الموضوع: ده معناه ايه

المشاركة الأصلية كتبت بواسطة se_coralsea

الأخوة الكرام / أعضاء نايل موتورز و قسم هوندا

أولا .. أعزي نفسي و أعزيكم في وفاة زميلنا و أخونا منسق قسم ميتسوبيشي ... الله يرحمه و يصبر أهله

حقيقي موضوعكم هذا لم أراه قبل اليوم و تغيير توقيعي ليس له علاقة به و لكن كان لوفاة أخونا منسق قسم ميتسوبيشي أبلغ الاثر في نفسي بالامس عندما علمت من محمد شنوري في أتصال خاص , و حقيقي وقتها كنت أمر بظروف عصيبة في العمل و أدركت حقيقة مهمة جدا كانت غائبة عني أو أنشغلت عنها بسبب ضغوط الفترة الاخيرة و هي أن عمر الانسان قصير جدا و الذي يبقي له هو عمله و ذكراه

صدقوني منذ الامس و أنا في حالة نفسية سيئة جدا و عندما دخلت المنتدي لمتابعة مواضيع قسم "هيونداي" كالعادة قررت فجأة تغيير التوقيع لأني شعرت بعدم الحاجة الي ترك اي اثر سئ في النفوس و بعدها خرجت من المنتدي لأنني لم أطق البقاء فيه

و اليوم دخلت مرة أخري لتغيير التوقيع ووضع الاية القرأنية نظرا لتأثري بالوضع الحالي و صادف ان رايت عنوان موضوعكم هذا

حقيقة اود أن أوضح أنني لم اقصد أبدا أن اوجه أي أهانة أو أذي لأي عضو من أعضاء هوندا المحترمين و لكن هذا لايخفي أن نقاشاتنا الفترة الاخيرة و التي كان بعضها خارج عن السياق و به الكثير من الاستفزاز دفعني الي كره شديد لهذا النوع من السيارات و لكن ليس لمالكيها مما دفعني للتعبير عن هذا الرأي في توقيعي السابق الذي رفعته بالامس من ذاكرتي قبل أن ارفعه من المنتدي

و هنا أتقدم لكم جميعا بأالاعتذار أذا ماكان هذا التوقيع قد سبب لكم اي أذي من أي نوع و أتوجه اليكم جميعا بدعوة صادقة للتصالح و التسامح و أن نتعاهد علي عهد جديد من الصداقة و التعاون من أجل تقدم و رقي "نايل موتورز" و ان ننبذ التعصب و التحزب و الانقسام علي اساس موديل للسيارة التي يحبها كل فريق فالسيارات و الدنيا كلها زائلة و لن يبقي الأ الذكري الحسنة لكل منا

اولا احنا عندنا مبدأ ان الخلاف الشديد في العربيات لا يفسد للود قضيه يعني لو فرضنا مثلا مقابله حصلت دلوقت ما بين علام و ايهاب مع اشرف و مودي من هيونداي هل مثلا هنلقى الكراسي طايره بالعكس طبعا هتلقى القعده كلها موده وضحك و قفشات
انا طبعا متأكد انك مش قصدك ان الموضوع شخصي عشان عارف اخلاق حضرتك بس الخوف ان حد كان يفهم غير كده و الموضوع يقلب عداوه بجد و ملهاش لزمه هو انا استغربت عشان انت كنت دايما كنت بتمثل صوت العقل لما بيحصل استفزاز بين الطرفين فحتة التوقيع منك بالذات صدمتني يلا حصل خير و اساسا احنا اخوات و مفيش بينا اعتذارات
بالمناسبه بفكر في توقيع ليا اكتب فيه لو لم اكن هنداويا لوددت ان اكون هنداويا ههههه

المشاركة الأصلية كتبت بواسطة muhamedtareq

ميصحش الصراحه ان منسق يقول كده مش اسلوب للنقاش و بعدين ياريت بيتكلم فحاجه صح ده عايز يقارن الهيونداي بالهوندا يعني سماء و أرض و بص انا بقترح اننا نعمل مقابله بين القسمين و نخلص الكلام في الموضوع والي يقولك انا مكنتي تحوط قولو الطريق يجمع و المقارنه تبقي قدام الناس عشان انا كل لما حد يقارن الهيونداي بل هوندا بيجنني

واللهِ يا باشا ماحد يعرف يقول كلمه زي دي علشان هو عارف عربيته....جري مين يا باشا اللي بتتكلم عليه ...... طب أنا اقولك حاجة وبقولها على الملأ ...أنا اسمي محمد علام ومعايه هوندا si 94 بلدي على ابوها ولا معدل ولا منيل حاجة فيها ...وللي شايف نفسه باي عربية هونضاي يوريني نفسه طريق مفتوح بقى أو حتى طريق ضيق بغرز .. يا باشا دي هونضاي ودي هوندا ...فرق بين السما والأرض....اخر ردهم علينا ...إن الهيونداي فيها بلوتوث والهوندا مفيهاش ....هاهاهاها ..والله العظيم حاجة تكسف

المشاركة الأصلية كتبت بواسطة arabmarket

استاذ هانى :


ياعم ده احنا فى اسكندريه لما الهونداويه بنشوف بعض فى السكه ولو منعرفش بعض تلاقى كلكسات تحيه كانك بتقوله مسا مسا يا هونداوى يرد عليك ويقولك مساء الفل يا ابن عمى



هونداوى وافتخر

يا باشا أنا رحت اسكندرية الوقفة والعيد ودخلت اسكندرية الساعة 3.5 الفجر والمتعة وكل المتعة لما بجري في الكورنيش الوقت ده ...وحظي إني لقيت عربيتين 94 زي معايا على السكة ...طبيعي جدا زي كل الهنداويه لما بيشوفوا بعض ...كلاكسات بحبك بحبك ومشينا مع بعض ...وابتديت أجري وهما معايه.....ومش عايز اقولك ماحدش ردي يطلع من التاني كل مطلع منهم اهدي وهما كل مايعدوا مني يهدوا وده طبع الهنداويه وعملناه شو حلو جدا وبالذات لما يبقوا التلات عربيات سيلفر لون واحد ...هو ده الكلام وهي دي الروح

المشاركة الأصلية كتبت بواسطة محمد-علام

واللهِ يا باشا ماحد يعرف يقول كلمه زي دي علشان هو عارف إن لو حد قال منهم كلمة زي دي حينزل يتف على عربيته....جري مين يا باشا اللي بتتكلم عليه ...... طب أنا اقولك حاجة وبقولها على الملأ ...أنا اسمي محمد علام ومعايه هوندا si 94 بلدي على ابوها ولا معدل ولا منيل حاجة فيها ...وللي شايف نفسه باي عربية هونضاي يوريني نفسه طريق مفتوح بقى أو حتى طريق ضيق بغرز .. يا باشا دي هونضاي ودي هوندا ...فرق بين السما والأرض....اخر ردهم علينا ...إن الهيونداي فيها بلوتوث والهوندا مفيهاش ....هاهاهاها ..والله العظيم حاجة تكسف

ياعم انت جاي بعد الهنا بسنه و الراجل خلص الموضوع خلاص
بس و النبي كنت عايز اعرف الفرق بين الهوندا البلدي و الهوندا المزارع