الموضوع: اول مشاركة ليا فى المنتدى و حتار اشترى كورولا 2007 ولااوبترا زيرو

معلش ياجماعة السيفيك حاجة والكورولا حاجة تانية هتساوى السيفيك ال 2008 و 2009 بالكورولا ؟ دا شكل الكورولا 2007 بيوحى بعدم الثبات تحس كإنها مصنوعة عشان تتقلب

لصاحب الموضوع أنا مش قدامى ميجان مستعملة للأسف وللأمانة عادى جدا تصلحها برا التوكيل وتقريبا أغلب اللى معاهم ميجان فى قسم رينو بيصلحوها برا وقطع غيار من برا وأصلية

أنا عن نفسى من المنيا واشترتها برغم كل الإشاعات وأنا كمان بعيد عن التوكيل والعربية والله اليومين دول محتاجة تغيير فلاتر كلها وبوجيهات وزيوت وشغالة طحن والله فى شوارعنا المكسرة ومشتكتش

نصيحة منى سيبك من كلام ياريس ههههههههه من يومين كان بيقولك الكورى وبيستحمل الحر ومش عارف إيه والفرنساوى والألمانى بيفيص فى الحر

هو كدا دايما بيعاند وخلاص وكلامه شبه مقنع ولكنه غير سليم ههههههههههه حبيبى أميدو

لما لقيت الميجان سعرها وقع زى ما الناس بتقول طبعا المفروض كل العربيات المستعملة تكون فى المتوسط دا لكن نقدر نقول فيه عربيات مستعملة كتير ع الصيت بتمسك سعر أنا حاسبلك قيمة مقابل مال يعنى هتاخد إيه بال 100 ألف اللى إنت دفعتهم خصوصا إنك ممكن تاخد بيهم حاجة أنضف مستعمل وحاجة أنضف وراحة بال فى عربية زيرو

ميجان من وقت ما نزلت لحد الوقت دا سعرها متغيرش عشان توكيلها محترم مش حرامى

الميجان ما ظهرش فيها عيب قاتل زى ماظهر فى الكورولا ال mmt ومنكد على أصحاب العربية عيشتهم
وأديهم محتاسين والتوكيل ضارب الطناش

توكيل رينو أفضل توكيل فى مصر فى كل شئ

مفيش تنازل فى عوامل الأمان من رينو الميجان فيها 6 إيرباج

سعر الميجان هاى لاين من 2005 هو 160 ألف وحاليا هو هو نفس السعر العربية سعرها لا زاد ولا قل

لكن للأمانة التعديلات طفيفة يعنى محصلش تعديل جوهرى فى الميجان بس اللى بتنزل دلوقتى هاتشباك

بس شوية أوبشن محترمين وفتحة سقف بانوراما ودلع وشياكة وليها ناسها اللى بيشتروها برضه هى والفليوانس

تخيل إن ب 75 ألف تركب ميجان بانوراما جنوط وتكييف تاتش وكراسى جلد واوبشن تانية كتير وعوامل أمان وكمبيوتر أعطال ووسع صالون داخلى وراحة ركوب وشياكة وحاجة معمرة

كان تمنها فى سنتها 160 ألف

وإنك تركب حاجة أقل منها فى كل حاجة ومرطرطة فى الشارع وب 100 ألف جنيه وهى كانت ب 110 تقريبا

معلش يعنى دا إنت لو جبت عربية النهاردة وبعد 3 شهور بالظبط بتعتها هتخس ال 10 ألاف دول

ياباشا إحنا بنبص للإمكانيات دلوقتى عايزين إيه بى إس وعوامل أمان وموتور أحدث وحاجة أنضف

وحكاية الشرطة بتستخدم كورولا دى اتفاقيات وكلام من دا عشان التويوتا رخيصة والنيسان أرخص وحلوة فى نفس الوقت مهو كله بيبص للتوفير دلوقتى وكله عايز يطور وينتج ولا داعى للإسراف

مهو عندنا فى مصر الشرطة شوية كانت بتنزلهم سكودا وقبلها كانت كورولا وبعدها بريليانس وبعدها اسبيرانزا وشيفورليه

أنا مالى أنا بالشرطة راكبة إيه وهل معنى ان الشرطة مش عارف بتاع بلد مين راكبة كورولا يبقى الكورولا ال 2007 دا سعرها ههههههههههههههههههه

ياراجل دا أنا ضربت فرامل على 100 العربية وقفت فى وقت قياسى والإيه بى إس عمل أحلى شغل وأنقذنى من حادثة مؤكدة بفضل الله الكورولا دى مفيهاش الإيه بى إس دا ياريس اللى مينفعش النهاردة عربية ما يكونش فيها

أنا مش قادر أوصفلك أنا بحترم الميجان دى قد إيه ومش عارف لو فكرة أجيب عربية شخصية لنفسى حاليا بتاع والدى

هركب إيه أعلى منها بسعر معقول

ونصيحة لو هتشترى زيرو دوس فى الزيرو واشترى راحة بالك معاه وشوف احتياجاتك من العربية وبعدين اختار بين عدة اختيارات

بس خد بالك إنت لسة هتتعلم ولو العربية اتخدشت منك بس هتزعل عليها :)

بس هتبقى عربية مربيها على إيدك ودارسها وعارف كل ما فيها