اول مشاركة ليا فى المنتدى و حتار اشترى كورولا 2007 ولااوبترا زيرو

**coldheart** · 15-09-2012 03:24 AM

السلام عليكم
انا دكتور و اول مرة اشترى عربيه لانى محتاجها فعلا جدا لشغلى و اسرتى علشان اتبهدلت مواصلات فخلاص لسه مطلع رخصه و حاليا بشوف اشترى عربية ايه ...... صحاب ليا معاهم افيو و بيقولولى يلا توكل زينا بس بعد تقاريرها هنا و فيديو الافيو اللى جالها بارومه فى العربيه كلها بعد سنه خلانى انسى كلمة افيو اصلا ..... قولت اشترى الاوبترا و اتوماتيك بقى ما انا مبعرفش اسوق قوى ...... خلاص نويت لقيت دكتور صاحبى جدا و عارفه قوى و جارى معاه كورولا 2007 1600 ماشيه 46000 مغير الاكصدام الورانى بواحد 2003 مش باين قوى بس فى فرق بسيط قوى عند الفوانيس ..... راكن العربيه فى الجراج طول الوقت اصل احنا من البحيرة و مركز جراحته و عيادته فى بيته بيروح بيها اسكندريه مرة كل اسبوعين فى الصيف بس و قلما لما شوفتها برة الجراج .. اخر مرة من اسبوعين دخل فى الكاوتش مسمار لاول مرة قام مغير الجوز و اشترى كاوتش بيريلى ... يعنى ولا بيستخسر فيها حاجة ... هو عاوز يجيب 2013 هاى لاين فتحة سقف و كده مش بيبيع لعيب فيها ... لما عرفت انه حيبيع اتلغبطت اعمل ايه .... زيرو ولا يابانى مستعمل

افيدونى بالله عليكم يا ملاك التويوتا ؟
و بالله عليكم انا عارف انى طولت بس اسف لو حبيت اغير الكصدام الورانى حيكون بحوالى كام ؟

نسيت هو طالب فيها 100 الف و هو كان شاريها من 8 شهور ب 113 الف

**Y a r i s** · 15-09-2012 03:45 AM

يا اهلاً وسهلاً بيك يا دكتور
كقوة متور. تويوتا تكسب
كماتريل داخلي وفخامة. الكورولة تكسب
كثبات وكفائة التويوتا تكسب
كاحتفاظ بسعرها. التويوتا تكسب بجدارة
ككفائة متور مفيش واجه مقارنة الياباني يكسب
كراحة نفسية وبرستيج يادكتور الكورلا تكسب
كتكييف داخلي الكورولا تكسب
عزل الكورولا احسن. من الاوبترا
توفر قطع غيار التويوتا تكسب
لذلك انصحك تشتري اوبترا هههههههههه. لا لا بهزر معاك يا دكتور. طبعاً ياباشا كورولا وانتا مغمض انا بتسئل عن ايه ياباشا حد يسئل عن تويوتا .... دي حلم اي شاب مصري أصيل ...

بس هيا العربية فبريكة بره وجوه يعني مش راشة يعني متخبطيتش قبل كده دي نقطة مهم التاكد منها والاكصدام الخلفي مش مشكلة كلام فارغ بس المهم. ميكنش في فعصة في الشنطة من جوا الحديد الاصلي بتاع الشنطه والشاسية غير كده توكل على الله وخدها وانتا مغمض هيا لونها ايه صحيح بالمناسبة

**MohammedAladel** · 15-09-2012 08:52 AM

هى دى الشكل الجديد ؟

لو الشكل القديم أنا مستغليها بصراحة بالسعر دا

بعدين مانيوال ولا أوتوماتيك

بس فى كل الحالات غالية ولا هو دا سعر الكورولا مستعمل

لما الشكل القديم فى 2007 كان عامل 104 زيرو بعد تخفيض من 112

**MohammedAladel** · 15-09-2012 09:20 AM

شوف نصيحة زود كام ألف ع ال 100 وهاتلك شيفورليه كروز أول فئة وعليها خصم

وال 100 ألف تجيبلك هوندا سيفيك مستعملة بحالة كويسة جدا وموديل حديث كمان

وفيه الفيات لينيا ب 115 أول فئة أوتو و 135 هاى لاين

والكيا سيراتو

وكل دا جديد

**Y a r i s** · 15-09-2012 10:20 AM

دي شكل الدبة يا حج محمد الشكل الي قبل الي نازل دلوقتي على طول. ( الملكة )
وياحج محمد فايت ايه بس الي بتقول عليها .... الراجل بيقولك دكتور هتركبوا فايت مش حلوة علشان برستيجوا .... بص يادكتور خليك معايا انا الكورولا مفيش عليها كلام بس في نقطة صغنططة قاد كده ، حضرتك بتقولي جديد في عالم العربيات

