الموضوع: ده معناه ايه

المشاركة الأصلية كتبت بواسطة محمد أنور

الناس اللي شايفة ان دي حرية رأي .. معندناش مانع نقلب توقيعاتنا كلنا ضد شركة هيونداي بس احنا اكبر من كدة
احنا بنتكلم ان لما منسق قسم يكتب كدة في توقيعه الاعضاء العاديين اللي زينا يكتبوا ايه ؟؟

فعلا مع حضرتك حق لان منسق القسم يعتبر واجهة القسم والممثل ليه يعنى للاسف استخدامه للاسلوب ده بيخلى شكل باقى اعضاء القسم مش حلو ...اتمنى انه يراجع استخدامه للاسلوب ده...

المشاركة الأصلية كتبت بواسطة semsem kane

معلش ياباشا انا لية بس تعليق على الجملتين دول

اولا : معلش حضرتك مابتشوفش غير هوندا سيتى وهوندا سيفيك بس

طيب احب افكرك ان فية سيارات كتير هوندا اكورد ( ملاكى ) وخد بالك من ملاكى دية ومنها هيئات سياسية كتير وسياحة

دة غير ال cr-v , ولو حضرتك ركبتها هتعرف هية اية واوبشنها اية وعلى فكرة موجودة كتير مش قليل

يبقى انت كدة عندك السيارات 3/4 منها موجودة ( سيفيك - سيتى - اكورد - cr-v )

- بالنسبة بقى لهيونداى هو حضرتك بتشوف ال genesis اصلا ولو شوفتها هتلاقيها جمرك

والسوناتا 2011 من ساعة لما نزلت ماشوفتش منها غير عربية واحدة ملاكى والباقى كلة سياحة او جمرك بعكس الاكورد , هو فية حد عاقل هيشترى هيونداى ب400 الف جنية ؟؟؟؟؟ وقدامة bmw ,mercedes

السانتافى اللى بتشوفها موديل 99 ياباشا وقليل جدا موديل 2008-2009

يبقى كدة عندك فى السوق ( فيرنا - النترا - فوليستر وقليلة - جيتز اتوقف تصنيعها - i20 قليلة جدا فى السوق ومانجحتش اصلا - i10 عشان سعرها بس بردة مش انتشار سيارة ب65 الف جنية ابدا - i30 تكاد تكون معدومة واخرها موديل 2009 -2010

اكسيل اية ياباشا اللى انت جايبها دية موديل 98 ولو عايز كل ماهو هوندا

1- سيفيك من سنة 1972 الى 2012

2- سيتى من سنة 1994 الى 2012

3- اكورد من سنة 1979 لحد 2012

4- هوندا jazz

5- هوندا fit

6- prelued من موديل 1983 لحد 2001

7- هوندا hrv من 1999- 2006

8- هوندا crv من موديل 1995الى 2012

9 - هوندا انتيجرا 1986 لحد 2001

10- هوندا s2000 موديل 1999-2009

11- هوندا سيفيك Type r من موديل 1998 الى 2009 هاتشباك

12 - هوندا سيفيك SiR من موديل 1994- 2000

13- هوندا سيفيك concerto

كل دول ماشيين فى شوارع مصر وانت شوفتهم بس معدين من جنبك وانت ماتعرفش دول اية
متشكر جدا على ذوق حضرتك

- السيفيك 2012 مش عقيمة حضرتك جربها وامشى بيها وساعتها تعالى قول رأيك فيها لكن مش عشان شكل مش عاجبك هتحكم عليها

