الموضوع: الله يرحمه, لم يهتم بوسائل الامان. ليته امتلك نيسان

المشاركة الأصلية كتبت بواسطة s o p h o s

الله يرحمه
وكلامك صح اذا توفر الفلوس لشراء عربية بوسائل امان
وعدم اختيار عربية بدون وسائل امان مع توفر الفلوس ..

انا دايما واخد الوسادة معايا حطيتها بينى وبين الدركسيون
الوسادة-تصيب بالاختناق وتشويه الوجه عند الانفجار وممكن التسمم ايضا من المواد المنفجرة
الحزام-يصيب بتكسير الضلوع والقلب يتفعص ويبقه جميل

العربيه شاسيه قوى-جسم الانسان ياخد الصدمه كلهاويسافر للاخرة
العربيه شاسيه ضعيف -الواحد يتفعص فيها ويبقه بسطرمه ويطلعوة بالجاروف حتت حتت قول سجق
كل وسائل الامان تعمل-الواحد يلاقى عربيه نقل جايه من وراة تعدى عليه وتعمله مفرش وتكمل فى طريقها
طب الواد ابن خالى
كان راكب لادا بتاع الشغل واتقلب 120 على ومتخدش----وسائل امان فين
كان ركب هيونداى اكسنت واتقلب خمسين قلبه وطلع سليم ------فينها الوسائل
كان راكب عربيتى وجابها نصين وطلع سليم بس الصراحه صبعه اتعور وهوة بيطلع من العربيه--انا مغير نص مافيش حد يفكر يشترى عربيتى
كان راكب فورد فوكس ولبس فى عامود وللاسف الايرباج اتفتح وجع وشه واتضايق جدا وجبناه استيراد وقتها 1500 جنيه
اهم حاجه قبل الصدمه انك تكون عارف انك بتصطدم -اصل انا جربت الاحساس دة على سرعه 90 كان جميل جدا-والحزام يخرب بيته كن هيكسر كتفى -والحمد لله رميت العربيه بتراب الفلوس اصلها كانت انتهت
صحبى كان جايب باسات واتقلب خمسين قلبه على 180 وطلع زى الفل
اعرف واحد خبط فى مرايه ميكروباس وقع مات
ايه الى انا بقوله دة
حصل خير
اعمار-وارزاق

المشاركة الأصلية كتبت بواسطة mollaelolla

انا ما لبستش حد زنوب
و مكفرتش حد
و لم افرض شىء على احد
و لم اقل ان نيسان هى الافضل
و لو سمحت ما تقولش على لسانى كلام لم اقوله خليك صادق
لو عندك كلمة طيبة قولها ده بد ما تعزينى؟؟؟؟

أنا ماكذبتش في حاجة.. تعالي نشوف كلامك..
أولا الموضوع عنوانه ايه؟ "الله يرحمه, لم يهتم بوسائل الامان. ليته امتلك نيسان" اطلب من الادارة تشيل تالت جزء مالوش أي لازمة.
ثانيا الجزء ده:

و كل من تهاون و قال " سيبك من وسائل الامان و جو الاتحاد الاوربى ده" أدى النتيجة

و لكل من اشترى سيارة ب 120 الف تفتقر الى ابسط وسائل الامان - حرام عليك نفسك و لو مش خايف على نفسك خاف على اهلك اللى حيتبهدلوا من بعدك

انا مؤمن تماما ان لكل اجل كتاب و لكن ربنا قال ايضا "و جعلنا لكل شىء سبب"
فلا توجد انت السبب بتقصيرك او باستهتارك او بالتقليل من شان اشياء قد يجعلها الله سبب لنجات كفلا تاخذها فى الاعتبار و تستخسر تدفع فيها
او تتغاضى عنها و تعطى الاولوية لاشياء اخرى

مش ملاحظ ان حضرتك بتتكلم علي قريبك المتوفي.. أو علي الأقل بتتهمه بان "التقصير" و "الاهمال" منه هو السبب في وفاته؟ كدة حضرتك مش بتركبه ذنوب؟ أنا مراعي الحالة النفسية لحضرتك فا يمكن ماركزتش شوية ف الكلام بس خد بالك وانت بتتكلم عن ميت بالذات.

