اشتريت الميجان بعد طول انتظار

**sameh295** · 28-08-2012 01:59 PM

انا جبت الميجان 2 2008 بعد طول انتظار
احب اعرف نصايحكوا فى الصيانة و اعمل اية فى التوكيل و اية برة ولو برة عند مين.

**تامر.محمد** · 28-08-2012 02:15 PM

الف مبروك :)

يا ريت تعرفنا هي انهي فئة و عاملة كام كيلو و وقفت عليك بكام :)

بالنسبة للصيانة
يا ريت تحاول تعرف العربية بتعمل صياناتها ولا لأ , و في التوكيل ولا برة التوكيل
لأنك لو مش عارف خالص ممكن تضطر تعمل لها طقم صيانة و بيكلف جامد

بالنسبة للي هاتعمله
انا عن نفسي لحد دلوقت باعمل صياناتي في التوكيل (عربيتي 35000 كيلو) , و فيه ناس هنا عملوها برة بس انا شايف في التوكيل افضل
بالنسبة للتصليح , في رأيي اختيار التوكيل شبه غير متاج لأن قطع الغيار هناك نار نار نار بمعنى الكلمة

مش هاقدر ادلك على ميكانيكي او كهربائي برة لأني لسه ما اتعاملتش مع حد , لكن الزملا هايدلوك
بالنسبة لقطع الغيار فموجودة استيراد في صقر قريش و اسعارها احسن من التوكيل بكتير

**MohammedAladel** · 28-08-2012 04:32 PM

ألف مبروك بالفعل هى عربية فوق فوق الممتازة

**sherif-harb** · 28-08-2012 04:38 PM

الف مبروك وربنا يباركلك فيها هى عربية ممتازة بس لو حالتها كويسة
هى عاملة كام كيلو وصيانة اية انت محتاجها

**wael2sh** · 28-08-2012 04:44 PM

1000 مبروك على العربية وإنشاء الله تعجبك
عرفنا الاول حالة العربية وعاملة كام كيلو علشان نقلك الصيانة الجاية امتى ,,بالنسبة لتصليح و الصيانة يا توكيل يا صقر قريش يا حرفيين أو عند حد متخصص رينو و في بعض المواضيع كاتبنها الأعضاء هنا هتفيدك كتير فيها أرقام تليفونات و أماكن التصليح
و ممكن تسأل عن أي حاجة والأعضاء ناس محترمين جدا وبيساعدوا بعض دايما,,,,,مبروك العربية ويا ريت تقولنا جبتها بكام علشان نعرف اسعارها في السوق وحالتها ولونها وأي بيانات عنها ...... مبروك

**وائل مختار** · 29-08-2012 01:08 AM

مبروك يا باشا على العربيه عربيه ممتازه للى عارفه وركبها بالنسبه لى انا بعمل صيانتى على طول فى صقر قريش وكل قطع الغيار هناك متوفره وباسعار مناسبه ،، ومتقلقش اسعار قطع الغياره عاديه جدا ومش مغالى فيها خالص

**sameh295** · 29-08-2012 09:16 AM

Megane 2 High line without sun roof
88000km
اخر صيانة فى التوكيل كانت 50000 ان شاء اللة هاروح اعمل صيانة ال60000 يوم السبت القادم علشان عارف انة مهمة جدا وكان عندى كام سؤال
1- اية الى بيتعمل بالتفصيل فى صيانة ال 60000 وبكام
2- اجيب منين غطاء البطارية والموتور وبكام
3- احسن مكان اجيب منو شريط ال اير باج و بكام علشان فى التوكيل ب 1380

وشكرا

**MohammedAladel** · 29-08-2012 09:49 AM

المشاركة الأصلية كتبت بواسطة sameh295

Megane 2 High line without sun roof
88000km
اخر صيانة فى التوكيل كانت 50000 ان شاء الله هاروح اعمل صيانة ال60000 يوم السبت القادم علشان عارف انة مهمة جدا وكان عندى كام سؤال
1- اية الى بيتعمل بالتفصيل فى صيانة ال 60000 وبكام
2- اجيب منين غطاء البطارية والموتور وبكام
3- احسن مكان اجيب منو شريط ال اير باج و بكام علشان فى التوكيل ب 1380

وشكرا

على حد علمى
تغيير زيت وفلتر زيت وأويل سى
تغيير فلتر هواء
تغيير سير الكاتينة بالمجموعة بتاعته وسير الدينامو كمان

فلتر بنزين
بوجيهات
زيت فرامل
ماء تبريد
طبعا كل حاجةليها سعرها مضاف إليه 10 % ضريبة غير أجور العمالة شوف هنا موقع رينو مصر وفيه فى المنتدى هنا صفحة خالد عمارة عامل خصم كويس على الصيانات هو معتمد من التووكيل نفسه
Service Prices

شريط الإيرباج سعره أستيراد فى حدود 850 جنيه جديد كلم 16202 وقولهم على الموديل هيقولولك سعره كام