للأسف الموقف ده انا عملته قبل كدا على الطريق الزراعي، وكنت مكان السوبارو وسمحت لبتاع ربع نقل يعدي من واحد مهدي قدامه على اليمين ويادوب بعد فترة لقيت نقل ماشي على الشمال بيدلع وطبعا مش هاييجي على اليمين في مكانه الطبيعي ولازم مع الأسف اتخطاه من اليمين، وكنت سبقت الأخ بتاع الربع نقل بمسافه معقوله قوي تعديني مرتاح من غير ما اعطله ، اديتله إشارة يمين ومعنديش شك انه هايقدر موقفي السابق معاه
لكن على مين، صاحبك بتاع الربع نقل تقريبا حرق على عربيته وقلب نور وماتت ايده على الكلاكس وعمل كل حاجه ممكن تهددني اني معديش قدامه
بصراحه سيبته يعدي وعديت وراه وسوقت العربيه بنرفزه بعد كدا عشان يختفي ورايا وماشوفوش تاني
للأسف في ناس بتعتبر اللي بيتصرف معاهم (بجنتله) على حد تعبيرهم انه خواف او جبان او غشيم سواقه
المفضلات