وبرضه أنا ماغلطش لما قلتلك اللي قلته بناء علي كلامك. أنا قلت "

طب ماتركبش العربية خالص واركب المترو أو الاتوبيس عشان أأمن.. ولو ركبت العربية تبقي مقصر لأن انت اللي اخترت حاجة أقل أمان!!!
الأخذ بالأسباب يبقي في الحاجة اللي انت جبتها وبالقدر المعقول.. يعني مثلا لو حد مركب حزام أمان كويس ولابسه أساسا دماغه مش حاتلمس الايرباج الا لو لامؤاخذة رقبته اتكسرت!!"

وده النص الأول ولو عندك اعتراض فيه قوله. مش كل واحد ماجبش عربية بالايرباج بقي "مقصر ومستهتر" وخلي بالك ده كلام مش قليل في الموت بسبب التقصير.

بلاش بقي نلبس الناس ذنوب وكمان شوية حانكفرهم عشان ماجابوش النيسان صني!! واحد ومش عاجبه الشكل الداخلي وانا باعتبر خامات التابلوه بتاعها من جوة "مقززة" وأتحدي أي حد يقولي ان تقفيلها درجة أولي ولا حتي تانية!! حاجيبها وتفضل مرازياني كام سنة عشان الأخذ بالأسباب!!!

دي برضه عشان العنوان.. غير العنوان عامل زي ما يكون اعلان للعربية أو "آدي عقوبة اللي ماركبش النيسان". ياريت تكون لهجتي الغلسة شوية وصلت لحضرتك ليه وانا لو ماكنتش مهتم اني أوصل فكرة الموضوع ماكنتش رديت م الأساس. الموضوع كله انك تخلي كل واحد يلتزم بوساءل الأمان اللي موجودة عنده يعني يلبس الحزام ويتأكد انه كويس والسوستة بتشد واللي عنده حاجة زيادة يعملها.

والبقاء لله ماعرفش والله ماكتبتهاش ازاي بس كانت نيتي أكتبها وآسف علي النسيان.. وبرضه آسف لو كانت فيه حاجة ضايقتك.

المشاركة الأصلية كتبت بواسطة formulator

الله يرحمه ويغفر له

بس ليا كومنت لو سمحتوا



هو ده بس؛ مش مبرر ان يكون صاجها ضعيف (النيسان-صنى).. ده عيب على فكرة،
ومش عيب فـ التويوتا-الملكة ان صاجها يكون قوى.. دى ميزة!!

ومعايير الأمان فـ تصميم السيارة ليها حسابات تانى خالص مش بس ثقل الصاج..
على كده سواق عربية الـFormula1 الكاربون-فيبر اللى بتتخبط على سرعة 250+ كم كان مفروض اتفرم
(الـCarbon أساسا بيستخدم لصلابته العالية وخفة وزنه وتحمله للسرعات.. لكن بيتكسر برضه)؟!!

بس كل ده لا يمنع ان الصاج الثقيل-المحمل مطلوب برضه.. عـ الأقل هنا فـ مصر
وعربيات كتييييييييييير يابانى-وكورى فيها المشكلة-نقطة الضعف دى (حتى السيفيك)؟!!




هو طبعا إحترام لنيسان انها بتنزل الـabs والإيرباجز ستاندرد فـ عربياتها.. بس مش فـ المطلق كده؟!! وهقولك ليـــــــــــه؟
(يمكن عشان كده الأعضاء خدوها على انها دعاية)




e Respect ياباشا، الكلام ده مش صح
أولا: هو العكس صحيح (كان صحيح) فـ موديولز الـabs القديمة.. عكس المثال بتاعك؟؟!!!
- يعنى كاوتش traction بتاعه عالى على أسفلت تمام >>> العربية بتقف فـ مسافة وزمن أقصر من اللى من غير abs.
(عشان بيركبك نقطة الـbrake-threshold الى عمرك مانت يا سواق من غير abs هتعرف تعملها) ومحدش يقوللى كارج عـ الفرامل عشان O.M.balls
انت مش هتكارج بمعدل 30 مرة فـ الثانية زى موديول البوش؟؟!!!!!!

- لكن كان بييجى عـ الطين-الحصو.. و وقت-مسافة التوقف تزيد فعلا، عشان العجلة (اللى ما بتعملش lockup نتيجة وجود abs) مابيلحقش الكاوتش يكلبش فـ الأرض.
وبيفضل فوق الـboundary-layer سواء جليد-طين أو حصو.. فـ بيطول على ما توقف العربية.

