تأثير دوارة العربية وهى دايرة على المارش

**sab3aawy** · 03-07-2008 12:33 PM

انا بعمل حاجة الطف من كدة ودى اتعودت عليها بسبب كتر ركوب الفيات

انا لما بكون ناوى ادور العربية لازم احاول اطفيها الأول، يعنى برجع المفتاح لورا الاول كأنى هاطفى العربية وبعدين ادور، والسبب فى العادة دى هى عربيات الفيات لأنه مش بتسمح بالدوارة والعربية دايرة (مرة start واحدة فقط لكل مرة يصل فيها المفتاح من الوضع off الى الوضع onوبعد كدة الكونتاكت يعمل lockعلى الstart) وبكدة بضمن دايما ان لو المحرك داير هينطفى الأول قب ما احاول ادور

**mohamedway** · 03-07-2008 02:31 PM

لو ترس المارش اتكسر او سنه من ترس الفلام العربيه مش هتدور من اول مره الا نادرا وهتسمع صوت المارش كانه موتور كهربه بيلف بسرعه على الفاضى ولازم تقفل و تلقط كذا مره لحد ما تلقط فى مره منهم و ساعات ممكن تحتاج تعشق العربيه و تديها زقه صغيره عشان الموتور يلف و الجزء اللى فيه السنه المكسوره يبقى بعيد عن الجزء المعشق بين ترس المارش و ترس الفلام.(من الاخر هتتضايق قوى لو اتاكل او اتكسر فياريت ناخد بالنا كويس)

**mmolazem** · 03-07-2008 03:16 PM

المشاركة الأصلية كتبت بواسطة FLYINGPEUGEOT

وفى كمان انواع مارشات..بتعمل لوك لترس البندكس اول ماالعربيه تدور ودى أأمن طبعا

لو ممكن حضرتك توضح الأنواع دى ... من فضلك ....

مع جزيل الشكر

**momo44** · 04-07-2008 07:42 PM

انا متعود والعربية واقفة بشد الهاند فلو العربية دايرة لمبة الهاند بتكون منورة ودى بتكون واضحة عن موؤشر الحرارة وال ار بى ام

**aif** · 04-07-2008 07:50 PM

الشاهين كانت مش بتدور وهي دايرة ... لازم تطفي وتدور من جديد ...وكذلك الريجاتا فكانت غير معرضة للمشكلة دي
غريبة فعلا ان الموضوع ده في الفيات من اكتر من 20 سنة ... ومش موجود في السيارات الحديثة ؟؟؟