كل اللى بيقول السيفيك 2012 وحشة ماركبش العربية

بالنسبة لهوندا أكورد والله عمرى ما شفتها غير جمارك جايز يكون منها ملاكى بس مش كتير دى حتى ملهاش أعلان فى الجرايد يعنى من الآخر عربية غير رسمية وكله معترف بكدا
بالنسبة لسانتافى شتف أكتر من واحدة عندنا هنا فى المنيا شفت منها جمارك وشتف منها ملاكى
بالنسبة لإكسل عندك حق عربية قديمة مكنش ينفع أذكرها برغم إنى مقلتش عربيات تانية كتير لهيونداى منتشرة زى اللى حضرتك كملت وذكرتها
مش السى آر فى برضه اللى هى العربية suv ? أنا شفت منها واحدة فقط لا غير وقديمة كمان وكان شكلها برضه سخيف فى نفس سخافة التيريوس القديمة
شفت عندنا فى نفس يوم ما شفت ال سى آر فى سوناتا ملاكى حسيت إنها إلنترا بس على أضخم
شفت الجينسيس فى معرض هيونداى فى المنيا واقفة ومش معلقة نمر
بالنسبة لموضوع إن مفيش حد عاقل يدفع فى هيونداى 400 الف طيب متنساش إن بالمبلغ دا هتركب آه الفئة التالتة فى بى إم لو هتركب جينسيس بيقولوا محركها بيطلع 315 حصان مش قليلة برضه حتى لو كان المبلغ غالى العربية فيها شغل برضه إنما البى إم عربية كلاسيكية و موتور هادى ورفاهية وأمان أنا مش بقارنها بهيونداى لكن أنا بقول المبلغ دا برضه بتدفعه فى تكنولوجيا جديدة ولو أنا معايا المبلغ دا مش هدفعه فى هيونداى الصراحة وهختار البى إم وانا معترف بإن دا عيب فيا وفى ناس كتير زى ما تقول عقدة عند الناس متعرفش ولا إيه بالظبط
نيجى بقى للسعر بتاع السيفيك الجديدة لما شفتها من ورا راكنة عندنا فى الجامعة وصاحبها نازل يفتح المرايا بإيده قلت بس دى البيز لاين وأنا خارج من الجامعة قربت منها كما لو كانت عربيتى قلت أتفرج ع الطبيعة عادية جدا منبهرتش بل حصل لى اشمئذاذ منها طلعت برا لما شفت السيفيك القديمة ووقفت قدامها حسيت بإن شكلها أحسن بكتيييييييير ؟
والسعر كام 176 ألف فين القيمة يا باشا ؟؟؟؟ حضرتك ليه معلقتش على النقطة دى وإنى بالمبلغ دا ممكن اجيب فوكاس مثلا هاى لاين ؟؟ أحسن منها مليون مرة شكلا ومضمون كمحرك تقريبا الفورد 124 حصان مش عارف السيفيك كام بس معتقدش إنها عدت ال 122 ويمكن يكون أقل
ها قولى بقى يبقى حلال ولا حرام فيها الفلوس ؟
وأنا قلت برضه إن اللى بيشتريها غاوى هوندا مش عشان إمكانياتها
مش شرط أركب العربية عشان أحكم عليها أنا مينفعش أركب عربية بالسعر دا ويكون شكلها مش عاطفى خالص هى السيفيك دى تعتبر السيتى الجديدة أما السيفيك كما يجب أن تكون ما نزلتش مصر
وأنا بشوف عربيات كتير وبعرف أقرأ كويس أساميها ومش عيب إنى معرفش عربية معينة ومش شرط إنى أركب العربية عشان أقول رأيى خصوصا إنى قلت رأيى فى جزء محدود جدا وما اتكلمتش على ثبات ولا كمالياات ولا محرك عشان مركبتهاش ومش عايز أركبها إلا للتجربة فقط :)

ياريت أصحاب الهوندا يبصوا بصة هنا لأن فيه عربيات موديلات قديمة شوية بتبقى معرضة للسرقة
http://www.nilemotors.net/Nile/304749-10.html

محمد بيه العربيات دي مش هتشوفها في المنيا !! دول في القاهرة

وبعدين لما عربيات قديمة تتسرق أحسن ماتبقي عربية ٢٠١٢ ب ١٥٠ الف وتلاقي واحد بيدور وماشي وبيعملك باي باي !!

المشاركة الأصلية كتبت بواسطة mimmohonda

انا مش عارف ايه كميه الحقد على الهوندا والهونداويه .... وليه اصلا تقول كده .. وبعدين ياسيدى عاوز تمشى حافى براحتك بس الارض هاتلسعك ... ومعلش انا احس بكارثه فى حياتى لما انزل من هوندا واركب هيونضاااااى .. عيب فى حقى ... ربنا يهدى الناس وبرده متحاولوووش تقارنوا لعب الاطفال الى اسمها هيونضااى بالاتوموبيل الى اسمه الهوندا ... وربنا يهدى الجميع

احنا كمصريين بنحب نجري عالحاجة الرخيصة و في نفس الوقت بنحب الفشخرة و نكدب الكدبة و نصدقها .. انا احترم اللي يقولي انا امكانياتي اني اركب الهيونداي اشيله فوق دماغي و احترمه جدا .. لكن اللي يقولي الهيونداي دي احسن من التويوتا و الهوندا و النيسان و الميتسوبيشي .. بسيبه يتكلم زي ما هو عايز و ده اللي بنعمله كلنا فعلا .. لكن انها توصل بمنسق قسم باكمله انه يكتب انه لو مفيش غير الهوندا هيفضل يمشي حافي معلش يعني انت كدة بطريقة غير مباشرة بتخليني انا كمان كمالك لعربية هوندا اكره الهيونداي .. المفروض هو كمنسق لقسم يدعو الناس انها تحب قسمه و يحببهم في الهيونداي .. مش العكس !!
انا اللي حببني في الميتسوبيشي زمان استاذ فاضل اسمه مصراوي جدا .. راجل في قمة الاحترام و رحت اتعرفت عليه من كتر ما هو زوق و محترم جدا .. و اللي حببني في الهوندا الاستاذ سامح من كتر ما هو راجل زوق و خدوم و ان شاء الله اتعرف عليه و على باقي الاعضاء في اقرب مقابلة .. لكن انا اسف باسلوب توقيع العضو المحترم منسق قسم الهيونداي .. انا خلاص كرهت الماركة دي