إنسى بقى الكلام اللى فوق ده..
ثانيا: دلوقتى موديول الـBosch ABS 8.0/8.1 نازلين فـ كل العربيات الأوروبى هنا فـ مصر..
بيعمل wheel-lockup وكمان selective على العجلة اللى مش ماسكة فـ الأرض (بيقراها من حساس abs/ wheel-speed sensor)..
وبيخليها تزحف (أيوه تزحف زى فرامل الفيرنا) لحد ما تخترق الطين-الحصو وتوصل للأسفلت؟؟!!!

يعنى ممكن تلاقى VW أو BM بيضرب فرامل نص العربية برا الأسفلت عـ الرمل، والنص التانى عـ الأسفلت:
- العجلتين اللى عـ الأسفلت هيشتغلوا abs، والعجلتين اللى عـ الرمل هيفصل الـabs و هيزحفوا (lock تماما) والـebd محافظ على إتزان العربية؟!!!

لو سمحتوا الـABS+EBD أساسى ومحدش يحاول يبرر أى حاجة غير كده (يقنع نفسه هو حر)..؟!!
يعنى وإحنا بنتكلم فـ موضوع زى كده:
كفاية ان معظم العربيات الآسيوى -الجديدة- اللى فـ مصر.. لما تضرب فرامل lock مابيبقاش فيه أى steering؟؟!!!
دا إسمه تهريج (من الشركة التيييييييييت والوكيل والزبون)؟؟ يعنى أيه تتحط فـ موقف طوارىء.. ياإما تستخدم الفرامل ياإما تستخدم الدركسيون وماينفعش الإثنين مع بعض؟؟!!!
Oooooooooooops WTF
ABS طبعا طبعــــــــــــــا عشان عربيتك يبقى فيها دركسيون وانت بتدوس فرامل؟!!
ههههههههههههههههههه




طب ولما تحصل حاجة مفاءجة غصب عنك -طوارىء/حادثة قدامك لاقدر الله/مش غلطتك؟؟!!! حتى وانت ماشى بالراحة؟!!

لأ معلش،
إدينى عربية ثباتها وفراملها تمام، abs وإيرباجز، وياريت لو 5-نجوم EuroNCAP.. أجرى بيها 160 وغرز وسرعات..
هبقى مطمن (و فـ تقديرى إنى كده بأخد بالأسباب- طالما جوا الـLimits بتاع العربية)..!!
أحسن مليون مرة من عربية ثباتها وصاجها ضعيف، مفيهاش abs وإيرباجز.. وهبقى خايف وأنا ماشى بيها 80؟؟!!!

متحاولوش يا جدعان؟؟!!! الحاجات دى أساسية
والعيب عـ الـ3 زى ماقولت:
1- الشركة الـgeneric اللى عايزة تبيع وخلاص.. ومعندهاش حد أدنى -ستاندردز- للأمان فـ عربياتها
2- والوكيل ابن-التيييييييييييييييت اللى بيبيع فـ دولة مفيهاش regulations
3- الزبون -الزبون- اللى بياخد البلوتوث والسمارت-كي بدل الـABS والإيرباجز؟!!

ويوم ماينزله abs (بيبقى من غير ebd)؟!! وإيرباجاية واحدة للسواق (واللى جنبه يطلع من الإزاز مش مشكلة)
أيوه قصدى هبور!! نيههااهاااااااااااههههههه ههههههههه

شكرا بجد ع المعلومات القيمة.. أنا أصل قريت قبل كدة عن الموضوع اللي قلت عنه بس ماعرفش انه تطور للدرجة دي. ع العموم أنا متعود حاليا علي عربيات من غير abs ومس ناوي أجيب الا بعد الجواز بقي ان شاء الله ان كانت الامكانيات تسمح.. يا اما أحول ع ال stepway واضحي بالاوتوماتيك.

المشاركة الأصلية كتبت بواسطة formulator

أنا بقولك ليـــــــه النيسان فيها آه عوامل أمان؟ بس مش فـ المطلق؟!!
وعنوان التوبيك حضرتك بتقول "ليته امتلك نيسان" أنا فاهم قصدك والله، بس هى الناس خدتها كده!!

