العربيه بعد ما ابطلها تقعد ترجرج شويه الميكانيكى قالى ان الكهربا زياده وظبطها قعدت يومين ورجعت تعمل كدا تانى وبعد كدا كذا مره بعد ما ابطل العربيه وارجع ادورها تانى متدورش كل مره من دى فى الشارع اول مره ميكانيكى نظفلى الابلاتين ومشيت ومره تانيه واحد غير البوبينه ومره نالته سلك الاكسراتير ومره خامسه اشتغلت لوحدها بعد عشر دقايق وفى نفس التوقيت لمبة البطاريه فى التابلوه بتنور مع كل خفيف وبشكل متقطع وبتنور اوى فى المطبات ودوخت بين بتاع البطاريات لان البطاريه لسه فى الضمان واتا كدت ان البطارية سليمة وبين الكهربائى واكدلى ان العربيه مفيهاش ماس وبدات اشم رائحة بنزين تستمر ليومين بعد ما امون .واخر حاجه امبارح العربيه بتنتش جامد ولما هديت عند مطب العربيه بطلت ومرضيتش تدور الحمد لله كنت قربت من البيت زقتها لغاية البيت وبعد ربع ساعه دورتها فى مكانها دارت لكن ممشيتش بيها . كل الحاجات دى خلال شهر واحد قبل كدا كانت العربيه زى الفل وقربت اتجنن هل لو ربطنا الاحداث دى كلها نوصل للسبب

**salsl** · 03-11-2012 10:39 PM

المشاركة الأصلية كتبت بواسطة فيات كونترول

السلام عليكم ورحمه الله

لو عندك مشكله ومش عارف تحلها فى اى موديل

فيات اعرض مشكلتك معنا
وان شاء الله هتقلاقى حلها

السلام عليكم ورحمة الله
اولا متشكرين جدا على ذوقك ومساعداتك اللي بتحاول توفرها للناس
ثانيا عندي مشكله كده ظهرت من فتره قريبه العربيه سيينا 1400 العربيه بتعمل نتشه كده وهيا ماشيه على اي غيار زي تقطيع العربيه وهيا مش فيها بنزين كنت حطيت العربيه على الكمبيوتر وقالي (كتاوت طرمبة البنزين ) هوا نضفها ومشيت كويس بس رجعت تاني ممكن اجي ادورها عادي فى نص اليوم القيها مش بتدور اغيرلها بوجيه قديم تدور
ممكن تفدني ايه المشكله دي اغير الكتاوت دي وهيا اصلا موجوده
وشكرا

**meme77** · 07-11-2012 03:09 PM

السلام عليكم . تحيه طيبه لاعضاء نايل موتورز . كنت بستفسر عن ان كان في لسه عربيات فيات 126 معروض للبيع من خلالكم . وازاي اقدر احكم على حالتها .

**reallistic** · 12-11-2012 11:30 PM

أنا معايا بونتو 94
عندي عداد الآر بي إم مش شغال من ساعة ما اشتريت العربية مستعملة
و كان فيه سلكة كده جاية من لوحة العدادات و واصلة لتحت الكبوت
كان صاحب العربية قاللي أنها سلكة الآر بي إم بس مش عارف بتتوصل فين
المهم رحت مرة لكهربائي قام موصل السلكة دي في الموبينة و اشتغل الآر بي إم
بس الآر بي إم ماكنش مضبوط كان بيقرا قراية أقل من الحقيقي و كبيره يوصل لحد 3 أو 4
و الكهربائي قاللي القراية دي سببها من العداد نفسه و عاوز يتغير
قلت مش مشكلة أمشي بيه كده و بعد فترة كبيرة لاقيت الموتور عندي فيه بوجيه فصل
رحت للميكانيكي كشف عليها قاللي عندك نص موبينة مش شغال و قاللي إيه السلكة دي
حكيتله حكاية الكهربائي إللي وصلهالي علشان الآر بي إم قاللي أكيد هي دي إللي بوظت الموبينة
المهم غيّرت نص موبينة و فصلت السلكة و من ساعتها ماشي من غير آر بي إم

لو ممكن حد يفيدني السلكة دي المفروض بتتوصل فين
كنت رحت لكهربائي تاني قاللي بتتوصل للكنترول يونت
و قاللي هأيبقى يجيبلي السيرفيس مانيوال من عالنت علشان يوصلهالي
و من ساعتها ماروحلتوش
لو حد ممكن يعرف يجيبلي السيرفيس مانيوال إللي بيوضح توصيلات ضفيرة العربية دي أكون مشكور جداً
لأن من خلاله هأعرف أوصل السلكة دي فين و كمان أراجع على الضفيرة من أولها لأخرها