فهل تستطيع بعد شرائك عربية مستعمله تعملها عملية كده صغيرة متحيسش بيها زي شكت الابرة بمعنى ايه. تعملها السرفيس بتعهاا كامل من تغير زيوت وفلاتر وتجبلها طقم كوتش جديد وتغير سير المجموعه ولا مش هتعرف والوقت مش هيسعفك ... وحضرتك مش غاوي وجع دماغ خفيف او نصفي وتعالج العربية على ايديك

اذا كده ريح دماغ حضرتك وهاتلك عربية جديدة ... بس خليك في الياباني. شروة بشروة ( اشتري دماغك ) وهاتلك ياباني في عندك نيسان صني الشكل الجديد. خود حضرتك المدام وروحوا معرض العربيات الي جمبيكم وفرجها عليها واتفرج عليها .... ونقولكم لون كده حلو بس ابعد عن الاسود والكحلي والالوان الغامقة دي علشان الصيف والحر عربية جميلة او لزيزة

وفي عندك كمان توكيل ديهاتسوا في عندك ( السيريون ) كمان عربية ياباني بس ١٠٠٪ ومتورها متور تويوتا برضو بص عليهم زيروا .... واذا معجبكش النيسان او السيريون. توكل على الله وخود الكورولا .... برضو مش هتندم بل بالعكس هتستمتع تلات عربيات اهم يستاهلوا كل جنيه هتدفعهم فيهم

**MohammedAladel** · 15-09-2012 11:10 AM

لصاحب الموضوع بالسعر دا خليك فى الزيرو أحسن

الصنى الجديدة حلوة بر ضه هى والسيريون

أنا الكورولا دى لو مش ماشية غير 30 ألف كيلو بس وبحالة الزيرو ومفيهاش خربوش مرضاش أشتريها بالسعر دا لأنه غالى جدا عليها

حتى لو كان سوقها ماشى كدا إنت بتشترى عربية مستعملة ومهياش حاجة فخمة يعنى عشان تدفع فيها المبلغ دا

إنت هتدفع فيها المبلغ دا عشان الشهرة فقط لا غير

وبعدين الشكل دا لمست فيه غباء التصميمم تحس إنها ورا زى قدام العربيات الصينى شكلها اشيك بكتير منها

والله أنا بقولك كدا لوجه الله

**coldheart** · 15-09-2012 04:26 PM

المشاركة الأصلية كتبت بواسطة mohammedaladel

هى دى الشكل الجديد ؟

لو الشكل القديم أنا مستغليها بصراحة بالسعر دا

بعدين مانيوال ولا أوتوماتيك

بس فى كل الحالات غالية ولا هو دا سعر الكورولا مستعمل

لما الشكل القديم فى 2007 كان عامل 104 زيرو بعد تخفيض من 112

هى اوتوماتيك و سعرها فيهاغلىمنه شايفه هنا فى منتدى الكورولا و ناس عملت مواضيع ليه2007بالذات غاليه بس النا ردت ان العربيه ممتازة و اعطالهاقليله بس مش منعدمه و توفير بنزين

حضرتك مكتوب معاك ميجان 2007 ودى كانت احد احلامى بس خايف لان تصليحها فى التوكيل و كومبيوتر بقى و قطع غيار غاليه

**coldheart** · 15-09-2012 04:28 PM

المشاركة الأصلية كتبت بواسطة mohammedaladel

شوف نصيحة زود كام ألف ع ال 100 وهاتلك شيفورليه كروز أول فئة وعليها خصم

وال 100 ألف تجيبلك هوندا سيفيك مستعملة بحالة كويسة جدا وموديل حديث كمان

وفيه الفيات لينيا ب 115 أول فئة أوتو و 135 هاى لاين

والكيا سيراتو

وكل دا جديد

هو انا ناقص لغبطه يا عم الحاج ههههههههههههههه مشكور حاشوف العربيات دى

-

الموضوع: اول مشاركة ليا فى المنتدى و حتار اشترى كورولا 2007 ولااوبترا زيرو

LinkBack

أدوات الموضوع

عرض

-

-

-

المواضيع المتشابهه

كورولا 2007 1600 و لا لانسر بومه زيرو

ناوى اشترى فيرنا اوتوماتيك زيرو ومحتاج رأى خبراء المنتدى

نيو أكسنت كاملة أوتوماتيك 2007 ولا لوجان زيرو ولا لانوس زيرو

استطلاع : اشترى ياريس زيرو و لا كورولا 2007 مستعمل

تويوتا كورولا زيرو ولا اوكتافيا a5)2007

الكلمات الدلالية لهذا الموضوع

المفضلات

المفضلات

ضوابط المشاركة