الموضوع: اول مشاركة ليا فى المنتدى و حتار اشترى كورولا 2007 ولااوبترا زيرو

المشاركة الأصلية كتبت بواسطة coldheart

الى الاستاذ محمد العادل شكرا يا باشا على النصائح و الكلام الجميل و ربنا يسهل الحال و يكون الموضوع ده معرفة خير على ناس محترمة و زى الفل و برده الاستاذ ياريس و sophos و الاستاذ احمد فهمى محترم و مقدر و عاجز عن الشكر لسيادتكم و حدرس الموضوع كويس و حشوف ان شاء الله

ربنا يبارك فيك
ده شرف لينا والله انك تنورنا ..

المشاركة الأصلية كتبت بواسطة MohammedAladel

مفيش أدنى مشكلة أنا بقول رأيى بصراحة اللى انا شايفه بقوله ممكن حضرتك تقرأ ردودى بوضوح هتفهم أنا أقصد إيه عشان ميبقاش سوء تفاهم

أنا مش بعيب الكورولا طبعا أنا بعيب السوق :) وبينت ليه

بالنسبة لى أنا قلت ميجان لما صاحب الموضوع سألنى عليها :)
قلت رأيى بصراحة ولو حضرته عايزنى أشرحله كل اللى أعرفه فيها حتة حتة هعمل كدا لوجه الله

وقلتله بالنسبة للمستعمل هى سعرها كويس جدا بأوبشن عالى وتوكيل محترم

قلتله كذا عربية بالنسبة للزيرو منهم الفيات لينيا

يعنى أنا مش متحيز انا بساعده يختار حاجة مناسبة ويفكر كتير عشان بعد ما يشترى عربية ما يحسش بزعل زى ما أنا اشتريت العربية اللى معايا عن اقتناع برغم كل الأشاعات ولو حصل فيها إيه برضه مقتنع بيها

معلش بقى صعب تل اقى واحد عجبه شكل الميجان يعجبه شكل الكورولا

تكييف الميجان مش تلاجة لكنه كويس تقدر تديله فى عز الحر جيد لو ماشى طريق طوالى جيد جدا

بالليل ممتاز طبعا

العفشة كويسة مالها العفشة يا سيدى الفاضل :)

الأعطال شايف إنها عادية جدا :)

ع العموم مش هنختلف ربنا يكتب له ما فيه الخير :)

يا باشا انا مش بمدح فعربية علي حساب عربية والميجان عربية تستاهل الاحترام
ولكن الموضوع كان بعيد عن الميجان خالص حتي اعتقد صاحب الموضوع هيكون
رافض الفكرة دي كل الحكاية واحنا اكيد مش هنختلف مع بعض علشان العربيات
لاننا متأكدين ان الكمال لله والعربيتين مشتركين فحاجات وفي مميزات في دي هتكون مش فدي
والعكس صحيح ولكل واحدة فيهم بالتأكيد عيوب بردوا والمشتري هو الي بيختار الانسب ليه
وربنا يباركلك فالميجان
تحياتي ..

المشاركة الأصلية كتبت بواسطة Y a r i s

صلو على النبي. ياجماعة
نبعت نجيب اتنين لمون يروق اعصابكم ياحبايب قلبي



خود يا احمد ياحبيبي كوبايت اللمون دي من ايديا ومتكسفنيش


بصو ياجماعة. العربيات دي زي الستات .... ومينفعش حد يتكلم على الست بتاعت صاحبوا .... ويجي واحد يقول الثبات بتاع مراتي اعلى.... التاني يرد عليه ويقلوا لأمراتك مش ثابتة .... انا مراتي فيها abs التاني يقولوا لأ مراتك فراملها ضعيفه ولسانها طويل ههههههههههههه. حبايب قلبي واللهِ خلاص كل واحد مقتنع بمراتوا ههههه قصدي بعربيتوا .... بس برضوا الست اليابانية العالم كلوووو بيحلف بيها غير الست الفرنساوية بتاعت باباه وماماه وبونجور .... ده غير الذكاء الياباني يا اخي لايعلى عليه ذكاء كفاية انهم بيفطروا سمك على الصبح. يعني فسفور من كل حته لذلك العربية الكورولا. تلاقي الي مخترعها ومصنعها دماغوا مشعشعه كده ومنورة فسفور وبيشتغل بضمير لان سمعة اليابان على المحك. بخلاف عربية فرنساوية وتلاقي الي مصنعها وعمال ياكول حتت جبنة وكيس بسكوت وباكوا بقسماط

هو صحيح شكلها حلو وجسمها سمبتيك بس يافرحتي هو انا هاخود العربية اخوش بيها عرض ازياء انا عاوز عربية اطحنها وتكون حمالة قسية وتستحمل ولا ايه يا حج محمد .... وبعدين فرق يا اخي لمن الواحد ياخود عربية لسه هيربيها على ايديه وفرق بين عربية. متربية جاهزة ومئدبة وبتسمع الكلام هههههههههه لسه هنوقعد نربي من جديد ونطبطب وندادي وصيانة الخمس تلاف كيلو وصيانة العشرة وصيانة الخمس طاشر وتروح للتوكيل تقلهم اصل بسمع صوت مش عارف منين يقوم يقلك المهندس فين فين ويعملك فيها اطرش او عبيط وبعد ما تسمعوا الصوت يقولك لا الصوت ده طبيعي وهو كده .... وحتى لمن تتخبط ولا تتجرح او تتخربش تلاقيك نزلت زعلت عليها وتقعد تشتم في البلد وتشتم وتلعن طيب على ايه العربية المستعمله. بتخليك تكبر دماغك. وبتحافظ على صحتك. ايوه بتحافظ على صحتك واسئل الدكتور ... هيقولك مزبوط. لان بمجرد ماتزعل على خربوش اتخربشتوا عربيتك الجديدة وخربوش على خربوش. ممكن يجيلك السكر لاقدر الله او ارتفاع الضغط ده غير اكتئاب مزمن بخلاف عربية مستعمله اتخربشت. ولا اتجرحت ولا حتى روكبتها اتسكرت مش هتزعل عليها. ولا ايه !
وتحياتي ... اشربوا اللمون بقه شغل ايديا وحيات عنيه

يا استاذنا كفاية وجودك
وتسلم ايدك علي اللمون مع انك اكيد متأكد اني بتكلم عادي
انما انا لو عليا هسيب الاثنين واروح علي السيفيك