الموضوع: الله يرحمه, لم يهتم بوسائل الامان. ليته امتلك نيسان

المشاركة الأصلية كتبت بواسطة gebreel

البقاء لله و ان شاء الله ربنا يدخلوا فسيح جناته و يبدل سيئاته حسنات

و اتفق معاك في كل كلمة قلتها و بفكر ازاي نخلي الحكومة تجبر الوكلاء اللي بيستهبلوا في اسعار عربياتهم و بيدخلوها من غير وسائل الامان انهم يستوردوا العربيات بيها
ليه ميبقاش عندنا هيئة زي الeuroncap تحدد انهي عربية تدخل و انهي لأ؟؟

عشان كدة الاسعار هتغلى اوي وهيضطروا يشيلوا الجمارك عشان يظبطوا الاسعار ، بجانب البيزنس مع الوكلاء

المشاركة الأصلية كتبت بواسطة usama nagi

معلشي حضرتك ما وضحتش ايه ظروف اللي تسببت في وفاته و ايه اللي كانت ممكن تعمله الوسادة الهوائيه
علي ما اظن لو كان رابط الحزام هيقلل من الصدمه اكتر بكتير من الوسادة الهوائية

و اشمعني نيسان اللي بتنصح بشراها ما ممكن اي حد يختار اللي عايزه و يقرص علي نفسه و يجيب اي عربية بوسادة هوائية
و برضوا ناس ماتت في حوادث عربيات و عربياتهم فيها كل انظمة الحماية

انا طبعا بعزيك في وفاة عمك و ربنا يغفر له و يرحمه
و اتمني انك ما تربطشي دا بقصة الأمان لأننا مهما عملنا مش هنقدر نبعد عن القدر
اللي بنعمله اننا بناخد بالأسباب و نتوكل علي الله

يا باشا ارجو ان الناس تقراء كلامى كويس و بالكامل قبل ما ترد
انا قلت نيسان او حتى اى شىء اخر المهم يكون فيه عوامل امان
و قلت اللى معاه ما يستخسرش
و انا من محبى نيسان و نحن هنا فى منتدى نيسان
و سيارات نيسان كلها بوسائد هوائية للسائق و اسعارها جيدة بالنسبة لجودتها و قيمتها
فطبيعى انى ارشها
و اللى عايز حاجة تانية يجيب
الفكرة الاهم مش انه يشترى نيسان ( مالها البى ام ولا المرسيدس ولا الفولكس ولا اوبل انا اصلنا من عشاق الالمانى و ارى انه من افضل صناع السيارات على مستوى العالم و ان لم يكن الافضل)
لكن الفكرة انه يشترى سيارة بوسائل امان و نيسان هنا هى مثال ممكن يكون فى متناول اليد

ثانيا انا قلت كذااااا مرة انه قدر و انتا تعمل اللى عليك و تاخد بالاسباب

المشاركة الأصلية كتبت بواسطة opelawy

الله يرحمه و يجعل مثواه الجنة ان شاء الله

الراجل بيقول يا ريت اللي هيشتري يحط في حسابه وسائل الامان و بلاش الشكل و لا البلوتوث ولا ايه
قصده متقلش علي اد الايد
بيقولك نيسان بتعملك عربية علي اد الايد و فيها اير باجز و ايه بي اس و كده

و مش شرط نيسان بس اداها كمثال لعربية رخيصة ( نوعا ما بالنسبة للي في السوق ) و فيها و سائل امان

انا فعلا و انا بشتري عربيتي كنت حاططها في بالي علي الاقل 2 اير باج و اي بي اس

بالظبط كده هو ده اللى عايز اقوله

المشاركة الأصلية كتبت بواسطة romar

رحمه الله وغفر له.
محتاج بس أقول لك أن الله لم يقل "وجعلنا لكل شىء سبب".. دي مش آية في القرآن أصلا... ديننا يأمرنا بالأخذ بالأسباب مع التوكل على الله وعدم التواكل عليه... لكن هذا لا يعني أن الله "جعل لكل شيء سبب"... فغاية ما نعلم عن الله سبحانه وتعالى في هذا الأمر أنه إذا أراد شيئا فإنما يقول له كن فيكون... وهو جلَّ وعلا لا يسأل عما يفعل وهم يسألون.. ولم يكتب على نفسه سبحانه أن يجعل لكل شيء سببا.
أما بخصوص الإيرباج، فهي جزء من الأسباب التي أُمرنا بالأخذ بها إن توفرت لنا الإمكانيات.. ومع ذلك فلا يعني هذا أن قريبك لم يكن ليموت لو كان اشترى سيارة نيسان... قال تعالى في كتابه: فإذا جاء أجلهم لا يستأخرون ساعة ولا يستقدمون..... وطبعا لا يعني هذا أن الإيرباج يجب أن تكون في سيارة نيسان

اشكرك على الايضاح و التصحيح
و الاصل في قوله تعالى "آتيناه من كل شيء سببا"
و طبعا ده اجل ما هو ممكن يكون فيها اير باج و ما تفتحش
او تقفتح و بردك يموت "فإذا جاء أجلهم لا يستأخرون ساعة ولا يستقدمون"
لكن مش معنى ده اننا نستهون

المشاركة الأصلية كتبت بواسطة crayvor

طب ماتركبش العربية خالص واركب المترو أو الاتوبيس عشان أأمن.. ولو ركبت العربية تبقي مقصر لأن انت اللي اخترت حاجة أقل أمان!!!
الأخذ بالأسباب يبقي في الحاجة اللي انت جبتها وبالقدر المعقول.. يعني مثلا لو حد مركب حزام أمان كويس ولابسه أساسا دماغه مش حاتلمس الايرباج الا لو لامؤاخذة رقبته اتكسرت!!
بلاش بقي نلبس الناس ذنوب وكمان شوية حانكفرهم عشان ماجابوش النيسان صني!! واحد ومش عاجبه الشكل الداخلي وانا باعتبر خامات التابلوه بتاعها من جوة "مقززة" وأتحدي أي حد يقولي ان تقفيلها درجة أولي ولا حتي تانية!! حاجيبها وتفضل مرازياني كام سنة عشان الأخذ بالأسباب!!!

سبحان الله.

انا ما لبستش حد زنوب
و مكفرتش حد
و لم افرض شىء على احد
و لم اقل ان نيسان هى الافضل
و لو سمحت ما تقولش على لسانى كلام لم اقوله خليك صادق
لو عندك كلمة طيبة قولها ده بد ما تعزينى؟؟؟؟