هقولك على حاجة..
بصرف النظر عن رأيى الشخصى فـ النيسان المصرى-المكسيكى!! وإن آخر صنى (بالنسبالى) كانت اليابانى الـ1300 بتاع 2001-2003 تقريبا..؟!!
والنيسان اللى أنا أعرفه دلوقتى يبدأ من الألتيما 2.5 اللى شفتها فـ الإمارات

واحد زميلتى فـ الشغل معاها صنى الشيب اللى فات: سوبر-صالون هاى-لاين (آخر حاجة نزلت قبل الشيب الجديد).
عملت حادثة صغننة فـ مطلع الكوبرى -ميكروباص زنق عليها (هوشها) طلعها فوق الرصيف.. لبست فـ سور الكوبرى وكسرت عمود -الحمد لله انها ماوقعتش من فوق!!
(والنيابة مكانتش عايزة تخرجها إلا لما تتصالح مع الحى عشان إتلاف ممتلكات دولة.. وكانت ليلة)؟؟!!!
بص بقى ياسيدى اللى لقيته لما روحنا شوفنا العربية..

- العربية ضايعة من قدام ومن تحت (إكصدام ورفرف + عفشة الجنب الشمال قدام هتتغير، وممكن قنطرة محرك)
أهم حاجة بقى: الإيرباجز لما فتحت.. أقولك 4-5 غلطات فـ رأى أصحابنا المهندسين -مش رأيى

1- الخبطة من تحت أكثر، مادخلتش عـ الصدر.. ليـــــه الإيرباج تفتح؟؟
(فـ الـsystems المتطورة الكبسولة-السنسور بتبقى لجوا سيكا مش تحت الإكصدام، عشان ماتفتحش إلا فـ الخبطة الجامدة)..
ومعندوش مشكلة فـ سرعة الفتح لأن الإيرباجز الجديدة أصلا بتفتح فـ milli-seconds وأسرع من الـsrs القديم.

2- طب إيرباج السواق تفتح ماشى.. إيرباج الراكب الأمامى تفتح ليــــــــــه أصلا؟؟
هتقولى أى حساس بيفتح الـ2 إيرباج.. غلط!! المفروض يفتح الجنب اللى مخبوط فقط.
فـ العربيات الجديدة بيبقى فيه حساس على كرسى الراكب.. عشان يفتحها لو حد قاعد عـ الكرسى (ده غير الحزام طبعا)
وكماااااااان بيديك أوبشن passenger airbag on/off
كل ده مش موجود فـ الصنى؟!!!

3- الإيرباج مش بتفتح على مرتين، فتحت مرة واحدة.. (المفروض تفتح على مرتين الفرق بينهم أجزاء من الثانية برضه).. الكلام ده عرفوه بعد ما فكوا الموديول!!
طبعا عملتلها كدمة جامدة؟!!

4- الإيرباج وهى بتعمل deflation.. سربت sodium-azide عملها حرق فـ وشها وإيديها؟؟!!!
(دى المادة اللى بتدخل فـ تفاعل الموديول لما يتـactive من الحساس + electric-match بتطلع نيتروجين ينفخ الإيرباج)
طبعا العيب فـ حاجتين: Material الإيرباج (المفروض grade عالية من الـnylon-فيبر ودى طبعا مش كده)،
ومكان تسريب الصوديوم-أزيد بيبقى متحدد مع خروج الغاز بعد الـinflation عشان ما يؤذيش الركاب؟!!

من الآخر: السيستم بتاع النيسان -التقفيل المصرى- قدييييييييييم جدا ومش advanced ولا يقارن حتى بشركتهم الرينو -التقفيل التركى- فـ الفلوينس؟!!!
- وكمان موديول الـabs مش بوش ولا denso زى اليابانى، ولا delphi ولا لوكاس زى الرينو (ماركة weird مش فاكرها)؟!!

عرفت الأعضاء خدوها بمحمل تانى ليــــــه؟؟

ده رأيى وأتمنى تتقبلوه بصدر رحب (من غير حساسية-صدر) ههههههههههههههههه
ومش هجوم على حد أو ماركة.. أنا لما بعمل attack على ماركة أو عضو بقوله فـ وشه -وششششششششششش
هههههههههههههههههه

رايك و خبرتك تحترم :)
بص عشان اجيب من الاخر النيسان اه تكنولوجي قديمة ( و انا عارف كويس ... راكب اوبل 10 سنين - و شفت الاي بي اس اللعبة اللي راكب في الصني :) مقارنة بالاسترا )

بس والله لما قارنت بين الهيوانداي الالنترا 2011 20.000 كم اللي يقولي 95000 جنيه مصري ( مستعمل ) اوتوماتيك فقط !!!!!!!
اه و اشارات مرايات
و بين سوبر صالو ن 2011 20.000 كم ب 2 اير باجز و جنوط و عفشة رياضية و اي بي اس
اكيييييد اخترت النيسان