تقريري المتواضع لمعشوقتي Opel Astra cosmo 2012

**dede_dodo88** · 09-09-2012 12:09 AM

المشاركة الأصلية كتبت بواسطة z100100

بس انا كان عندي امل ان الموضوع ده يتحسن بعد الصيانه بس واضح ان ده عيب فيها

أنا لسة عامل صيانة الـ15 مفيش أسبوع و حاسس بفرق ملحوظ جداً في الموضوع ده على الرغم أن كل اللي غيرته كان فلتر التكييف..

**Z100100** · 09-09-2012 12:29 AM

المشاركة الأصلية كتبت بواسطة dede_dodo88

أنا لسة عامل صيانة الـ15 مفيش أسبوع و حاسس بفرق ملحوظ جداً في الموضوع ده على الرغم أن كل اللي غيرته كان فلتر التكييف..

ربنا يطمنك
بس يا تري اسعار الصيانات و قطع الغيار ايه
و رحت اي فرع للصيانه

**dede_dodo88** · 09-09-2012 12:48 AM

المشاركة الأصلية كتبت بواسطة z100100

ربنا يطمنك
بس يا تري اسعار الصيانات و قطع الغيار ايه
و رحت اي فرع للصيانه

أنا بروح منصور اللي في التجمع الخامس..
و الأسعار عادية مش غالية خالص..

**Z100100** · 09-09-2012 01:31 AM

المشاركة الأصلية كتبت بواسطة dede_dodo88

أنا بروح منصور اللي في التجمع الخامس..
و الأسعار عادية مش غالية خالص..

شكرا علي الرد
بس سؤال تاني من فضلك
لما كنت انت هناك كنت انت الوحيد الاسترا اللي هناك و لا كان في كتيير
اصلي عايزه اروح واحد ايده فيها مش لسه هيعد يجرب فيها
لاني كنت بفكر اروح اللي علي طريق طنطا القاهره بس كل ما اسافر الاقي كل اللي واقف شيفروليه فخفت منه

**dede_dodo88** · 09-09-2012 01:43 AM

المشاركة الأصلية كتبت بواسطة Z100100

شكرا علي الرد
بس سؤال تاني من فضلك
لما كنت انت هناك كنت انت الوحيد الاسترا اللي هناك و لا كان في كتيير
اصلي عايزه اروح واحد ايده فيها مش لسه هيعد يجرب فيها
لاني كنت بفكر اروح اللي علي طريق طنطا القاهره بس كل ما اسافر الاقي كل اللي واقف شيفروليه فخفت منه

صعب أوي تروحي مركز صيانة تلاقيها هناك.. أظن لو حصلت هتبقى صدفة بحتة و لو حصلتلي أنا شخصياً هروح أتصاحب على اللي معاه العربية التانية lol
أنا كده عملت 3 صيانات, مرتين في التجمع و مرة في مركز معتمد ناحية مصطفى النحاس في مدينة نصر, و رحت مرة غيرت فانوس في منصور الطيران.. و في الأربع مرات كنت أنا الأسترا الوحيد اللي واقف و طبعاً الباقي كان شيفروليه..

**amr_2010** · 09-09-2012 02:00 AM

الف مبروك وربنا يباركلك فيها

**Z100100** · 09-09-2012 03:26 AM

المشاركة الأصلية كتبت بواسطة formulator

هو أكيد هتتحسن، العربية برضه لسه جديدة..

العربية كـoverall pkg على بعضها.. رااااااااااااائعة طبعا؛ هاندلينج وتحكم وثبات وfun-to-drive زى كل عربيات أوبل
يمكن بس حضرتك لما تاخدى عليها شوية.. هتعرفى تجريها إزاى،
- هى دى مشكلة معظم الأوروبى عموما- الألمانى تحديدا فـ مصر: وزن ثقيل + مواتير صغيرة = power-to-weight ratio قليلة.

بس للحقيقة: انتى مش محتاجة أكثر من كده هنا..؟!!

لو إتعاملتى مع الفتيس وفهمتيه: هتعرفى تطلعى كل الباور بتاع الموتور عـ العجل:
- الرينج بتاع الـrpm اللى فيه peak العزم
- أنهى نقلة gear-ratio اللى بتسحب كويس فـ كل رينج.. الـlow-to-mid والـhigh
- ركبى دى على دى (الـrpm مع النقلة الصح) >>> هتجريها

وفيه حاجات بتيجى مع الوقت والتعود: الـthrottle-input أو الكيككاية اللى تسقط نقلة، ولا اللى تسقط نقلتين؟!! ومن على سرعة كام وعلى أى جير؟؟!! كده

والموتور ده أصلا جامد، لو ركبتى أسترا H أو فكترا C بنفس الموتور 1.6 Eco-TEC 115hp.. هو جاااااااااااااااااامد جدا بالذات فوق
(بس طبعا كانت عربيات أخف وزنا + فتيسات Easytronic أو مانيوال)؟!!

