الموضوع: اول مشاركة ليا فى المنتدى و حتار اشترى كورولا 2007 ولااوبترا زيرو

اختيار لا ما يدزود لحد 124900 ويشترى أول فئة أوتو لانسر شارك بومة مين بس يا جماعة أسيب الموتور الجديد المايفيك والشكل الجديد الرياضى والتسارع الأفضل والثبات الأعلى وأروح للى خلاص مبتنزلش زيرو غير فى بلدنا بس ؟

المشاركة الأصلية كتبت بواسطة hany63

مع احترامي للميجان و اللي راكبنها ياريت نقارن الريسيل بتاعها مقارنة بالكورولا يعني الكورولا كانت ب 122 الف بتتباع ب 100 الف و الميجان نفس التمن تقريبا بتتباع في رانج 60 الف

طبعا كعربيه مش هافتي في الميجان بس برضه موضوع الريسيل يوضح قيمة الكورولا
العربيه دي لو سليمه و اتوماتيك فرصه لا تعوض و اللي بيبعها بيندم عشان مش سهل يلاقي عربيه ترضيه و احتمال تلقى ضهر العربيه اللي ورا الاكصطدام على طول متغير او على الاقل مردود على البارد و ده مش عيب نهائي عشان ده مش شاسيه و انا عن نفسي سمكرته مرتين عشان البهايم اللي بيخشوا فيك و انت واقف انما لو فيها خبطه في حوض الشنطه ما لهاش لزمه
العربيه عامله معانا 91 الف و لسه بحالتها و 1300 امال ال 1600 تبقى ايه

هههههه إيه ياجماعة أنا لما أتكلمت عن ميجان كان بناء على رغبة صاحب الموضوع وليس كغرض للمقارنة

بالنسبة لسعر الكورولا كانت ب 112 تقريبا ونزلت فى فترة ل 104 ألف

بالنسبة لميجان كانت بتبدا من 127 على ما أتذكر لحد 160 ألف

مش معنى إن العربية فى سوقنا سعر إعادة بيعها كدا إنها مش كويسة مكنتش أشتريتها من الأساس

بالنسبة برضه لسعر أعادة بيع الكورولا مش معنى كدا إنها تستاهل يعنى مبالغ فيه برضه :)


بالنسبة ليك إنت كمشترى لو هتشترى ميجان حاليا هتشتريها بسعر أقل ومواصفات لا تقل عن الكورولا بل تزيد عنها

وإنت كدا اشتريت عربية ممتازة بسعر قليل يعنى صفقة رابحة جدا ولو ميجان حالتها كويسة قوى هتبقى بأكتر من 60 ألف

مش محصلة تمن الفيرنا ولا حتى البيكانتو

يعنى اللى هيشتريها مستعملة هيخسر فيها إيه يعنى ؟؟ الخسران الحقيقى المالك الأول فقط

عامة العربيات المستعملة برا ملهاش تمن زى هنا لأن هناك ناس متفهمة جدا يعنى إيه عربية استهلكت
وراحت عليها

مفيش أبدا عربية تستعمل 5 سنين بحالها وتخسر 10 آلاف بس

يعنى من الآخر حسبة خاطئة مبنية على الصيت والشهرة والسوق المصرى فى السيارات يعنى جهل+تجار مش فاهمين واستغلاليين + مستهلك بينضحك عليه بسهولة

عشان كدا أنا فضلت الميجان مستعملة على اللانسر ومثيلاتها من ذوى الصيت والشهرة


الكورولا والياريس عربيات ممتازة طبعا بس مش معنى إن العربية حلوة إنها تغلى بنفس الأمكانيات

أمال التويوتا الشكل الجديد مستعملة بكام ؟؟؟

دى كانت نازلة زيرو ب 145 ألف