والفتيس طبعا مالهوش علاقة بالـDSG، أحب أقولك أوبل عدت المرحلة دى من زمان مع الإيزيترونيك.. هههههههههههه
ويمكن ده سبب أساسى اللى خلاهم يرجعوا للفتيسات الأوتو (زى الفكترا A-B)..
خاصة برا أوروبا، لأن المستهلك الأوروبى متعود عـ الفتيسات الـAMT زى الإيزيترونيك والـDSG

Rgds،

بجد ما شاء الله عليك أستاذ و رئيس قسم

انت فعلا موسوعه في المنتدي

thanks prof and many more to come

**Kareem.ElAraby** · 10-09-2012 12:27 AM

المشاركة الأصلية كتبت بواسطة tananybasha

تصدق بالله
لا اله الا الله محمد رسول الله
من كتر المعلومات اللى رصها فى موضوعين
الواحد حس انه اول مره يسمع عن العربيات
مش كده بردو, طب الحمد لله مش انا لوحدي اللي عندي الاحساس ده, انا بأحب العربيات جدا و زمان كنت بأجيب المجلات و أقر و أشوف ال Tuning و لكن الراجل بيحسسني انني كنت عمال أقرأ في ميكي (ما شاء الله اللهم لا حسد)
ربنا يزيده علم
اللهم أمين و ينتفع بيه و ينفع الناس بيه
و يجى كريمم يا عم
يشرف
دة المنتدى بتاعه برضوا
زى بيته
هو اه
احنا احتليناه
بس برضوا صاحب بيت
يجى زيارة
و يشجب و يستنكر
و ياخد واجبه
أخاف نتوقف فيها ديها مش عارف ليه
و نكمل احنا الأحتلال بتاعنا

**Formulator** · 10-09-2012 03:33 AM

ياباشا العفو ولا معلومات ولا حاجة، إحنا بنتعلم
انتو عارفين العربيات هواية-غواية.. وفـ الآخر إدمااااااااااان!! ههههههههههههههههه

- هو بس مش إطلاع ومتابعة، قد ماهو الواحد بيتعلمه فـ الـStreet (والورش والتوكيلات والتبويظ والتصليح)..!! lol
وحظك بقى لو حد فـ عيلتك، جيرانك وأصحابك MotorHeads أو مهووسين عربيات.. هتعرف كتييييييييييير

وللأسف المنتديات بتبقى community صغيرة أوى مقارنة بالـexpertise اللى فـ الشارع؟!!
ياعم دانا أعرف ناس.. فاااااااااااااااجرة، بس ممكن مايكونش ليهم فـ الـforums أساسا

ومش لازم يبقوا مهندسين أو فنيين.. عادى، بس غاوى يتيون عربيات مثلا أو خبط كتير فـ كذا عربية لحد ما اتفرمت.. وكده.

@ Kareem.ElAraby

وانت تعرف عنى يا برنس انى بعتق أى عربية كورى أو يابانى فيها مشكلة؟؟!!! lol
تويوتا بقى ولا ليكزس.. اللى خايف يروح!! ههههههههههههههه

يعنى تخيل لو عربية آسيوى جت قدامى (فـ مقارنة- تجربة شد مثلا).. هسيبها من غير تريقة كده؟!!
لازم حته صاج كرتون على عفشة فستك على فرامل عيانة وثبات بخخخخخخخخخ

أهااااااااااااااااااهاهاه ا هههههههههههههههههههه

- وبعدين كريم يوقفنا لو قلنا تكييف الكورولا وحش مثلا (كده يبقى إحنا بنضلل الأعضاء وبنقول معلومات غلط على صفحات المنتدى)
لكن لما نقول الكورولا عوامة-مرجيحة.. عادى الراجل fair وممكن يعمل like للمشاركة كمان!! هههههههههههههههه

خد عندك بقى الحتة دى - وإحنا بنتكلم عـ الفتيسات الديوال-كلتش والـAMT:

هما الجماعة اليابانيين دول مش هيفكوهم بقى من الـCVT الفاشل ده؟؟!!! هههههههههههه
شوف إحنا بنقول الشركات الأوروبى بتعمل أيـــــــــــه؟؟ و DSG و TCT وكلاتشات وآخر 3-4 حاجات..!!

ودول ياعم بيقولك النيسان عملت جيل جديد X-tronic، والسيفيك هتغير من الـtorque-converter لـCVT.. وحتى الإمبريزا الجامدة برضه CVT

ياجدعان حد يقولهم الـCVT ده فتيس عجلة مش بتاع أدااااااااااء،
ويقولهم ان فيه بشر عايشين فـ قارة blue سابقينهم فـ المواتير (أوعى التربو) والفتيسات بـ بتاع 10-15 سنة!!
هههههههههههههههههههههه

ومش هتكلم تانى عـ الـMMT عشان حطينا عـ التويوتا كتير النهاردة؟!! هههههههههههههه
(اللى مش قد التكنولوجى مايعملهاش) أوهووووووووههههههههههه

سلام بقى عشان ممكن نتوقف

الموضوع: تقريري المتواضع لمعشوقتي Opel Astra cosmo 2012

LinkBack

أدوات الموضوع

عرض

-

-

-

-

-

المواضيع المتشابهه

Opel Astra 2008 VS Gen2 2012

golf 6 vs. Opel Astra Cosmo 1.6

تقريري المتواضع عن استلام تيدا هاتش باك 2012

Opel Astra GTC 2012...

ممكن مساعده تانية ford focus , seat leon . or opel astra ?? 2012

الكلمات الدلالية لهذا الموضوع

المفضلات

المفضلات

ضوابط المشاركة